جايب 89.5 علمي رياضه ادخل ايه
 

السلام عليكم ورحمه الله وباركاته انا طالب علمي رياضه وجايب 89.5 وكان نفسي ادخل حاسبات ومعلومات لكن الحمد لله قدر الله وما شاء فعل
لكن تنصحوني اني ادخل كليه ايه

أنصحك تدخل تجارة e

وقدامك هندسة زراعية لو تناسبك.

شكرا لردك بس تجاره انجلش الاحسن ولا معهد فني صحي ولا تربيه

لا سيبك من المعهد فني صحي وتربية والحاجات دي.

أنا لو مكانك هدخل تجارة إنجلش وهتفوق فيها وهيكون ليا فرصة كويسة إني ألاقي شغل كويس.

خصوصاً إن تجارة إنجلش مطلوبة وليها أولوية في الشغل ، وزي ما قولتلك أهم حاجة في أى كلية انك تتفوق فيها علشان توصل لحاجة كويسة.

وقدامك برضة علوم رياضة ، شوف الأنسب ليك.

اكيد التفوق اهم حاجه مهما كانت الكليه لكن انا عايز ادخل تجاره انجلش لكن اانجلش انا ضعيف فيه مع اني انا جايب 45 من 50 بس ضعيف فيه

تجارة او علوم
شوف ميولك ايه

انا جايب ف 2 ثانوى 91 ونفسى ادخل حاسبات ومعلومات واجلت السنة عشان كده

انصحك بتجارة انجليزى والله ودرجتك ف الانجلش ممتازة تأهلك انك تتقبل فيها ومجموعك كويس
خريجين تجارة انجلش بيكون لهم أولوية ف الشغل ف البنوك خاصة لو اجتهدت فيها او خدت كورسات كمان فرصتك بتكون اكبررر كتير , والكلام ده من ناس متخرجين منها ومعيدين
بدل ما الواحد يدخل كلية تانية اربع سنين ويفضل يدح فيها وف الاخر ميلاقيش شغل
اهم حاجة المستقبل المهنى

لو سمحت انا لسة رايح 2 ثانوي تنصحني علمي رياضة و لا علوم بما انك جربت الرياضة ف هل هي صعبة اوي و لا العلوم
انا بحب الاحياء بس خايف مجموعي ميجبش

lw sm7t bma ank d5lt 3lmy reada f anhy afdl 3lmy reada w la 3lom m3 al3lm any b7b al27ya
tns7ny beh

لو سمحتي انتي ف الثانوي و لا الكلية و ممكن تقوليلي تجارة انجليزي من علمي بتقبل من كام
و شكرا

لا انا الحمد لله مخلصة ثانوية عامة
بص يا أشرف لو انت من علمى وعاوز تجارة انجلش
هى السنة اللى فاتت كانت واخدة القاهرة الشيخ زايد مجموع اعتباري 414.5 , وواخدة جامعة القاهرة ف الجيزة مجموع اعتبارى بردو 423 , يعنى القاهرة الجيزة وعين شمس بتبقي في نفس الحدود

لكن لو انت من الأقاليم يعنى من محافظات تانية بيكون المجموع اقل من كده أكيد
معرفش بالظبط ف حدود كام لانه بيختلف من سنة لسنة

و المجموع الإعتبارى ده عباة عن مجموعك الكلى فى المواد كلها + درجة الانجليزى لوحدها + درجة المستوى الرفيع لو انت واخد المستوى الرفيع انجليزى لكن لو مش واخده انجليزى متضفش درجة المستوى

بس لو انت ناوى ع تتجارة انجلش اووووووعى تدخل علمى , ادخل ادبى لانها من أدبى بتاخد من مجموع اقل بكتيييييييير من اللى بتاخد بيه من علمى

انا من وجهه نظري الرياضه سهله انا مش بقولك كده علشان جايب مجموع حلو في الرياضه لا بالعكس انا جايب 40 بس علشان مكنتش بحل عليها كتير وحلاوه الرياضه عايزه تركيز وفهم لكن العلوم حفظ وفهم وكتابه كتير