بوابة الثانوية العامة المصرية

غربة انسان
للاديب الاستاذ سمير جماية
الاسكندرية

الحرف مع الحرف بينقش

لنا كلمه

وكلمه تجري ورا كلمه

ترسملنا جمله

وجمله مع جمله

نلقي كتاب

يمكن يكون فرح

او يكون عذاب

صفحات ودايره بينا

فيها الألم

وتايهه جواها امانينا

باب للندم

وباب من عدم

وسقطت من اوراقها اسامينا

والنسيم ماعاد نسيم

دخانه بيعمينا

والقمر اللي كنا بنحكي له اسرارنا

ماطايق يبصلنا

ولا يسمع أغانينا

والليل كان بيحضن احلامنا

بقي سجان يجلدنا ويشقينا

وعلي ابوابه يصلبنا ويدمينا

والنجم اللي كان بيونسنا

ف السما

هرب واختفي

وحلف مايضوي في ليالينا

والشمس بعدت وبعدت

وتركت نارها تحرق فينا

كتاب...والمفروض اكون فيه انسان...؟

لكن ضاع فيه اسمي

عايش غربتي

حتي مع جسمي

ضاع وسط البشر رسمي

ولا بلاقي اللي يسمع لهمسي

واخدانا دمعه

شايله معاها نظره

تاهت مع بكره

صار الجنون عنوان

عزفنا الحزن الحان

غرقنا في بحر

بلا شطئان

ليه ...انا انسان..............؟؟؟؟؟؟؟؟؟؟؟؟؟؟