|
ممكن لحظة صدق
السلام عليكم
بصوا يا سادة خلونا نتكلم بصدق مرة الكل عمال بيتكلم وفين الحد الادنى وفين الزيادة وكل الخيارات مفتوحة والتصعيد والكلام الكتير ده يا استاذ يا فاضل يعني لو مفيش زيادة مش هتشتغل مثلا؟ ولا في حد مننا فاتح بيته من مرتب المدرسة؟ خلونا واقعيين الزيادة لو جت هنحمد ربنا ولو مجتش هنحمد ربنا اننا متعاقدين مش لسة بالاجر ارجو الرد بأمانة |
محدش هيرد عليك
اسف استاذي انت سلبي |
مش عارف اقول لحضرتك ايه
|
الحمد لله على كل شئ اولا واخيرا
بس لما الوزير يضحك علينا على اساس ان احنا هبل تفرق ولما يفضحونا بالكادر والحد الادنى وهو كدب تفرق لما يشتم فى اللى قبلو ويعمل نفس عمل اللى قبلو تفرق لما انضحك علينا وضاعت سنين التعاقد فى الهوا وعاوزين يقولوا كلام فى الاعلام ويأخدوا بنط على قفانا تفرق لو مسئول عاوز يفرد نفسه ويتفشخر ويحسسك انه بيمن عليك ويقول احنا ادينا المدرسين كذا وكذا وهو كداب و المصيبه انك كمان عارف انه كداب كداب وبجح كمان وتيجى سيادتك تقول احمدوا ربنا عاوزنى اقول لك ايه...............؟؟ |
انا مش عارفه بصراحه ارد على حضرتك واقول ايه ؟
هو المفروض يعنى ان المدرس ميفتحش بيته من مرتب المدرسه بس ؟ طب اشمعنى فالبنوك والتامينات والكهربا والبترول بيفتحوا بيوتهم وبيوتهم جيرانهم لو حبوا من مرتاباتهم بس ؟ ليه المفروض ان المدرس يدى دروس ويطلع عينه 20 ساعه من اول ما يصحى لحد ما ينام علشان يوفر مصاريفه ؟ او لو مش بيدى دروس يروح يفتحله بقى سوبر ماركت ولا يشوفله شغل تانى بعد المدرسه علشان ولاده يبقوا زى بقيت الولاد؟ ليه احنا بنهين نفسنا كده وبنهين كرمتنا للدرجه دى ؟طب ما ليهم حق بقى يلعبوا بينا الكوره طالما احنا دماغنا كده الفكر ده لازم يتغير والا لايمكن ابدا حد هيعترف ان لينا مطالب ولازم نحققها وناخدها طول ما فينا حد بيفكر كده ....هنفضل اقل فئه فالمجتمع والحيطه المايله اللى الكل بيجى عليها |
| جميع الأوقات بتوقيت GMT +2. الساعة الآن 07:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.