|
محتار بين الطب البشرى وطب الاسنان
السلام عليكم
لو سمحتوا يا دكاتره انا هقدم جامعة خاصة لان محصلش نصيب ولحقت حكومة وانا محتار بين الطب البشرى وطب الاسنان بس محدش يقولي ميول لان الاتنين يعتبر واحد يعني في المستقبل المهنى ولكن حابب اعرف وجهات النظر عشان اقتنع بحاجة .. بسرعة الله يخليكم ولكم جزيل الشكر ... |
والله أنصحك بأسنان هى الافضل ولك الحكم فى النهاية طبعاً
|
شكرا لرد حضرتك ..
|
أنا كنت مستقر على أسنان
بس في أيام ما قببل التنسيق حولت اتجاهاتى لطب بشرى إنما طب أسنان ممتازة برضة باختصار شديد أسنان : أسرع و أجمل و بتتخرج قبل طالب البشرى بسنة و تقدر تشتغل فوراً قبل ما تحضر الماجيستير و الدكتوراه و الكلام دة .. مادياً ممتازة لكن شغلها تقليدى إلى حد ما إنما طب بشرى : مشوارها طويل .. عايزة طول بال .. أصعب بصراحة و عايزة مزاكرة أكثر .. إنما كمكانة اجتماعية أعلى من طبيب الأسنان خاصة لو شديت حيلك و قدرت تاخد نيابة في الجامعة .. ماتقدرش تشتغل كدة من الدار للنار قبل الماجيستير و الدكتوراه .. صحيح مادياً أقل شوية إنما زى ما قلتلك مكانة اجتماعية عالية حسب مجهودك في الكلية و تقديراتك .. و متشعبة أكثر في تخصصاتها .. تخيل مثلاً المكانة الاجتماعية لطبيب القلب أو الجراحة أو الباطنة .. بالتأكيد اعلى في المجتمع و هذا لا يقل من الأسنان طبعاً يعنى باختصار أنا شايف طب أسنان أضمن لكن بشرى كفاح طويل لكن مستقبله في الآخر جيد لو بذلت مجهود يليق بالكلية |
في الخاص اعتقد اسنان دراستها افضل و معترف بيها خصوصا في جامعة 6 اكتوبر -و مصر للعلوم و التكنولوجيا -و المستقبل
|
نفسك طويل ؟ ومستعد تقعد تذاكر 10 سنين و11 سنة
خش طب ملكش في المذاكرة والدح الكتير يبقى خش أسنان وربنا يوفقك |
محمد امسح شوية رسايل من عندك عشان اعرف ارد عليك عالخاص
|
| جميع الأوقات بتوقيت GMT +2. الساعة الآن 09:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.