|
لو حد فاهم يفهمني =(
سؤالي ملوش اي علاقة بالمنهج و مستحيل يجي في امتحانات بس انا محتاجة افهم .. فلو حد عنده المعلومة و يقدر انه يفهمني و متأكد من كلامه احب اقوله شكرا مقدما ... السؤال : دلوقتي انزيم دؤكسي ريبونيوكليز يحلل ال dna تماما و لا يؤثر علي rna او البروتين ...الي اخره انزيم : ( علي حسب ما قالولنا في الكيمياء ) مادة بتتكون داخل الخلايا الحية انا بقي نفسي افهم ليه في كائن حي محتاج انه يعمل انزيم يدمرله ال dna اللي هو المادة الوراثية بتاعته سؤالي غبي انا اسفة بس بجد نفسي اعرف الاجابة و دخت في المواقع العلمية مش عارفة اوصل لاجابة |
قدرة ربنا هنعترض
|
اقتباس:
لا طبعا منعترضش نفكر اكتر و ندور علي اجابات الانزيم دا يا تري خليه ايه اللي بتعملة و بتعمله ليه !!!! |
انا مش لاقي تفسير للكلام دا غير ان انزيم دي أكسي ريبونيوكليز من انزيمات القصر أو من نوع تاني وظيفته قريبة منها |
اقتباس:
|
انزيمات القصر (أو القطع) موجودة في بعض البكتيريا عشان لو في فيروسات هاجمت البكتيريا دي بيجي دور انزيم القصر (القطع) -نفرض انه الدي أوكسي ريبونيوكليز- انه يحلل ال DNA الفيروسي (ال DNA للجسم الغريب عن البكتيريا) تماما بس الDNA الي بتحلله دا مش بيكون للبكتيريا نفسها يعني مفيش "كائن حي محتاج انه يعمل انزيم يدمرله ال dna اللي هو المادة الوراثية بتاعته"لأن الكائن الحي الي فيه الانزيمات دي بيكون فيه -في نفس الوقت- انزيمات معدلة مقاومة لتأثير انزيمات القصر بحيث DNA للكائن الحي نفسه (البكتيريا نفسها) ميتدمرش ، وللفيروس يتدمر. وفيه استعمالات تانية لانزيمات القصر في الهندسة الوراثية. شوفي كتاب الامتحان احياء 3 ثانوي 2015 صفحة 152 هتلاقي الكلام دا في الدرس الأخير "الهندسة الوراثية" تحت عنوان "انزيمات القصر". انا مجبتش حاجة من عندي انا افترضت بس ان انزيم الدي أوكسي ريبونيوكليز من انزيمات القصر علشان الشبه الكبير بينهم. |
الأمر كله متعلق بالكود - الشفرة - المكتوب بيها ال dna , كل كود بيعمل شغل مختلف و له فائدة مختلفة و على فكرة النسخ بيبدأ عند مناطق معينة من شريط dna و كذلك في حالة rna و كمان النسخ بينتهي عند مكان محدد كذلك ..
باختصار مش ممكن ال إنزيم يدمر ال dna هذا مستحيل هذا و الله أعلم |
اقتباس:
بس الانزيم يحلل ال dna تماما ازيمات القطع بتقطع جزء معين اللي هو موقع التعرف |
اقتباس:
كل جزء (كروموسوم ) عليه تتابع معين من الجينات و النيوكليوتيدات مختلف عن غيره و كل كان غير التاني يعني البكتيريا غير الانسان غير الديروسوفيلا النسخ بيبدأ عن منطقة معينه في البكتيرا بس انما ال dna بتاعنا بيبدأ النسخ من اي نقطة وانا شوفت فيلم وثائقي عن الحاجات دي و فعلا زي ما بقولك مش عارفة بردو ممكن تسألي المستر بتاعك ؟ |
اقتباس:
وبعد الثانوية الي عايز ياخد دكتوراه في الانزيم مفيش مشكلة لأن الثانوية محتاجة واحد بيحفظ مش محتاجة اللي بيفهم .. دا رأيي |
على فكرة انزيم دى اكسى ريبونيوكليز مش موجود فى اجسام الكائنات الحية انما هو عبارة عن انزيم استخدمه العلماء لقدرته على تحليل الdna بمعنى ادق انا لو عندى زجاجه وحطيت فيها بروتين :DNA; RNA حنلاقى الانزيم يحلل الdna فقط يعنى مش حلاقى فى الزجاجه غير البروتين والRNA فقط
|
اقتباس:
|
اقتباس:
بس هو ليه اسمه انزيم لو بيتحضر و مش موجود في اجسام الكائنات الحيه ؟ |
بصي يا دكتورة انا في اولى طب والكلام ده كله خدناه بالتفصيل الممل اول ترم في الكلية انت عندك جسمك دايما بيحتاج يهدم DNA يعني يكسره ويبني واحد جديد وساعات بيبني DNA جديد باستخدام القديم اللي اتكسر واللي كسره هو انزيم Deoxyribonuclease وده ساعات بيخليه يتكسر تماما ونواتج التكسير تطلع من الجسم مع الاخراج او ممكن يوصله لسكر خماسي بس وده بيتم اضافة قواعد نيتروجينية جديدة له من خلال انزيمات تانية وفوسفات ويطلعلنا DNA جديد بس كده يارب تكوني فهمتي
|
اقتباس:
بس تسمحلي في كمان سؤال .. انا جه في بالي قبل كدا ان الانزيم دا بيتكون في الخليه اللي في مرحلة الموت عشان يكسر ال dna..دا صح ولا ممكن يتكون في خليه حيه عادي ؟ |
| جميع الأوقات بتوقيت GMT +2. الساعة الآن 03:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.