بوابة الثانوية العامة المصرية

ازاى تبقى بططساية

1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة

-عشان كدة لما حد يعمل معاكى موقف سخن اوي ماتعمليهوش وحش اوي ..ايوة حسسيه انك زعلانة منه و خدى موقف بس خلي قلبك ابيض و وطري "طيب يعني " مش ناشف و سامحى عشان ربنا بيسامح.

2-البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه يعني انتى كمان خليكى زي البطاطساية ماتتكبريش علي حد وصاحبى كل الناس غني او فقير

3-البطاطس المحمرة بتتقدم مع حاجات كتير :مايونيز , كاتشب ,صوصات مختلفة و ساعات كمان طحينة بس بتفضل في الاخر اسمها بطااااطس
-يعني مهما اتعرضتى لثقافات و بيئات مختلفة احتفظى دايما بشخصيتك المستقلة و طريقة تربيتك و خلي الناس هية اللي تتاثر بيكى

4-البطاطس برضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت

- ساعدى الناس دايما و خليكى اول واحدة بتييجى علي بالهم لما يقعوا في مشكلة خليكى جدعة زي "الشيبسي كده"

5_البطاطس انواع فى بطاطس محمرة بطاطس مهروسه بطاطس بوريه بطاطس ف الفرن بطاطس سلطه بس ف النهايه هى بطاطس -انتى كمان حاولى تبقى انتى بشخصيتك بس نوعى ف طريقتك مع الناس عشان متبقيش مملة

6-البطاطس المحمرة لو اتهرست بتبقي برضه طعمها حلو و ممكن نسميها "بطاطس بوريه"

-مهما الدنيا تهرس و تبهدل فيكى خليك شخصية كويسة و لذيذة و طلعى للدنيا لسانك و قولى

"انا بطاطساية بوريه أأأأأأأأأأأأأأأأأ

ببساطة عشان تبقي محبوبة من كل الناس
خليكى بطاطس