بوابة الثانوية العامة المصرية

https://fbcdn-sphotos-g-a.akamaihd.n...87240530_n.jpg

ايه الجديد
مفيش جديد
غير كام شهيد
مفيش جديد
غير ناس كتير راحوا ف حديد
مفيش جديد
غير زيادة ف العبيد
و اخر الجديد ان الشعب أصبح بليد
و بليد دى جاية من البلادة
من السذاجة من التناحة
يشوف شباب تموت يقول ما تبطلوا قباحة !!
ده نازل المظاهرة و معاه البت ميمى
لابسة جزمة حريمى
و مسيبة فى الشعور
و هو بلا شعور و لا بس نص كم
و ف عز السقعة ماشى يا اخى دى ناس تغم !!
ف اديلوا بالرصاص و اديها بالخرطوش
اقتــلوهم موتوهم
دول شباب ما يختشوش
بينادوا بالحرية و بيطالبوا بالعدالة
عايزينها مهلبية و يقضوها سفالة
عايزين ديمقراطية و هى أصلا حرام
بس احنا هنجيبهاله شرط يفك الخيام
و يرَوح ع البيوت و يلزم السكوت
و لو فكر يعترض يبقى لازم يموت
اما لو كان معانا يبقى يحفظ النشيد
و لو بتسأل إيه الجديد فهو ده الجديد

شعر أحمد إبراهيم