|
اا ... أيوا تمرد عــ الإخوان ... اا
https://fbcdn-sphotos-c-a.akamaihd.n...48986812_n.jpg أنا متمرد عــ الإخوان مش علشان فقر وأوهام مش علشان العيش بريال مش علشان أكلي بتجان أنا متمرد عــ الإخوان فسر موقفك الحيران لسه بننده في مورستان واقف واكل .. نايم واكل كل الحيرة في وسط ميدان حمله وخطتها الأَخوَان فل صغير أصله جبان حط إيديه في إيد الإعلام أكذب .. ضلل .. ولع شمعة إعمل قربان !! أه يا مبارك .. أه يا سوزان كان فين صوتك .. لما الكوسة أشكال وألوان كنت صغير .. واقف جنب السور حيران أدخل صلي !! لاء هصلي في بيتي !! أصل الصلا في البيت دي آمان أطلق لحيتك أنت كمان لاء يا عم أنا مش إخوان هي الدقن في عصر مبارك كان محسوب وكأنه شيطان أمن الدولة في كل مكان كنت في بيتك .. نايم ساكت .. والإخوان في السجن جعان مش بيفكر إذاي ياكل .. كل همومه إنك تتصان أه متمرد عــ الإخوان إزاي مرسي في لحظة وثانية يحكم مصر أرض العدنان حمدين ثوري وشفيق ناضل !! أه دا كلام اسم الثورة في كلمة ومعنى لما ندافع عــن إنسان والإنسان في التربه أهو ساكن حتى في عز الثورة جعان جالنا وزير بيحب الثورة لافف داير كل مكان شُفت رغيف العيش يا جبان ترجع تاني تقول إخوان مش عايزينه أصله أخوان كل ما ييجي واحد ناجح يصرخ فل أهو جه إخوان كنتم فين لما الشبيحه سحلوا الشعب في كل مكان من داخلية لإعلام فاشل همك بس تكون شبعان قول شبعان قول شعبان مبقاش يفرق تشرب دم إنسان غلبان يمرض .. يصرخ ييجي يتكلم .. يبقى إنسان مجنون وجبان بص يا حركة أيوا تمرد عـ الإخوان أنا إنسان مسلم ومسامح .. مش إخوان بعشق شيء إسمه القرآن بعشق كل رسول من ربه جه برسالته في أي مكان بعشق حاكم فاهم واعي عادل بين الناس إنســـــان بعشق مرسي لأنه في نظري بيخاف ربه في كل مكان واللي بيحمل قرآن ربه صعب يخون .. لو خان هيبان اللي يدوق الذل يا صاحبي صعب يوزعه في الفنجان بص يا مصري وركز وإسمع عمر البحر ما روى عطشان جرب تبني في وسط الصحرا بيت من رمل عشان تتصان بعد ما تبني وتتعب أسكن وأبقى قابلني إن دام أيام دي ثورتنا هزت رؤسا خلعت ظالم والطغيان فكر وأعقل قبل يا مصري .. ما تلبس بدله كل جبان فكك منهم .. فكر وأعقل .. قبل ما ييجي الليل وتنام تصحى الصبح تلاقي ولادك تايهين في وسط البلدان لسه بتصرخ من غير عقلك أنا متمرد أه وجبان !!!!!!! كلمات / ضياء الدين سعيد صـــــــوت الحـــــق d-e.s.t |
كلمات قويه من شاعر رائع
لا جدال والا نقاش عندما يكتب قلمك فمهما كان الاختلاف في وجهات النظر نظل نستمتع بابداعاتك دائماً في انتظار جديدك تحياتي |
بجد يا استاذ ضياء القصيدة رائعة جدا واكثر من رائعة كمان ومبعرة جدا عن الموقف اللى احنا بنعيشه دلوقتى وحضرتك قدرت توضحه من خلال القصيدة الرائعة دى
|
انا متمرد وجبان اه جبان طول مانا ساكت ع الاخوان مش المشكلة انهم اخوان ولا انهم ضحكوا على الغلبان وخلوا عيشة المواطن قطران المشكلة من زمان من قبل حكم الاخوان كنت هتعرف لو نزلت الميدان او حتى من قبل الثورة ايام معارضة الاخوان سيبك من الكلام اللى بيتقال وتقعد ترمى الاتهام على ناس لاتقولى فلول وحمدين ولا برادعى ولا مين دى ناس ولا ليها فى العسل ولا الطحين امسك فى مرسى واهله اخوان ولازم نسانده ان كان رئيسك فهو ميلزمنيش طرطور فى السلطة ودا ميرضنيش ان البلد تتهان اكتر مه متهانه قولى على الرغيف ابو ريال ازاى يجيبه العامل الغلبان يسرق ولا يبيع العيال ولا ي*** ويترمى فى اللومان طيب قولى ع الكهريا ولا عندك ما بتقطعش حتى لو مرتاح بص ع الجيران بص ع الفقير اللى مش لاقى العيش ولا المياه اللى على اساسها اتبنت الحياه قولى على حاجة حلوة فى البلد تخلينى اعقد ومسبهاش تحت حكم مرسى والاخوان من البلد انا زهقان هتقولى ايه ذنب مرسى هقولك وكان ايه ذنب حسنى كان مضحوك عليه يا حرام معين سوابق اجرام بس مرسى هو حسنى الاتنين اباحوا الدم وزادوا ع الشعب الهم سوا فى عصر مبارك او مرسى اللى قامع قرارك اعتقلات وحبس كتير منهم المظلمين والظالميين اوعى تقولى مرسى بيصلى مه مبارك قبله ركعها فاكر اول حكم مبارك فى كل جامع كان بيبارك ويهنى الاهالى الشعب وبعديها باع الدم اوعى تقولى جاى بالقران او حتى حافظ كل الاجزاء او تغرك العمة والجلباب دا مورينا الويل والعذاب اوعى تقولى مرسى بيصلى هو بيركعها لمين ليا ولا لربى لو كانت بالصلاة كنا جبنا امام الجامع مه برضو عارف الله وعن السياسة برضو سامع انا ضد مرسى ودا قرارى ولا عمرى هيدخل الاخوان دارى ايوا انا متمرد جبان طول مانا ساكت عن الاخوان __________________________________ استاذ ضياء طبعا كالعادة نختلف فى وجهات النظر ولكن ما لا اختلف عليه اطلاقا سؤء انا او باقى الاعضاء انك صوت الابداع هنا وان لقلمك رنين خاص تقبل مرورى |
اقتباس:
أشكرك يا كنارة المنتدى صاحبة التغريدات الجميلة بوركتي وبورك لنا مرورك لك خالص تحياتي ،،،،،، |
اقتباس:
أشكرك يا ندى العمر شاكر ومقدر لك مرورك العطر لك مني خالص تحياتي ،،،،، |
اقتباس:
أخي منير إن ما ينظمه الشاعر وما يخطه الكاتب ما هو إلا دراسة واعية لأرض الواقع فالقلم لا يكتب إلا من وحي الطبيعة لا الخيال ، والخيال في وجود الطبيعة أحلام والأحلام في مجتمع منهك فكرياً ونفسياً تعتبر سراب . أشكرك على مرورك العطر والذي أنتظره دائماً أنا لن أعلق على الكلمات التي ذكرتها رداً على قصيدتي فقصيديتي سبقتها رداً وموضوعاً ومن ثم لحقتها إلحاقاً ومضموناً شاكر لك مرورك تقبل خالص الود والتحية والتقدير ،،،، |
[color="darkred"]
الرائع دائما ضياء الدين سعيد ]نبرة إبداعك المميزة تشدنى وتبهرنى رؤيتك السياسية ناضجة واتفق مع جزء كبير منها وأهمها أن الرئيس الشرعى الذى جاء بالصندوق لا يرحل إلا به ولكن من المؤكد أن لكل حاكم أخطاؤه والعصمة ماتت بموت محمد صلى الله عليه وسلم[/color |
اخى ضياء سلمت يداك التى خطت تلك الكلمات سلمت يداك التى عبرت عما فى صدورنا من تقدير لرئسنا ورمزنا الرئيس العظيم محمد مرسي ربنا يحفظه ويرعاه من جرب امن الدولة فى عصر حسنى مبارك يعف الرق واللى مجربش من حقه يقول عدس ههههههههههههههههههههههههههههههههههههههه الحمد لله على نعمة الرئيس اللى بيخاف ربه مهما عمل محمد مرسي مكروه من بعض الناس فسبحان الله العظيم لا تتعب نفسك باقناع اناس هم رافضين اى شيء يقوم به الرئيس محمد مرسي جزاك الله خيرا ولا عدمنا ابداعك |
|
تسلم ايديك يا أستاذ ضياء ................ وتحليلك رائع
|
اقتباس:
أستاذي الفاضل فاروق أبو عيانه ،،،مرت شهور على تلك الكلمات وتطبقت رؤياي فلبس الخائن ثوب العبودية تمنيت ألا تصل مصر إلى تلك المرحلة ولكن أبت النفس البشرية التي نشأت في بيت المهانة أن ترتقي شكراً لمرورك العطر ولك خالص تحياتي |
جزاك الله خيرا استاذ ضياء
|
| جميع الأوقات بتوقيت GMT +2. الساعة الآن 08:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.