المشاركة الأصلية كتبت بواسطة mohamed_gad_ (المشاركة 5387864)

لو ادبي يبقي تلحقيها ان شاء الله

وهي مستقبلها كويس بس مش هتشتغلي بعدها الا لو اجتهدتي وتميزتي عن الناس فيها يعني يبقي معاكي كورسات ويبقي تقديرك كويس فيها كده يبقي هتلاقي شغل كويس بعدها ان شاء الله لان شغلها موجود في مصر ياما بس بردو الخرجين فيها ياما فلازم تتميزي شويه وتجدهتي وربنا هيكرمك ان شاء الله



بعد ما تكتبي الرغبات وتظهر نتيجة التنسيق وتقبلي تجارة المنصورة تطبعي بطاقة الترشيح وتخدي معاكي الشهاده بتاعت الثانويه العامه وتاخدي صورة بطاقه ليكي وصورة بطاقة ولي الامر و شهادة ميلادك وكام صورة صغيرة وتجيبي معاكي فلوس وتروحي شؤون الطلبه بتاع تجارة انجليزي وتطلبي تقديم في تجارة انجليزي وهما هيقولولك تعملي ايه بعدها بشهر تقريبا هتظهر نتيجة التنسيق الداخلي

المشاركة الأصلية كتبت بواسطة mohamed_gad_ (المشاركة 5387946)

وخدي معاكي ملف الثانويه العامه اللي هتخديه من المدرسه

المشاركة الأصلية كتبت بواسطة moumen (المشاركة 5388365)

الكورسات الي هتاخديها في الكلية هتكون حسب تخصصك
ركزي بس في اول سنتين على الانجليزي لحد ما تتخصصي وتشوفي ايه المجال الي تحبيه وبعد كده تاخدي الكورسات المتعلقة بالمجال ده

المشاركة الأصلية كتبت بواسطة mohamed_gad_ (المشاركة 5388452)

يعني هتتعاملي كانك ادبي يعني هتقبلي ان شاء الله

لو هتبقي محاسبه الكورسات من اهم الحجات الانجليزي و ال mos او icdl دي شهاده في الكومبيوتر وفي شهاده مهمه جدا اسمها cma دي بتديكي ميزة كبيرة عن غيرك في ناس بتشتغل منغيرها بس لو اخدتيها هتفيدك جامد في ال cv وفي beach tree و quick book دي برامج محاسبه

المشاركة الأصلية كتبت بواسطة mohamed_gad_ (المشاركة 5388523)

المجموع الاعتباري ده بيرتبو بيه الناس اللي بتقبل في تجارة انجلش بيجمعو درجة الانجلش مرتين في المجموع يعني لو اتنين جايبين 350 ومفيش غير مكان واحد في الكليه بياخدو اللي درجة الانجلش بتاعتو اعلي ودي بتبقي في المجموع الاعتباري
يعني الاولويه للمجموع الاعلي وبعد كده درجة الانجلش