بوابة الثانوية العامة المصرية - محتار يا جماعة و عايزكم تفهموني يا بتوع فنون

اقتباس:

المشاركة الأصلية كتبت بواسطة حسين الدوكي (المشاركة 6085614)

انا طالب في ٣ ثانوي و جزافيك ديزاينر و اخدت كورسات و انا تخصصي في مجال ال ٢ دي مليش في ال ٣ دي خالص و عايز ادخل فنون جميلة قسم جرافيكس بس مش فاهم ايه التصميم المطبوع و الرسوم. المتحركة و فن الكتاب انا تخصصي اللوجو ديزاين و البرينت ديزاين فاي شعبة هي مجالي ؟ غير كده مواد زاي الرسم و التصميم و التشريح و كل الكلام ده علي الكمبيوتر ولا كله علي الورق و حتي تصميم الكتب علي الورق برضو انا محتاج حد يفهمني و بالمناسبة انا في علمي رياضة و شكرا

اهلا بيك يا حسين وشكرا على الموضوع الحلو دة
بص اهم حاجة دلوقتى تبص على دخولك للكلية من حيث امتحان القدرات والمجموع لان دة اهم بكتير وفي ناس كنير مش بتركز فى الخطوات دى
فى الكلية انت بتدرس كل الحاجات الاساسية المانوال مش بالكومبيوتر وبعد كدة الكومبيوتر بيبقى اداة تساعدك فى الكلية بس مش حاجة اساسية ودة الصح لان المخ والايد هما اساس كل حاجة واى تصميم
انت هتدخل جرافيك هتدرس فى الاول كل حاجة بعدين فى تالت سنة بتختار اللى انت مرتاحله والكويس فيه ومتقلقش
ركز فى الدراسة دلوقتى عشان تقدر تجيب مجموع حلو باذن الله وتدخل بيه الكلية وتقدر تعدى من القدرات
ولو فى اى حاجة احنا تحت امرك فيها :)