اخد درس فيها وﻻ ﻻء
 

اوﻻ السلام عليكم ورحمة الله وبركاته ثانيا كنت عاوزه اسأل هو مهم اخد درس جلوجيا وﻻ ﻻء عشان انا الدروس كترت اوى وانا بقيت تعبانة من كتر النزول كل يوم فلو ينفع اذاكرها لوحدى فى البيت هذاكرها ان شاء الله

عااادى ممكن تذاكريها لواحدك وانا هعمل كده .....كلها حفظ والمدرس مش هيعمل حاجة فيها :)

ربنا يطمنك وربنا معانا ان شاء الله

كلها حفظ بس لو هتستعينى بدروس ع النت يبقى أحسن ولو هتعرفى ترسمى لوحدك يبقى مفيش مشكلة

علي فكرة انا خدت درس فيها في اخر شهرين بس قبل الامتحان والحمد لله جيبة فيها 60 مع العلم اني اصلا ماكنتش بذاكرها طول السنة هي في الاول والاخر مادة محتاجة حفظ كتير خصوصا في علوم البيئة لكن الجيولوجيا نفسها جميلة جدا وممتعة وسهل اوي انك تحليها لو عرفتي بعض الاساسيات اللي هي هنا طبعا خواص الصخور ومافيهاش حفظ كتير يعني فعلا ممكن تذاكريها مع نفسك وتاخدي فيها في الاخر مراجعات

هي بيبقى فيها رسومات ..كتير يعني !؟
وف باب علوم البيئة والجيلوجيا ..ولا الرسم ف علوم البيئة بس ..انا بردوا ناوية اذاكرها ف البيت بس خايفة من موضوع الرسم ده

انا اخدت رسم الفوالق والطيات في الدرس و سهلين جدا جدا ولو مش فهمتوا رسمه ممكن سئلوا هنا
ربنا معاكم

انتي ممكن كمان تستغني عن بعض المواد ومتاخديش فيها دروس
زي الفرنساوي مثلا (اكتفي بكتاب برافو )
زي العربي مثلا (اجلي الدرس شوية بيبقي في الاول هزار وتضييع وقت ) وذاكري من الامتحان او الاضواء
الانجليزي مثلا بس بشرط واحد يكون عندك كتاب اسئلة باجاباته كاملة

انا بعمل كده فعلا :d

انا ابتديت فيها من اواخر شهر 9

انا عن نفسى حاولت اعتمد على نفسى فيها بس مقدرتش وحتى لما كنت بحضرها فى الدرس كنت بحفظ مش بفهم رغم ان جزء كبير كان محتاج فهم

شكرا لكل اللى ردوا

انا بس كنت خايفة لانى من كتر الدروس مبقتش اذاكر بقيت بروح الدروس بس

الاسوأ من ده كله ان المستر المشهور فى الماده دى فى محافظتى مبهدلنا كل شوية يلغى فى الحصص ومدينا ميعاد فى مكان بعيد علينا ولما عملنا مجموعة انا واصحابى فى المنطقة قال ﻻ خلاص فى ناس خدت الميعاد بتعكم وانا مش هديكم ومش بيرضى يحول حد من مجموعته

سيبك منه
سيبك من شهرته
مش هاتنفعك

ممكن متاخديش فيها درس عادى جداااااااااااااا هو بس المستر مش بيعمل حاجة اوووووووى لانها غالبا حفظ الحسنة الوحيدة هى انه بيراجعلنا كل شوية فبيخلينى احفظها واراجعها كل شويه وبيركز على حاجات انا كنت ممكن اهملها فمش مهم اوووووووووى انك تاخدى فيها درس لو هتتتعبك انا باخد علشان الدرس فى بيتى او عند حد من صحابى فمش بتمرمط يعنى بس انتى ممكن تاخدى شهر ولا اتنين فى الاخر مع مستر يظبطلك الدنيا