استفسار هام حياة او موت
 

هل ينفع حد يحول من كلية صيدلة الى كلية طب بشرى باى طريقة ممكنة
هل فى طريقة متاحة واملها ولو 1 % انها تنفع بس يتم التحويل من صيدلة لطب بشرى
باى طريقة بالله عليكم علما ان المجموع مش جايب طب بشرى للاسف
هل ينفع يتم التحويل بعد سنة او اتنين فى صيدلة
هل ينفع احول طب بعد ما اخلص صيدلة خالص
ارجو الرد للاهمية وشكرا

انا عمرى مسمعت الحكاية دى ابدا ابدا لازم المجموع يكون جايب . انا هقولك رايى وياريت مش تعتبريه تطفل منى . انتى بنوتة واسنان وصيدلة لينا افضل وياما ناس مجموعها يجيب طب وبتدخل صيدلة . ربنا يوفقك.

]عنى بعد ما اخلص كلية صيدلة اكون من ال 9 الاأوائل وبعدين احول طب ولا ايه انا مش فاهمة وهل لما احول هدخل طب من اول سنة عادى لو كدا انا عندى استعداد تام مفيش مشكلة
وفى حاجة تانية انا شغالة فيها دلوقتى وهى انى اقدم ثالثة ثانوى منازل وادخل السنة الجاية ثالثة ثانوى ولو جبت مجموع اقدم عادى ف التنسيق ولو جاتلى طب هكون مقيدة فى طب وصيدلة هسحب ورقى من صيدلة وكأن مفيش اى حاجة حصلت ولا كأنى دخلتها اصلا وبدون علم اى حد دى طريقة وسألت انى ادخل 3 منازل بانى اقول انى مخدتهاش اصلا واجيب شهادة نجاح اولى وثانية ثانوى بس خايفة الموضوع ميتمش فلو متمش هل فعلا الطريقة دى متاحة انى اخلص صيدلة واحول طب عاوزة ولو امل بسيط انى فعلا هقدر ادخلها ولو بعد سنين مش هتفرق المهم نفسى ادخلها بس يا ريت تفهمنى اكتر انا صيدلة اسكندرية

الحمد لله على كل حال بس والله العظيم مهما شرحت واتكلمت انا حسة بالم وحسرة رهيبة والله العظيم مبيعديش عليا يوم غير عياط ومش عارفة اضحك ولا ابتسم مع زمايلى وبضحك وانا من جوايا مهمومة وزعلانة والله العظيم راضية باللى ربنا كتبهولى بس يمكن يكون كاتبلى ادخل طب برده ولو بعد سنين مش مهم مفيش حاجة بعيدة على ربنا والله العظيم ادعيلى بالله عليكى انا ماشية ف صيدلة كويس وجبت الترم الاول امتياز بس بجد زعلانة اوى اوى اوى ولا فرق معايا التقدير ومعرفتوش اصلا ولا رحت جبت النتيجة واصحابى اللى كلمونى وقالولى ومكنتش عاوزة اكلمهم ولا اعرف عشان مش فارق معايا ومكنتش متخيلة انى مدخلش طب بس الحمد لله على كل حال حلم حياتى ونفسى احققه مهما كانت الظروف ومهما كنت هتعب المهم احققه وثقتى فى ربنا كبيرة اوييييييييييييييي ربنا عند حسن ظن عباده به وانا ظنى بالله كبير حاسة ان فى يم من الايام هدخل طب معنديش اصرار زمان معنديش حماس زمان معنديش انى عاوزة اتفوق فى مجالى واهتم بعلم الصيدلة زى زمان زى ما كنت بحب العلم وميهمنيش المجموع ولا اجيب كام بس حلم حياتى ادخل طب ونفسى ادرس العلم ده ادعيلى بالله عليكى يمكن تحصل معجزة واحقق حلم عمرى ياااااااااااااا رب املى بيك كبير ياااااااااااااا رب

ربنا يكرمك واسفة للاطالة بس ادعيلى بالله عليكى

امممممممممممممممممممممممممممممممممممممممممم ياخبرررررر دى حاجة صعبة اوى اوى بس انا عذراكى علشان انتى متمسكة بحاجة وعاوزة تحققيها بس انا هقولك حاجة بسيطة ويارب تقنعك انا صاحبتى كانت نفسها تدخل طب اسنان اوى وبعدين حصل مشاكل ومعرفتش تاخد المستوى الرفيع وجالها صيدلة الزقازيق وكانت زعلانة فوق متتصورى لانها بالمستوى كانت تلحق طب عين شمس كمان وزعلها زاد لما حتى ملحقتش صيدلة طنطا او تحول ليها علشان احنا من المنوفية ودخلت وهى زعلانة اوى اوى وبعدين بدات تفكر وتقول ان اشمعنا ربنا اختارها ان متخدش المستوى يبقى اكيد ربنا شايلها الخير فى المكان اللى رحتله وهينفع بيها المسلمين فانا عاوزاكى تفكرى بالطريقة دى وكمان انا عندى ليكى حل كويس انا واحد اريبى بعد مخلص صيدلة درس سنتين وبيكشف ويكتب دول يعنى زى اللى درس اكلينيكال بالظبط فانتى حاولى تفكرى بهدوء شديد جدا وبصى ان احنا بنات وفى حاجات تانية غير الدراسة يعنى مثلا الدكاترة البشريين لما بيتجوزو بيتعبو جدا جدا وانا ادامى من دول كتييييييير اوى . انا عارفة ان الدكاترة اللى هنا هيضربونى هههههههههه . اسفة للاطالة بس انا حاسة بيكى اوى ونفسى اساعدك . ربنا يوفقك يارب للخير .

انا كدا فهمت قصد حضرتك بس انا مش عاوزة ابقى معيدة اصلا وكان كل هدفى انى ادرس فى كلية الطب العلللللللللللللللللللللللللم نفسه مش انى ادرس صيدلة وادخل طب ابقى معيدة فى قسم محدد
بس ربنا يسهل الحال وادخلها يااااااااااا رب وابدأ فيها كطالبة عادية من اول سنة بجد شكرا جدا لمساعدة حضرتك ولك جزيل الشكر انك حاولت تساعدنى بمعلوماتك بس للاسف ده مش هدفى انا عارفة انى اصلا ف صيدلة وانه امر واقع وانى مليش الحق انى اتكلم كدا اصلا بس والله مش هدفى انى ادخل طب عشان اكون معيدة ولا عشان اكون اسمى فى طب وخلاص ربنا اعلم بنيتى والله العظيم المهم شكرا واكرر شكرى لحضرتك ومساعدتك لك جزيل الشكر ربنا يوفق حضرتك يااااااااااا رب

وياااااااااااااا رب ادخل طب ياااااااااااااا رب

والله انا حاسة انكوا هتضربوووووووووونى من كلامى ههههههههه بس برضه انا مش عاوزة اخلص صيدلة واخد سنتين وابقى واحدة بكشف واعالج وخلاص انا ليا هدف تااااااااااااااانى خالص نفسى ادخل طب من اول سنة وادرس العلم نفسه مش فارق معايا تعب وعارفة انى بنت ومش فارق معايا نهائيا نفسى ربنا يرضى عنى بهدفى ده نفسى ادرس العللللللللللللللللم نفسه نفسى ادرس علم الطب نفسى اسافر وادرس الخلايا الجزعية واحقق انجاز فيها ولو بسيط وده عمرى ما هقدر اعمله غير بكلية الطب
هقولك حاجة واسالك اسالة ومش عاوزة ردها بس هتفتهمى قصدى
" ايه الافضل شخص عااااااجز مشلول ام شخص ميت "
" شخص حصلتله حادثة حلصله خلل فى المخ وحياته اتدمرت ولا شخص ميت "
وقيسى على ده كتير بغض النظر عن ان دى حكمة ربنا او اوا او او طبعا ده شئ محدش يقدر يختلف عليه
بس انظرى معايا بنظرة عميقة للامور " فى دكاترة كتير اوى بيعالجوا وبيعملوا عمليات وووووو الى اخره طبعا
طيب بصى معايا تانى انا لو تفوقت فى مجالى وحققت هدفى فى انى اعمل ابحاث او اكتشف حاجة ههههههه ده حلم طبعا بس مينفعش اقف ف مكانى واقول لا مش هقدر لا اقدر واقدر واقدر كمان لانى انسانة ربنا خلق ليا عقل ومينفعش اقف مكانى او اكتفى باللى انا فيه فلو حققت انجاز فى المجال ده مجال الخلايا الجزعية ده ممكن يساعد ناس مشلولين ترجعلهم صحتهم ويقدروا يمشوا ويتحركوا حد عنده خلل فى المخ العلم ده يقدر يعالجه حد عنده مرض السكرى بالخلايا الجزعية تقدر تعالجه وغيره كتييييييير اوى
لما اعالج شخص عنده شلل واكون السبب فى شفائه لما اسمع دعوة منه ليا ده عندى بالدنيا كلها مش يمكن الدعوة دى تكون سبب دخولى الجنة
والله نفسى ربنا يرضى عنى وحاسة انى هرضى ربنا بكدا

والله العظيم هو ده هدفى ومعنديش هدف غيره ادعيلى بالله عليكى اقدر ادخلها ادعيلى وبجد انا عارفة انى شغلتك انا اسفة جدا بس شكرا اوى اوى اوى لاهتمامك بالرد عليا وربنا يكرمك
جزاك الله خير الجزاء

queeen hemat . momken ba3d 2eznek tekalemeeeni ana esmi marco we taleb bekoleyet saydala we 3andi ma3loomat kewaisa be5esoos we meyooli nafs meyeooolek we 3awez awasalek fekra
nemret telphooni +201285472048

بأمانه انا مقبلتش حد فى كليتنا كلها ولا حتى انا
عنده الطموح اللى عندك
بجد ربنا معاكى ويوفقك
!!

شكرا جدا لحضرتك على عرضك للمساعدة لكن لو فعلا عندك معلومات تقدر تساعدنى يا ريت تبلغنى بيها هنا ع المنتدى ولك جزيل الشكر .... بالتوفيق

شكرا لدعاء حضرتك ليا ربنا يكرمك ويوفقك
الحكاية وما فيها انى أؤمن وبشدة أن الطموح هو بريق الحياة

شكرا جدا لحضرتك ... بالتوفيق