|
يا مصر قومى ..
يا مصر قومى يا مصر قومى اتكلمى اصرخى احلمى خلى ولادك بيكى دايما يفخروا خلى ولادك جوه حضنك يكبروا متخليهمش يروحوا لغيرك على حلمهم يدوروا متخليهمش يسيبوا ارضك فى يوم من الايام مخليهميش يشوفوا غيرك يحققوا فيها الاحلام يا مصر خليكى لولادك انتى الامل خليهم فيكى يحسوا دايما بالامان متخليش الغربة فى يوم احن عليهم منك متخليش ظالم فيكى يكسر فيهم حلمك يا مصر علمى ولادك معنى الوفا بس ازاى ؟؟ بس ازاى وهما فيكى دايما واخدين ع القفا بس ازاى وفيكى ظابط فيهم يتحكم يدوب ناجح ثانوية وجاى بيتكلم ولاجيشك يا بلادى ولاجيشك يا بلادى اعظم جيش فى العالم مش ده جيشك مش ده جيشك اللى للبرئ بيحاكم ؟؟ يابلدى قولى لجيشك دى اسرائيل معملتهاش ده انت حاربت شعبك وقدام الصهاينة قلت بلاش وانا اتعب نفسى واحط جيشى فى وش المدفع ليه ؟ ولو على سلاحى ما انا عندى شعبى واجربه فيه طب قوليلى يابلادى طب قوليلى يا بلادى انا اعمل ايه اتذل فيكى عشان اعيش ؟ ولا اقول خلاص دى بلد متلزمنيش ولا انزل فيكى وعن حقى ادافع ويا أما ارجع بحقى او اكون بكفنى راجع ما هو انتى لازم تعرفى فيكى تانى مفيش سكوت ويا أما اعيش حرة بكرامتى يا أما فيكى يا بلدى اموت . . . بــقــلــمــى |
يامصر قومي ...
كلمات قوية ومعبرة ومؤثرة ، تدل على هم وحزن دفين سوف يزول بإذن الله يوما ، ويحل محله الفرح والسعادة و الأمل والتفاؤل كل الشكر لهذا العبق وهذا الألق ، فقد نزل على قلوبنا من الندى كالمطر تحاياي |
اقتباس:
الشكر لحضرتك استاذ ابوالعلاء على هذا المرور الرائع ويسعدنى مرور حضرتك فى موضوعى خالص تحياتى |
كلمات بجد غاية فى الروعة والجمال
تسلمى على هذه الكلمات الرائعة |
اقتباس:
شكرا على المرور الرائع وعلى الكلمات الجميلة نورتى موضوعى :) خالص تحياتى |
| جميع الأوقات بتوقيت GMT +2. الساعة الآن 05:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.