|
ذكريات فى الميكروباص
السلام عليكم انهارده كنت راكب الميكروباص رايح أجيب هدوم العيد المهم طلعت الميكروباص وقعدت وراح السواق طلع بينا من على البحر وأنا قاعد وحاطط راسى على الكرسى سرحت وأفتكرت يوم نتيجه 2 ثانوى يوم ما إتظلمت فى ماده الإنجلش اليوم اللى قعدت أقول ده حرام ده ظلم وبعدها عملت تظلم ومخدتش حاجه وتتوالى عبارات ده ظلم وحسبى الله ونعم الوكيل ولكن بعديها على طول جه فى بالى يوم نتيجه 3 ثانوى وإزاى ربنا عوضنى الظلم ده وإزاى ربنا أدانى أكتر ما تمنيت وأكتر مما أتوقع وإزاى ربنا قدر إنه يبدل يوم حزنت فيه بيوم تانى سعيد سمعت فيه كل عبارات التهنئه والفرح وفجأه صحيت على صوت " على جنب يا أسطى " ولقيت انى لسه مش حنزل هنا روحت ساند راسى على الشباك ورحت فى دنيا غريبه وإفتكرت قبل الكليه بأسبوع يوم ما بابا كان بيعمل عمليه فى المستشفى ومن بعدها لما ماما قالتلى خف من الطلبات عليه ومعلش تعالى على نفسك وهات كام تى شيرت كده وكمل باللى عندك وروح الكليه بيهم لغايه لمّا ربنا يصلح الحال وبفّتح عينى وبلاقى نفسى فى الميكروباص رايح أجيب تى شيرتات عشان بابا أدانى فلوس وقالى معلش انا زنقتها عليك فتره بس أهووو ربنا عدّلها من عنده ورحت قايل للسواق على إيدك هنا ياأسطى ونزلت من الميكروباص وحاجه واحده بس فى دماغى ربنا أكيد حيعوضّك ربنا أكيد حيعوضّك |
والله انا زى حضرتك يا بشمهندس
اتظلمت ف 1.5 يعنى كان زمانى جبت 98% وعملت تظلم وما فيش فايدة الحمد لله |
يااااااااااااااااااااااه لفى بينا يدنيا ودوخينا يا دنيا خينا يمين شوية خدينا شمال شوية ادينا عايشين يا دنيا ااااااااااااه يا دنياااااااااا وتستمر الحيااااااااااااااة ..:049gc0:..حرب استنزاف |
نايس توبيك
|
اقتباس:
معلش اكيد الخير فى بيطرى والله نورتنى اقتباس:
ههههههههههههههههه كومنتاتك تحفه وبتضحكنى :) نورتنى :) اقتباس:
ثانكس للمرور العطر |
ياسلام .. ده قعدات الميكروباص دى متعه
و خصوصا الواحد يعيش ف المود و يفتكر مافات و مضى من ايام الثانوى و الشقاء هههههه .. يا راجل حد يفتكر يوم م الثانوى باردو انسى الايام الحزينـه و ركز ف هندستك اهندسه :d خرجت من عنق الزجاجه ( الثانويه ) و لزقت ف الشيلموه ( الهندسه ) نأيس توبيكـ |
جميل اساحبى :d:d بس جامدة الافكار اللى بتيجى فى الميكروباص زكريات وتفكير عميق :rolleyes::rolleyes::) |
نو كومنت..
|
اقتباس:
ده أكيد يا مارك بس اهوو الحمد لله الواحد بجد كل ما بيعيش بيعرف ان ربنا بيعوضه بأحسن مما كان يتوقع مشكور على مرورك الرائع :) اقتباس:
ههههههههههههههه ده اكيد يا محمد باشا منورنى :) |
اقتباس:
وعندك كمان واحد نو كومنت على حسابى :p |
ده الميكروباص ده عااااااااالم لوحده ياما بنتعلم منه وياما بناخد علا قفانا بردو :p
انا ركبت مرة وكان راكب معايا ست بس شبه 6 ستات مش ست واحدة قعدت طوووووووول الطريق تشتم الواد السواق(اصله عيل ) شوية شتيمة ما أنزل الله بها من سلطان الرجالة نفسهم يتكسفو من سماعها وانا قاعدة وحاطة وشى فى الارض ووشى عامل شبه الطمطماية من اللى بسمعه كان نفسى اقولها ابوس ايييييييييييييدك كفاية والتباع قالى اسفين ياابلة عالالفاظ :o دانا بشوف ناااااااااااس فى الميكروباص ده يلهووى وبقعد افتكر بردو فى حاجات مضت واضح ان هو ده اللى فالحين فيه :d ثانكس يا برو نايس توبيك اند نايس ميمورى اند ان شاء الله ربنا يعوضنا جميعا :) |
ايده ايده اهو فيه تطور يعني نزلت تجيب هدوم عيد وبالنسبة للامتحانات حبيت افكرك لحسن تكون نسيت :p:p:p:p |
اقتباس:
هههههههههههههههههههههههههههههههه يا رب ان شاء الله اقتباس:
بس بقى كفايه هو يعنى يا ربى اكمنى فى هندسه محرم عليا اللبس الجديد وانى انزل فى العيد اما بالنسبه للامتحانات فالله تعالى ستار غفور رحيم وربنا يستر وشكرا على التذكره وغمه النفس دى :( |
اااااااااااااااااااااااااااااايدة دة مطلعش انا لوحدى ال ىبسرح فى الميكروباص والله يا خالد بجد كلامك مضبوط ودياما الحياة بتاكد لى المثل دة مضاقت الا ما فرجت انا يوم متوفت ماما الله يرحمها كنت فاكرة خلاص الدنيا فى حياتى اسودت ومش فى حياة تانية بس مع ذللك ربنا صبرنى وقومنى وطلعنى من التجربة دى شخصية قوية اقدر اتحمل الدنيا بصدمتها قبل فرحها وحاجات كتير يوم مجبت محموع مش الى كنت بتمنى ومش دخلت الكليةى ال ىبتمنها افتكتر ان حياتى انتهت ومع ذللك ربنا اكرمنى بكلية متناسبة اكتر لمواهبى وقدراتى وحاسة انى مبسوطة برغم اى تعب يوم متعبت الفترة ال ىفاتت وعشت يوم ن اصعب ايام حياتى كان علىلا نتيجة كام تحليل لاما لاقدر الله يبقى مرض خطير ليبقى حاجة بسيطة كنت حاسة انى حياتى خلاص تخيل احساسك ان بينك وبين المرض والموت لاحظات بس الدكتور يطمنى بعد يوم كامل بين اشاعات هنا وهنا يقولى الحمد لله طلعت حاجة بسيطة قوى وانتى كويسة كان حياتى بتتولد من جديد وقمت من الازمة دى بدرووووووووووس كتير عمرى فى حياتى محنساا ها وتمضى الايام وتمضى دروس الحياة واخيرا مضاقت الا ما فرجت وميت مليون لايك لتوبيكك يا خالد |
اقتباس:
مهو ده اللى عايز اوصله ان ربنا بيعوضنا والله وكل ما نتظلم من حد ربنا يعوضنا فى حاجه تانيه مشاركه متميزه منك يا مريم نورتى |
| جميع الأوقات بتوقيت GMT +2. الساعة الآن 09:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.