|
يا جماعة هموووت من الحيرة
انا جايب 99.9% الحمدلله و انا علمي علوم
و محتار جدا بين طب و طب اسنان و صيدلة ياريت حد يفيدني الكلية الأحسن..و أحسن ليه و الباقي وحش ليه و شكراااااا |
انا عن نفسى برشح اسنان او صيدله لسبب .. اختى كانت فى طب و بجد بهدله جامده بس لو بتحبها هتستحمل اولا دراسه 6 سنين تعب و سنه امتياز و سنين نيابه و ماجيستير و دكتوراة و انت لسه مفتحتش عياده .. اسنان شغلها سريع و صيدله بردو شركات ادوية او ميديكال ريب ... اخيرا : ادعليى ربنا يناولنى الكلية اللى نفسى فيها
|
طبعا كل كليه وليها مميزات وعيوب يعني طب مثلا 7 سنين بس بعد كده في المستقبل هتبقى دكتور مشهور ان شاء الله
واسنان حلوه وزيها ي طب بس طب فروعها اكتر يعني تختار اللي انت عايزه مش هتتخصص اسنان بس ومش فرق سنتين يعني كده كده كلوا هيعدي سنتين عشره المهم المستقبل وصيدل حلوه بس طبعا طب واسنان احسن بكتيرررررررررررر علشان عتتخرج من صيدله مش قدامك غير حاجتين 1- تقعد في صيدليه واظن انها بقت لاي حد في ناس مش معاها مؤهلات خالص وبتقعد في صيدليات واكيد هتمل 2- تشتغل في شركات الادويه وطبعا الشغلانه دي اعرف ناس كتير اوي فيها بيقولوا انها مش محترمه قصدي في دكاتره بتعامل اللي بيروحلهم بطريقه وحشه وكده غير انك كل ما تكبر في السن هيستغنوا عنك يعني مش مضمونه ومتعبه جدااااااااااا وطبعا في الاول والاخر كله يرجعلك بس من رأي انت مجموعك حلو جدااااااااااااااااااااااااااااا وتدخل طب وانت مرتاح وتبقى دكتور قد الدنيا وسيبك من اللي يقولك كتير ومش كتير المهم انت هتبقى ايه في المستقبل |
ميرسي جدا يا جماعة و ان شاء الله اللي فيه الخير هيحصل
|
بـص أنـصـحـك طـب , مـش هـتـاخـد أي حـد الـسـنـة ديـ
بـس لـو إنـت مـش عـايـز طـب مـتـحـطـهـاش رغـبـة أولـى خـلـي مـكـانـهـا لـغـيـرك .. أمـا نـصـحـيـتـي هـي الـطـب : - هـيـتـفـلـتـروا بـتـوع عـلـوم الـسـنـة ديـ |
نصيحتي ليك :
ما تدفنش نفسك بمواهبك بمجموعك في كلية زي صيدلة او اسنان ما شاء الله عليك شكلك اذكي من كدا بكتير ... |
انا جايبة نفس المجموع والكل بيقول صيدلة لها مستقبل للبنت ايه رايكم
|
مفيش حد بيرد ولا ايه
|
اقتباس:
يعنى طب محتاجة واحد اذكى من اللي هيدخل صيدلة او اسنان او حقوق مثلا مفيش حاجة اسمها كدة .. ادخل الحاجة اللي بتحبها و فكك من حوارات القمة و القاع دي |
:
انا رآيى الصيدلية أفضل وخصوصا للبنت... بالرغم ان كل الطلبه بيسعوا لكلية الطب الا انى ما بحبه خالص كلية معقده قوى وحياة الدكتور بعد كده صعبه جداااا |
اتوكل على الله يادكتور وادخل طب
|
بسم الله الرحمن الرحيم
السلام عليكم طيب انا هرد على صاحب الموضوع و هرد على الدكتورة البنوتة اوكى اولا مبروك المجموع تانى حاجة انتا يابنى لو عندك استعداد تقعد 7 سنين ودبلومة سنتين والاهم تقدر تجمع فلوس تفتح عيااااادة عشان متكملش دكتور ارياف فيه ناس تقوللك سيبك من موضوع السبع سنين دى السنين بتعدى هوا وناس تقوللك متسمعش كلام اللى يكرهك ف بحكايت سبع سنين ومش سبع سنين انتا عارف انتا تقدر ع ايه انتا شاب مش بنت وتقدر عالطب اكتر من البنات اللى هما اصلا دخلوا طب ورمو الكلام دة ورا ضهرهم كمان لو عندك استعداد ف الظروف الصعبة والبطالة تتحمل اى مزاكرة عشان تبقا حاجة تشرف يبقا انصحك بطب لو لأة يبقا اسنان انما ميزة الصيدلة لو ليك واسطة او تعرف تجيب واسطة ف شركة ادوية وتطلع مندوب انما تقعد ف صيدلية دى بقا حتبقا مملة عليك إلا ازا كنت لا مؤاخذة وقيع يعنى وتحب القعدة وبتكره الشغل اللى فيه مجهود الاخت الصيدلانية الجديدة اييييييييون صيدلة (((((مريحة))))) للبنت عن الطب والاسنان ولا تنزلى م البيت ف عز الليل عشان فيه حالة مستعجلة ولا تبذلى مجهود جبار بقا فهمتى ؟؟؟ |
| جميع الأوقات بتوقيت GMT +2. الساعة الآن 09:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.