|
بتعملو اية في الاجازة ؟
السلام عليكم ورحمة الله وبركاتة
ازيكوا يا جماعة ياترى عاملين اية في الخوف وانتظار التنيجة ربنا يستر المهم عاوزة اعرف كل واحد منكم بيقضي يومة ازاي بيعمل اية من اول ما يقوم لغاية ما ينام بتناموا الساعة كام متاخر ولابدري يعني وبتقضو وقتكو ازاي يمكن نستفاد وحد يلاقيي لة حاجة يقضي بيها وقتة |
بصحى اقعد ع النت
وبعدين بعد ما اخلص اقوم اعمل شاي وبعدين اقعد ع النت وبعدين اصلي واقرا ورد القران وبعدين اقعد عالنت وبعد ما اخلص النت بقى واصلي واعمل كابتشينو واكل اي حاجة ع الواقف اعمل اهم حاجة بقى يا ترى اييييييييييييييييييه اقعد ع النت ولما الاقي نفسي مش قادرة افتح عيني انام اصلا ماحدش عارف يعمل حاجة ف الاجازة عشان الكل خايف من البتاعة محدش عندو جراة يعمل حاجة قبل النتيجة سوري ع الهزار الكتير |
صحى الساعه 10 اروح الجيم لحد الساعه 12
وبعدين ارجع انام لحد الساعه1 عشان انا اصلا بنام بليل الساعه 5 الفجر وبعدين اصحى افتح النت او العب fifa08 لحد بليل الساعه9 ممكن انزل مع اصحابى نلعب كوره او نمشى فى الشوارع كده (بس مش صيع اوى يعنى:D) وبعدين اجى ع الساعه 11 كده افتح النت لحد الساعه 5 الفجر وبعدين انام بس كله ده طبعا من غير نفس قبل النتيجه |
انا بصحي الساعة 6 الصبح
بروح التمرين في النادي لحد الساعة 10 (تمرينات خنيقة وكابتن خنيق) بعدين ارجع انام ساعتين واصحي اتغدي والساعة 4 بروح تمرين السباحة لحد الساعة 8 برجع طبعا رجلي باظت ومهدود فبنام مقتول بس الحمد لله محافظ علي الصلاة |
انا بنام الساعة 4 او 5 او 6 في الحدود دي يعني
وبصحى الساعة 12 وطووول النهار والليل ع النت بقوم اصلي وارجع اعد تاني ولو ماعدتش ع النت بيقى التلفزيون انا خلاص عندي صداع على طول وعنايا مش قادرة افتحها غير القلق والرعب والخوف اللي احنا عايشين فية |
| جميع الأوقات بتوقيت GMT +2. الساعة الآن 07:45 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.