اقتباس:
المشاركة الأصلية كتبت بواسطة monii_noni
جزاكى الله كل خير على الشرح يا طفلة الامس
فية بس كام حاجة حبيت اضيفها
ركز معايا يا محمد
ترجموا انتوا بقى فى الامتحان
THeory:
اهم حاجة تكون كاتبها فيها الجملة دى
when the liquid enter the tube by the capillarty the surface tension is given by:
وتقوم جاى كاتب القانون ومعرف كل تيرم فيه
الادوات:
بيكر - مسطرة -انبوبة شعرية -وهيسلموك ماسك كدا تمسك بيه الانبوبة وانت بتقيس الارتفاع
الخطوات:
هتملى البيكر ماية اى كمية عادى
وتمسك الانبوبة تتاكد الاول انها نظيفة من اى فقاعات غاز بمعنى اصح
تنظفها الاول طب ازاى؟؟
بص تمسكها بين ايدك وتهزها زى ما بتدوب الاملاح فى الكيمياء او بانك تنفخ فيها من فوق
خلاص نظفت
متاكد؟؟
متاكد..
تاخده بقى وتحطها فى البيكر بحيث تكون عمودية اوعى تكون مايلة هتلاقى الماية بترتفع لوحدها بالخاصية الشعرية ولو محصلش كدا يبقى انت منظفتش الانبوبة كويس
تستنى اما يثبت ارتفاع الماية علشان تقيسه
تجيب المسطرة بتاعتك وتقيس الارتفاع من عند سطح الماية فى البيكر لحد ما وصلت فى الانبوبة يعنى المسطرة مش هتتبل لو اتبلت منك يبقى انت قيست الطول غلط
اول ما تجيب الارتفاع تاخده وتعوض بيه فى القانون اللى عندك
وبس كدا
فية بقى حبة احتياطات ودى ليك وانت بتشتغل التجربة دى يعنى مش تتكتب فى الورقة:
1 الانبوبة تكون عمودية
2 الانبوبة متلامسش القاع علشان لو لمسته بكل بساطة الماية مش هتطلع
3 تنظبف الانبوبة جيدا طب ولو مش نظفت ودة فعلا بيحصل (دكتور تيمور قالنا كدا)
تقوم حاططها فى البيكر عادى فهتلاقى الماية مش راضيه تطلع بس فقاعات الغاز الموجودة
تقوم ضاغظ ضغظه خفيفة على الخرطوم اللى فوق وشايل ايدك الماية هتلاقيها طلعت لانك عملت ضغط عليها
(زى فكرة الشاليموه كدا)بس وتقيس الارتفاع عادى
4 اخر حاجة بقى ودى اللى مهمة انت عندى فى القانون (r) ودة فى الغالب هيكون معطى
ممكن بقى الدكتور مش يدهولك ويخليك تجيبوا من مسالة
طبعا هتقولى ازاى؟؟
اقولك انا .......هيديك L ا رتفاع الزئبق فى الانبوبة &كثافة الزئبق &كتلة الزئبق
طبعا انت هتفكر انك هتشتغل التجربة بالزئبق بدل الماية
لا دى المسالة اللى هتجيب منها نصف قطر الانبوبة
عن طريق القانون الكثافة للزئبق بتساوى الكتلة للزئبق على الحجم للزئبق
والحجم بيساوى المساحة (باى r2)فى الطول
عندك كلوا معطى ماعدا الr
يارب تكون فهمت بجد اكيد فهمت طبعا من طفلة الامس دى حبة ملحوظات مش اكتر
واكون قدرت اوصلك اللى قصدى عليه
معلش انا اتاخرت لانه بعد ما كتبت كل حاجة اتمسحت وقعدت اكتب فيها تانى
|
شكراً يا دكتورة
ايه يا اوكس عامل ازعاج ليه بتكدب الناس ليه
