عايز تفاصيل عن هندسة المطرية جامعة حلوان
 

كنت عايز أسأل عن هندسة المطرية هيا جاتلي فى التنسيق وانا من الفيوم هيا تستاهل أتغرب علشانها ولا ايه الدراسة فيها كويسة والدكاترة وكدا ولا أحول احسن وايه نظام تنسيق مدني الداخلي فيها بيبقى اعلى قسم ولا أقل علشان ناوى عليه

انا شخصيا كنت زعلان جدا لما جاتلى فى التنسيق بس بعد ما اعدادى خلصت مش ناوى احول الحمد لله :d الكلية نفسها كويسة جدا و الدكاترة و المعيدين كلهم كويسين جدا و متعاونين لأقصى درجة و بيقدروا لو فية ضغط عليكوا الى ممكن يضايقك شوية انك مغترب و المدينة فى حلوان فتضرب مشوار لذيذ :d بس بعد كدة لو كملت فيها هتحول من اول التخصص المدينة بتاعت الكلية و بالنسبة لمدنى اعلى قسم او لأ دة على حسب الأقبال فى دفعتك هيبقى ازاى بس للأسف بيبقى اعلى قسم ديما لأن الأغلبية بيدخلوة هربا من ميكانيكا لأنها صعبة شويتين كدة :d بس متقلقش اعلى قسم بياخد من جيد 65% و انت لو تابعت حتى بس الى اتقال فى المحاضرات و السكاشن و ذاكرت كويس قبل الأمتحان سهل اوى اوى تجيب امتياز و ترتب على الدفعة كمان و الكلية مشهور جدا بقسم باور طبعا هيا الأولى فى المجال دة لأن التخصص من اول سنة ثم سيارات و فية سيارات عين شمس بس عندنا بيدخلوا مسابقات فورميلا و بياخدوا ترتيب فى مسابقات كتير ما شاء الله ثم مدنى و عمارة و اسف انى طولت عليك لو تحب تعرف اى حاجة تانى ربنا يقدرنى تحياتى

شكرا ليك على المعلومات دي انا كنت سمعت من واحد صاحبي ساكن مدينة فى حلوان نفسها ان حصلت مشكلة قبل كدا وبتوع اعدادي سكنوا معاهم وكانو بيتسحلوا بس رجعوا تاني حضرتك متأكد من ان المدينة لاعدادي اول سنة كلها فى حلوان ؟ وهما ليه عاملين النظام دا ما كله يبقى فى المدينة بتاعت الكلية نفسها d:

و الله مش انا الى حاطط النظام :d انا اعرف ناس مغتربين و كلهم اكدولى حوار اعدادى فى حلوان ممكن يكونوا غيروا النظام و الله اعلم :) على العموم هتفهم الدنيا اكتر لما تبدأ الدراسة ان شاء الله و لو حابب تستفر اى حاجة تخص المواد و الدكاترة اتفضل