|
الشغل فى الكلية
أنا فى كلية الهندسة جامعة الاسكندرية
على وشك الدخول فى السنة الاعدادية. و هناك فرصة أن أعمل فى وقت الدراسة. هل أعمل ؟؟ أو أن هذا العمل سوف يفسد الدراسة؟؟ مع العلم ان العمل فترة مسائية لن تتعدى الواحدة صباحاً.. شكراً للمساعدة. |
طيب ما تنتظر تخلص اعدادي على خير احسن
ولا انت ايه رأيك ؟ أنا بحترم اللي بيشتغل جداً والله بس انت عارف الكلية لحظة دي كلية هندسة يعني تعب للركب زي ما بيقولوا أنا من رأيي كأخ ليك وزميل في الكلية انك حتى لو خلصت مذاكرة و وبيضت و لخصت محاضرات برده استزيد يعني مش هتتلاقي وقت للشغل لكن لو البيت واقف عليك انت أقولك ربنا يعينك فهمت وجهة نظري يا باش مهندس ؟ ربنا يوفقك باذن الله بس على فكرة أنا من أول أولى مدني باذن الله نازل شغل تبع المدني والتخصص يعني أكيد هيفيد فيما بعد عشان الخبرة بس ربنا يعينك يا هندسة وأرجو واحد خبرة يرد عليك |
شكراً جزيلاً على الاهتمام ..
و أنا متفق معاك على فكرة و الحمد لله و الشكر لله يعنى البيت مش واقف عليا ولا حاجة انا بس بكره الفراغ.. بس من كلامك واضح انى مش حلاقى فرغ شكراً مرة تانية |
لو سمحت يابشمهندس انا لسة هدخل هندسة السنه دي
وسمعت كلمة تبيض المحضرات وكنت عايز اعرف يعني ليه لو مفهاش رزالة وشكرا:friendsxs3::friendsxs3: |
ولو سمحت ازاي حضرتك بتحط صورة جنب اسمك؟:confused::confused:
|
المفروض ان لما بتكون فى محاضرة انت بتكتب ورا الدكتور ..و لما بتكتب وراه بتكتب بسرعة شوية و بخط مش كويس اوى و مش منظم
التبييض بقى هوا تنظيم و تعديل و اعادة كتابة المحاضرة بشكل أفضل يساعدك على المذاكرة.. و بالنسبة للصورة للأسف انا مش فاكر تفاصيل الموضوع مش فاكر عملتها ازاى بس انا فاكر انها كانت من الملف الشخصى.. الملف الشخصى توصله بأنك تدوس على اسمك فى أى حتة يعنى دوس على اسمك فى المشاركة اللى فاتت مثلاً حيتفتح الملف الشخصى أتمنى تعرف تعملها لأن انا مش عارف أعلمها تانى :( |
شكرا اوي يا بشمهندس
وشكرا علي مرورك:d:d |
انا ان شاء الله داخل هندسة شبين وكنت عايز اعرف هي كويسة والايه
وايه افضل كلية ولو عايز احول اعمل ايه؟ وشكرا مرة تانية يا بشمهندس:078111rg3::078111rg3: |
أنا أعرف ان أفضل جامعات فى مصر هيا ( القاهرة، عين شمس و الاسكندرية)...
و التحويل بقى انا ماعرافش تفاصيل الأفضل تسأل حد تانى |
بص يا هندسة أنا قعدت مع ناس كتير جداً مخلصة هندسة حديثاً أو مهندسين قدامي وخبرة عننا وكده، الكل أجمع علي أهمية التدريب في الشركات أو المصانع ومباشرة الحاجات علي الطبيعة..ده هيسهل علينا أوي الفهم والمذاكرة وبتبقي إنت بتكتسب خبرة في العمل من قبل ما تخوض في المجال بتاعك بمدة محترمة
ده غير إنك في أي إنترفيو محترم أول ما تتخرج ممكن جداً يسألك عن التدريبات بتاعتك والمهارات إللي إكتسبتها في أماكن العمل العادية بعيد بقي عن معامل الكلية والشغل ده ولما يتكتب في السي في بتاعك إنك إكتسبت خبرة من التدريب في شركة كذا وكذا وكذا ده أكيد بيديك مميزات وأفضلية ممتازة ده إن شاء الله هيكون في الأجازة إللي بين كل سنة والتانية، وف كل الأحوال دي قيمة مضافة لمهاراتك وخبراتك فأكيد مش إهدار وقت دي شطارة يعني بس نصحوني إن الكلام ده يكون بعد سنة أولي حتي لو كنت محدد قسم معين من قبل إعدادى |
اقتباس:
أي خودعة |
| جميع الأوقات بتوقيت GMT +2. الساعة الآن 10:48 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.