|
هل تعترف الفتاه بمشاعرها لمن تحب؟!!!!!
اى بنت فى الدنيا بتحب وبتتحب وكذلك الولد برده
لكن بانسبه للولد الامر عادى ممكن يعترف للبنت اللى بيحبها لكن بالنسبه للبنت ممكن يختلف الوضع شويه لكن السؤال هل فعلا ممكن تعترف البنت بمشاعرها لمن تحب؟ وانت كولد هيبقى ايه ردك ؟ |
هي المفروض مش تعترف بمشاعرها لحبيبها , لإن البنت لؤلؤه مصونه , عفيفه , المفروض تخليه هو اللي ييجي و يعترف ليها بمشاعره و هي أكيد هتعرف اذا كان بيحبها ولا لأ من تصرفاته هتبان عليه اكيد لكن البنت تعترف للولد .. لأ , أحس انه يقلل من قدرها و ده عن تجربه شخصيته , أنا بكل غباء رحت اعترفت له بمشاعري , لإتي مش كنت قادره اكتم في قلبي اكتر من خمس سنين !! , هو جارنا و صاحب اخويا الروح بالروح يعني هو ماردش عليا و قالي "اخوكِ صاحبي و انا مش اقدر اخونه عشان كده مش هقدر اكمل الموضوع" و مافهمتش هو قصده ايه , و انا والله العظيم مش كان قصدي أبداً اني اعمل كلام افلام معاه , كان نفسي بس اعرف هو بيحبني ولا لأ , انا للأسف متعلقه بيه بشكل غبي !!!!! , و مش قادره اشيله من قلبي مطلقاً :(:(:( , و برضو ماعرفتش اذا كان بيحبني ولا لأ , دخل اخويا في الموضوع و خلاص شكله بيحب اخويا مش بيحبني انا هههههههههه و شكراً للموضوع |
انا مستحيل اعمل كده ابدا ===بصراحه مش عارفه ليه لكن لو حتى فكرت اكيد لساني هيتشل ومش هقدر اتكلم ولا كلمه
حتى لو هفضل طول عمري بحبه من غير ماعرف هو بيحبني ولا لأ ...لكن مستحيل اروح اقوله |
انا متهيألى انه من الخطأ الكبير ان بنت تروح تعترف لشاب بحبها ليه حتى لو هو بيحبها لأن البنت تعتبر جوهره لازم تتصان وشكرا على موضوعك الجميل
|
| جميع الأوقات بتوقيت GMT +2. الساعة الآن 05:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.