[زهرة الياسمين]

عرفنا بنفسك ؟

زهرة الياسمين
17 سنه و3شهور و6 ايام
بتحب/ى الطبخ ولا؟
بموت فى الطبخ والمطبخ

بتعرف/ى تطبخ ولا ؟
بعرف طبعا اطبخ جميع انواع الاكل ان شاء الله هافتح مطعم وهافلس
اكتر اكله بتحبها واكتر اكله بتكرها ؟
اكتر اكله بحبها المكرونه بالبشاميل
واكتر اكله بكرهها لحمة الراس


اكتر طبق بتحب وبتعرف تعمله وقولنا الوصفه اهو نتعلم؟

بحب البسبوسه جدا
الطريقه :
كيس بسبوسه ونضع عليه 2 علبة زبادى وبعدين نحط سمن وجوز الهند حسب الرغبه وبعدين ندهن الصينيه بالسمن ونحط فيها البسبوسه ونحطها فى الفرن وبعدين نكون مجهزين الشربات ويكون بارد وأول ما تستوى نسقيها بالشربات وممكن نزينها بالقشطه :::: وبألف هنا وشفا

اول مره دخلت فيها مطبخ كانت امتا؟

مش فاكره بس انا بدخل المطبخ من وانا فى ابتدائى هههههه عشريه

وكانت اول طبخه عملتها من اول ما دخلت المطبخ ايه ؟

مكرونه مسلوقه وساعتها حطيت المكرونه فى الطماطم قبل ما تتسبك وكانت طعمها

لو فى مره طبخت طبخه وفشلت ( كالعاده يعنى ) ايه بيكون شعورك؟

عادى احاول تانى وهاتطلع احسن

احكلنا عن موقف حلو حصل معاك فى المطبخ ؟

اول مره كنت اعمل ملوخيه عملتها ونسيت احط التوم وبرضه كان طعمها

ومره حطيت الاكل ع النار ورحت نمت
الاكل اتحرق طبعا والحله الله يرحمها بقى ماكانش باين لها ملامح
بتسمع حاجه وانت بتشتغل فى المطبخ ؟ ( دا اذا كنت بتدخله اصلا )

طبعا بدخل ومش دايما بسمع حاجه وانا بطبخ

ايه اكتر حاجه فى المطبخ لا يمكن تقربلها يعنى زى مثلا

( البصل – السكينه- النار – او اكله معينه- غسل الاطباق ) ...الخ؟

انا بقرب من كل حاجه فى المطبخ انا ساعات ببقى عايزه انام فى المطبخ

بتحب/ى حد يساعك فى المطبخ ولا؟

اكتر حاجه بتخنقنى ان حد يعمل معايا حاجه وانا بطبخ:abdoog8: بعملهم فى البيت حظر تجوال

اخيرا بقى يعتمد عليك فى المطبخ ولا؟


طبعا طبعا يعتمد عليا فى المطبخ بفضل الله ده انا بنت المطبخ