|
حملة لتطهير القلوب وانقاذ ما يمكن انقاذه
:::::::::::::::::::::::::::::::::: السلام عليكم ورحمة الله وبركاته :::::::::::::::::::::::::::::::::::
هذا الموضوع من اجل تحسين حياتنا اليومية ومن اجل مساعدة أهل غزة (معهم الله) هذا الموضوع هايتكون من سلسلة مواضيع ...تقدروا تقولوا نصايح متتالية :: 1-عايزين نصلي الفجر كل يوم ...اية الي هايحصل يعني؟عيب ولا حرام؟؟ ولا هانتعطل عن المؤتمرات العالمية الي بنروحها ؟؟ولا مش هانعرف نخلص المشاكل المستعصية الي بنحلها لغزة واهاليها؟؟؟ بالعكس احنا لما نواظب على صلاة الفجر هانرتاااح في حاجات كتييييير اوي وندعي لنفسنا وندعي لبعض وندعي لأهل غزة من قلبنا ..... وللتحفيز:هانعمل مسابقة ...كل واحد يصلي الفجر يدخل يكتب:انا صليت الحمد لله)و طبعا في ناس ماعندهاش كمبيزتر وبتشتغل من النت كافيه ..مش مهم لما يدخلوا الصبح يقولوا انا صليت الحمد لله (بس يكون بصدق طبعا) والي هايكمل ال30 يوم ان شاء الله في الشهر هاياخد لقب المواظب على صلاة الفجر واكيد مش معقول يعني بعد شهر كامل هايكسل.....وندعي كلنا في الوقت بتاع الصلاة دة عشان تستجاب ان شاء الله وندعي لأهل غزة... ونحاول نصلي التهجد وانا مش هادخل فيه دلوقتي واحدة واحدة وان شاء الله هاعمل باقي المواضيع ...... _______________________ ملحوظة:هايكون لكل فرد في المنتدى دور في هذه الحملة :اول شخصين :كركركوكو و أحمد رضا و هايكونوا ان شاء الله دورهم واضح...... وان شاء الله المجاهد في سبيل الله ليه دور كبير بما ان هو من جماعة الاخوان.... |
حرام علكوا دي صلاة........5 مشاهدات ومفيش حد قال ماشي وانا كمان هاصلي.......
لا اله الا الله |
اكيد طبعا الجميع هيصلى صلاة الفجر ان شاء الله
بارك الله فيك وربنا ينصر المسلمين في كل مكان |
الحمد لله اول موافقة........مشكورة جدا على ردك .....عايزين يا جماعة بدل اللعب والكلام الفضي و طول اليوم مابنعملش حاججة مفيد ..والناس طالع عينها في غزة ..نحاول نساعدهم باي حاجة؟.......
|
فينك من زمان
أنا كنت محتاجة التشجيع دا من زمان وياري تقول هتبدأ من إمتا أنا هبدأ النهاردة |
انا الحمد لله بصلي كل يوم لأن انا بذاكر الفجر.......وبالنسبة للمسابقة انا هابداها من النهاردة.........يالا معانا يا جماعة ندعي لالهل غزة ونصلي بنية طلب الرحمة من الله ليهم...... اعملوا حاجة صح معانا بقى
|
الله عليك ياتامر جزاك الله كل اخير يلا بقي لازم نتحرك كلنا
|
ربنا يخليك يا كيمو ...يالا بقى عايزين نصلي ونحس ان احنا مع بعض ...تخيلوا لما نكون بنصلي وكل واحد فينيا حاسس ان كل المنتدى بيصلي معاه و بيدعي نفس الدعوة ؟......... يالا بقى
|
السلام عليكم ورحمة الله وبركاته
جزاك الله كل خير اخ تامر بصدق معاك حق ولله يا اخوان ان اهل غزه فى اشد الحاجه لنا ولدعوتنا ولجهدنا ونحن ايضا فى اشد الحاجه الى الدعوات لنفسنا يا اخوان تذكروا قول النبى صلى الله عليه وسلم فيما معناه من دعى لاخيه فى ظهر الغيب ولم يرد من اجلها مصلحة شخصيه او اى حاجه انما هى خالصه لوجه الله رد عليه ملك من السماء وقال له ولك المثل يعنى انت دلوقتى بتدعى وبتاخد ثواب فى نفس الوقت ثواب علشان رفعت يديك الى السماء ودعوة الله وانت كلك وثوق به سبحانه وتعالى وكمان علشان رفعت يديك ودعوة لاخ لك لا تعلمه ولم يكن لك عنده مصلحه شوفتوا عظمت الاسلام الحمد لله الذى جعلنا مسلمين هيا انا ان شاء الله ساصلى الفجر اليوم |
مشكور يا احمد......هل من مجيب آخر.....هل من يهتم......اطفوا التليفزيون الي هايخرب بيوتنا دة ....بطلوا رغي في التليفونات .......الناس محتاجلنا ....تخيلوا ان حد جاي يقول مصر احتلها الصهاينة واليهود ...مصر بيتقتل اهلها ...تخيل وانت قاعد في بيتك ولقيت وحوش داخلة بيتك ..ضرب وتعذيب وهتك للاعراض.....ارحموا اخواتنا الطاهرات ..اخواتنا الي بيضيع منهم اعز ما يملكوا......اخواننا الي بيشوفوا اخواتهم بيضيعوا اد\امهم ....الاهالي الي بيشوفوا اولادهم طعام للكلاب والخنازير......اتحركوا ...شيلوا السدادة الي في ودانكوا.....ارحموا الناس الي بتموت وبتتعذب ارحموا الاطفال الي بيموتوا في المستشفيات وانت مشغل الدفاية ومتغطي في سريرك ومش هامك حاجة...................... ارحموا بعض عشان ربنا يرحمنا.....
|
اضم صوتي لضمن اصوات الموافقين :)
بجد جزاك الله خير :) |
حضرتك منور...واشكرك على التاييد...يالا يا مسلمين......
|
السلام عليكم ورحمة الله وبركاته بجد فكره رائعه وانا معاكوا ان شاء الله اقولكوا على حاجه تشجعكوا ؟؟؟ ايه رأيك بدل ما الشيطان يتغلب عليك انت تغلبه ...لا مش كده وبس ده انت كمان هتخليه يصحيك ؟؟ ها ايه رأيك عايز تعرف طيب اسمع يا سيدى حضرتك كل يوم تنوى ان شاء الله انك تصلى الفجر وتتوضأ قبل ما تنام وطبعا اذكار المساء واذكار قبل النوم وتظبط المنبه ولوانك حتى لو مش ظبطته وكانت نيتك فعلا انك تصحى ربنا هييسرلك ان شاء الله وتصحى المهم دلوقتى انت بقيت على اتم الاستعداد لصلاة الفجر فرضا حضرتك ما صلتش لاى سبب من الاسباب كل اللى عليك هتتصدق بأى صدقه وكل فجر يضيع قصاده صدقه كده الشيطان مش هيعرف ياخد معاك حق ولا باطل وهيلاقى ان الاحسن له انه يصحيك بجد انا جربت الفكره دى وحقيقى رائعه وان شاء الله تستفيدوا منها وجزاك الله كل خير تيمو |
اقتباس:
|
اه الحمد لله أنا بصلي الفجر علطول
وأتمنى ان الجميع يصلوا الفجر لأن ثوابه عظيم جزاك الله خيراً أخي |
| جميع الأوقات بتوقيت GMT +2. الساعة الآن 07:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.