ساعدونيي ... مستقبلي ضااااع
 

السلام عليكم و رحمة الله و بركاته
ارجوكم محتاجة الي مشورتكم ضروري
انا مش قادرة افكر و مستقبلي ضاع
انا طالبة ثانوية عامة و كان كل املي ادخل كلية الصيدلة بس مجموعي 88% و لي نزلني العربي
المهم انا لو شديت حيلي جامد في تالتة ممكس اوصل 94% بمستوي الرفيع .
فهل اكمل علمي و لا اخدها من اصرها و ادخل ادبي ؟
و هل لسة في نظام ادخل علوم و بتقدير عالي احول صيدلة ولا كلام دة اتلغي
ياريت تجاوبوني و اكون شاكرة و ممتنة بالجميل ليكم
دمتم بخير

يا اختى ربنا يوفقك واعرفى ان ربنا كاتبلك الخير اينما كان و المهم ترضى بقضاء الله وربنا يوفقك , اما بالنسبة للتحويل من علوم لصيدلة ده اتغلى من زمان اوى وانا اساسا خريج علوم , وكلية العلوم كويسة مش وحشة وممكن تفتحى معمل تحاليل بعد ما تخلصى علوم , واعتقد السنين القادمة هيبقى لكلية العلوم شان فى مصر , وبعدين اعتقد بعد ما تعبتى وذاكرتى كيمياء او احياء ابقى كملى فى علمى علوم وممكن تحولى علمى رياضة ولو شديتى حيلك تدخلى هندسة وربنا يوفقك واى استفسار انا موجود

انا متشكرة لردك اووووى يا اخى انا كنت واخدة كيمياء الحمد لله و كنت كويسه فيها اوووى
و لكن انا مبحبش الرياضة نهائى نهاااااااااائى و صيدلة حلم حياتى لو حتى جبت 100% مش هلحقها ابدا
و مترشح ليا ادخل السن من ادبى لان الحمد لله جبت 24.5 فى الانجليزى
فما رأيكم
دمتم بخير

هو بالنسبة لكل المشاهدات دى محدش راضى يدينى رايه

معلش انا لسه داخل دلوقتى

بصى احنا كان النظام عندنا فى علوم الازهر بناخد رياضة فى اول سنتين بس ورياضة حلوة مش صعبة اوى و ده بخصوص قسم الكيمياء فى العلوم , اما بخصوص الصيدلة فانا كنت زيك كده كان حلم حياتى ودخلت علوم علشان احول صيدلة بس اتلغى على حظى , ممكن تدخلى صيدلة خاصة بس مصارفها كتير شوية , فالافضل لحضرتك ترضى بنصيبك وانت مستواكى كويس وممكن تنجحى فى اى كلية , لكن بقى حكاية الالسن فمش عارف اقولك ايه ؟؟ هى كلية حلوة وحاليا احسن من العلوم على ما اعتقد وانتى مستواكى حلو فى الانجليزى , فاحسن حاجة صلى صلاة استخارة وربنا معاكى .

الكيميائي لا يفرق شئ عن الصيدلي

بيشتغلو الاتنين في مصانع الادوية
بيشتغلو الاتنين كميدكال ريب
الفرق بينهم فقط هو ان الصيدلي من حقه يفتح صيدلية
اما الكيميائي فيقدر يفتح معمل كيمياء طبية اي معمل تحاليل طبية كيميائيه

للاسف الفرق بيننا وبين الصيدلى كتير اوى فمجال الادوية الكيميائين يعملون فيه لكن الصيدلى يميز عن الكيميائى وراتبه اكبر من الكيميائى والمناصب كلها للصيدلى , ومعامل التحاليل ايضا للصيدلى ليه يفتح معمل تحاليل , ولغاية دلوقتى مش عارفين مصيرنا ايه بالنسبة للتحاليل الطبية , اما بالنسبة لميديكال ريب ( مندوب دعايا ) دى بقى انا مش معترف بيها اساسا وانا كيميائى ومرضتش اشغل الشغلة دى , لانها لا تتفق مع الكيميائى او خريج العلوم فخريج العلوم يدرس اساسيات كتير ليصبح باحث علمى مش يبقى مندوب دعايا لشركة طبية والدكاترة فى المستشفيات يعاملوه بقلة احترام , وانا شوفت نماذج كتير من المديكال ريب كرمتهم بتضيع بسبب الشغل ده .

لكن السنوات القادمة هتحصل ثورة صناعية فى مصر وهيكون لخريج العلوم نصيب الاسد منها , وربنا يوفقنا جميعا , وياريت نتواصل يا دكتور احمد ويكون ليا الشرف .

فيه فعلا فروق في المرتبات
بس ان شاء الله نطالب الفتره الجاية باننا نطالب ان المرتبات تتساوي
اما بالنسبة للميدكال ريب فهي شغالنه في وجهه ظري مش وحشه , خريجي صيدله بيتخانقو عليها معانا ولو هي وحشه مكنشي اغلب خريجي صيدله اشتغلوها

و اتمني اننا نتواصل يا دوك:078111rg3:

والله عارفة نفسك هتذاكرى ما تضيعيش الفرصة وخليكى علمى
هتهملى حولى ادبى ووووووووووووووووووش هترفعى
بس نظام انك تحولى صيدلة او طب دا كان زمان واتلغى بس بجد علوم كلية رهيييييييييييييييييييييييييييبة وتحففففففففففففففففففففففففففففففففففففففففففففففف ففففففففففففففففففففففففففة
وربنا يوفقك

مش عارفة يا جماعة بجد محتاااارة اووووى و مخنوقه انى هتفحم فى فيزياء و الاحياء و فى اخر مش ادخل صيدلة
و لو قلنا هدخل السن فهى من ادبى اقرب و كماااان اريح طبعا من لو كملت علمى علوم و فى ناس بتخوفنى من السن بيقولو انى هشتغل مدرسة بعد كدة

اعتقد اغلب الكليات النظريه بيشتغلو مدرسيين
و عادي ممكن تدخلي علوم بس اعرفي اننا بنتحارب في كل المجالات;)

انا جبت فى تانيه 87 ياترا اقدر اعوض فى تالته واخش كلية علوم ولا مش حلحق واحول ادبى ؟