|
شخبطة .. ثوريه للمبدع / منــــير الفائز بمسابقة مبدعي القسم للأسبوع الثاني
حكاية مصرية... شعبية .. حال المصراوية .. قبل طريق الحرية عدت ايام ملهاش ملامح فى بلد اللى جاى مش رايح حلم الفقير البسيط اللى عايش فى بلده كانه سائح نفسه فى لقمة ولو حتى قديمة وياه على ريحة البط اللى فايح ارحم يا اخى دا اخوك جعان اعمله ايه ما هو اللى كسلان قوم يا بنى شوف شغلك نازل فى الشارع والشغل بعيد اكيد ماشى فى الحر الشديد مه لو معايا تمن الترماى كنت جبت بيه فطار كنت معدى من جمب تحرير ناس فاضية بتهتف وتعيد عيش حرية مياه فى الحنفية دول شكلهم عالم هفية عيش مين ولمين دول حكمنا شوية حرمية قولت اقف اتفرج عليهم عيش جمعية تسقية للملوخية بضحك وكان دا كله افيه اخ الشغل اتاخرت عليه خدتها جرى مش شايف وصلت الشغل وانا مدارى خد تعالى هنا اخ قفشنى الراجل الكبير اكيد اتفصلت دا راجل شرير متاخر وجاى بتدلع برا وان شاء الله تولع قولت دا ظلم دا افترا دا حتى حرام نزلت ع التحرير اكمل فرجة عيش حرية عدالة اجتماعية ايه دا حرية منسية دول عالم ثورية داخلية همجية دول عالم بلطجية ضربوا الاحرار بالمية اجرى ولا اقف طيب اعمل ايه ورقة وقلم طيب اكتب ايه انا اسف يا بلدى مفهمتش فكرتك دول اللى جايين ينوروا سكتك بيهتفوا ليكى ورينا همتك ثوار احرار هنكمل المشوار مشوار ايه رايحين على فين مشوار اللى ماتوا دانيال وعفت علاء عبد الهادى خالد سعيد وسيد بلال انس الشهيد جونيور وغندور طيب كانوا رايحين على فين على الحرية رايحين يهتفوا بالملايين عيش حرية عدالة اجتماعية كرامة انسانية ايه دا ماتوا علشان انا اعيش طيب وفين حقى ولا انا مليش لا انا لازم احارب واجيبه مش انا اللى في يوم اسيبه اجمع هنا فى الميدان ضد كل اللى خان اه يارجلى اه يا عنيا واحد مات على ايديا قالى وصيه مش مكتوبة دافع عن بلدى المحبوبة ضد اللى بيكرهوها على علمها فوق الدنيا اوعى تستنى لو حتى ثانية دافع عنها بكل سلاحك مصر تداوى كل جراحك فهمت الفكرة والليلة مصمم بلدى من انهاردا مش هتتالم جاى يابلدى وكلى حرية هحررك يابلدى من العبودية ومن الذل والتبعية بس لو مت متنسيش الابطال اللى روا ارضك من الاحرار متنسيبيش حقنا ومتتعبش نفسك دى مجرد شخبطة :blush::blush: |
مليون مبروك يامنير أنت عضو نشيط ومواضيعك رائعه ومشاركاتك إيضاً دُمت متألق في سماء قسم إبداعات ألف مليون مبرووووووووووووك :022yb4::022yb4: تحياتي كنـــــــــــــــــــــــــــــارة |
ميرووووووووووووووووووووووووووووووك
مبرووووووووووووووووووووووك مبرووووووووووووووووك |
مليووووووووووووون مبارك ليك يا منير كنت متوقعة فوزك والله تستاهل كل الخير
|
فين الاستاذ منير :(:( |
أخي منير
جميل ما خط قلمك والأجمل تلك المواضيع التي تتحدث فيها وتسخر قلمك لها مبروك تقبل تحياتي |
اقتباس:
|
اقتباس:
|
اقتباس:
|
اقتباس:
شكرا لحضرتك |
جميله يا منير
احب الشعر العامي عندما يعبر عن فكره واقعيه وانت اجدت فيها فتحياتنا لك ^-^ |
| جميع الأوقات بتوقيت GMT +2. الساعة الآن 11:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.