السلام عليكم

انا الحمد لله ربنا كرمنى و دخلت علوم اسكندرية ب 96.5

انا بحب اشكر كيميائي طبي2011 على المجهود اللى هو عامله

لكن للاسف والله انا مش بفهم من كلامه بحس انه اكبر من عقلى ]: ارجوك ماتزعلش منى

انا علمى علوم

فارجوا منك او اى حد فى المنتدى انه يبسطلى ايه الاقسام اللى ممكن ادخلها

وا لمواد اللى انا بدرسها فيها

هتفرق لو جبت درجات عالية ولا لأ؟؟؟

و انا سمعت ان فيه قسم طب شرعى هو ايه ده؟؟؟

و الاقسام دى بخرج منها بشتغل ايه؟؟؟

و هل ليها شغل برة مصر لان انا حلمى انى اسافر طول عمرى:]

و هو ينفع ادخل قسم حاسبات و معلومات؟؟

اسف انى طولت عليكم

و السلام عليكم

المشاركة الأصلية كتبت بواسطة legends8 (المشاركة 4697923) السلام عليكم انا الحمد لله ربنا كرمنى و دخلت علوم اسكندرية ب 96.5 انا بحب اشكر كيميائي طبي2011 على المجهود اللى هو عامله لكن للاسف والله انا مش بفهم من كلامه بحس انه اكبر من عقلى ]: ارجوك ماتزعلش منى انا علمى علوم فارجوا منك او اى حد فى المنتدى انه يبسطلى ايه الاقسام اللى ممكن ادخلها وا لمواد اللى انا بدرسها فيها هتفرق لو جبت درجات عالية ولا لأ؟؟؟ و انا سمعت ان فيه قسم طب شرعى هو ايه ده؟؟؟ و الاقسام دى بخرج منها بشتغل ايه؟؟؟ و هل ليها شغل برة مصر لان انا حلمى انى اسافر طول عمرى:] و هو ينفع ادخل قسم حاسبات و معلومات؟؟ اسف انى طولت عليكم و السلام عليكم

المشاركة الأصلية كتبت بواسطة just married (المشاركة 4697961) مرحبا بكم في علوم الاسكندرية قسم الطب الشرعي هو قسم حشرات

المشاركة الأصلية كتبت بواسطة كيميائي طبي2011 (المشاركة 4697989) العفو ولا يهمك وع العموم هتدخل بيولوجي الاول بعدها هتتخصص في الكيمياء مع البيولوجي هتتيحلك العمل في اكثرمن مجال زي التحاليل والادويه والسلامه والصحة المهنيه والجوده والمصانع والشركات والابحاث الطبية والتخصص للي لينا في الطب الشرعي هو الكيمياء الشرعيه والسموم وموجوده كبكالوريوس في علوم المنصوره وموجوده كدبلومه في علوم شبين واسكندرية اما قسم الحاسبات فعلمي علوم ماينفعشي يتخصص فيه فيتطلب علمي رياضه بس

المشاركة الأصلية كتبت بواسطة legends8 (المشاركة 4698006) شكراااااااااااااااااااااااااااااااااااااااااا بس هو ده الطريق الوحيد اللى ممكن اسكله ولا هو ده الافضل؟؟

المشاركة الأصلية كتبت بواسطة كيميائي طبي2011 (المشاركة 4698037) ده ااااالافضل

المشاركة الأصلية كتبت بواسطة legends8 (المشاركة 4698070) هو احنا بندرس ايه فى الميكروبيولوجى و ايه هو كيميائي ظابط؟؟؟ و هى الكلية صعبة اوى زى ما بيقولوا ولا الناس بتقول زى عادتها اى حاجة وخلاص

المشاركة الأصلية كتبت بواسطة كيميائي طبي2011 (المشاركة 4698082) الميكروبيولوجي هي دراسه البكتريا والفطريات والفيروسات والطحالب والمناعه وكيميائي ظابط يا في وزاره الداخليه وده بيبقي في قسم التزيف والتزوير والبصمات وكده ياما في وزاره الدفاع وده بيبقي الكيميائي للي بيطور ويعمل اسلحه كيميائيه وبيولوجيه جديده

المشاركة الأصلية كتبت بواسطة legends8 (المشاركة 4698095) طب هو انا بدخله من انهى قسم؟؟ و هو القسم ده ليه مستقبل اصلى حاسس انى ممكن اكون كويس فيه قوى و هو احنا لينا شغل برة مصر؟؟؟

المشاركة الأصلية كتبت بواسطة كيميائي طبي2011 (المشاركة 4699373) الافضل انك بتجمع بين الكيمياء مع الميكروبيولوجي يعني بتبقي ليك حق تشتغل في المجاليين مجال الكيمياء والميكروبيولوجي او البيولوجي بشكل عام

المشاركة الأصلية كتبت بواسطة legends8 (المشاركة 4699438) حضرتك ماتعرفش انا محتاج ورق ايه للتقديم؟؟؟ و امتى التقديم؟؟؟