السلام عليكم ورحمة الله وبركاته ،
مش عارفة انا ينفع ارد ولا لا
بس زى ما تيجى بقى
اقتباس:
المشاركة الأصلية كتبت بواسطة sara_gm90
بصراحه انا عندى مشكله عايزه اى حد متخصص او عنده خبره يرد عليا ضرورى جدا
|
هو انا ولا متخصصة ولا عندى خبرة
انا زىى زيك ف تالتة ادبى
بس هاقولك اللى انا باحاول اعمله
مع ان الرد متأخر اوى
اقتباس:
المشاركة الأصلية كتبت بواسطة sara_gm90
انا طالبه ادبى فى سنه تانيه مكنتش بذاكر كويس اوى وجبت 84% والسنه دى حبيت انى ازود مجموعى بدات السنه كويس اوى وكنت متابعه مع المدرسين
|
جميل اوى
الحاجات دى مراجعة بسيطة عليها
هاتخليكى تفتكريها كويس باذن الله
اقتباس:
المشاركة الأصلية كتبت بواسطة sara_gm90
وبعدين قبل العيد باسبوعين لقيت كل حاجه بتتغير مذكريتى قلت بشكل كبييير و بقيت على طووووول بتفرج على التليفزيون ومن غير اي سبب ومعنديش اى ظروف تعطلنى عن المذاكره وكل وقتى ضايع كده بس بعد العيد انا بطلت التليفزيون خالص لكن وقتى لسه ضاااايع ومش عارفه انظمه
|
كلنا بييجى علينا وقت حماسنا بيقل وبنكون مخنوقين من المذاكرة ونضيع الوقت ف اى حاجة
حتى لو حاجة مش ليها لازمة
المهم
اعملى جدول مذاكرة
جيبى ورقة فاضية
اكتبى ايام الاسبوع
واكتبى الحاجات اللى وراكى تخلصيها ف الاسبوع ده
وعلى اساس مواعيد دروسك ووقتك الفاضى وزعى الحاجات دى
اتحدى نفسك وقولى لازم اخلص الحاجات دى
حطى قدامك هدفك
واشتغلى عشانه
واظبى على الصلاة كويس اوى وادعى ربنا كتيير
وقبل ما تبدأى مذاكرة قولى الدعاء ده
اقتباس:
|
اللهم أني اسألك فهم النبيين و حفظ المرسلين و الملائكة المقربين
|
اقتباس:
|
اللهم أجعل ألسنتنا عامرة بذكرك و قلوبنا خاشعة بخشيتك و أسرارنا بطاعتك أنك على كل شيء قدير .. حسبنا اللّه و نعم الوكيل .
|
هاتحسى ان ذهنك صافى ومستعدة تذاكرى كويس
وبعد ما تخلصى ده
اقتباس:
|
اللهم أني استودعتك ما قرأت و ما حفظت و ما تعلمت فرده عند حاجتي إليه إنك على كل شيء قدير ، حسبنا اللّه و نعم الوكيل .
|
هاتلاقى نفسك مطمنة ان كل اللى ذاكرتيه هايفضل ف دماغك على طول ان شاء الله
حاجة تانية
جربى تذاكرى من بعد صلاة الفجر
لحد الضهر كدة
الوقت ده بيكون هادى اوى وهاتلاقى نفسك مرتاحة وعندك حماس تذاكرى
واخر حاجة
حاولى تحبى المواد اللى انتى بتذاكريها
فكرى ف يوم النتيجة لما مجموعك يعلى وتكونى مبسوطة وحاسة انك حققتى حاجة كويسة
---
حاجة مهمة نسيت اقولها
اعتمدى ف المذاكرة على الفهم اول حاجة
وبعد كدة الحفظ
هاييجى لوحده بعد الفهم
وبلاش تعقدى ف نفسك
اعملى اللى عليكى وسيبى الباقى على ربنا
( ان الله لا يضيع اجر من احسن عملا )
اممممم
بس كدة متهيألى انا مش باعمل حاجة تانية
اقتباس:
المشاركة الأصلية كتبت بواسطة sara_gm90
يمكن يكون الوقت متاخر على الكلام ده |
وقت ايه اللى متأخر
لسة قدامك فرصة كبيرة تذاكرى المنهج من اوله
بس توكلى على الله
وربنا يكرمك
اقتباس:
المشاركة الأصلية كتبت بواسطة sara_gm90
بس انا فعلا محتاجه مساعده ياريت الاقى رد بسرعه
|
هو الرد مش بسرعة للاسف
بس ان شاء الله تشوفيه
ويا رب يفيدك باى حاجة
ربنا معاكى ويوفقك