الحل الاخير
 

اصحوا يا متعاقدين الازهر كلام صفوت النحاس ... احد بقايا النظام خطير جدا ... سيتم الالتفاف علي التثبيت اصحوا يا نيام الازهر .................. اصحوا يا متعاقدي الازهر ............... اصحوا يا جبناء الازهر ............
اصحوا ... الكلام ده خطييييييييييييييييييييييييييييييييير

الظاهر ياجماعه ان موضوع التثبيت هيطول احنا عادى خالص شايفين كل اللى حوالينا اتثبتوا واحنا مستنين طب مستنين ايه مش عارفه من شويه كنت فاتحه على الجزيره مباشر وكان فيه حلقه عن اعتصام أوائل خريجى جامعة الازهر لانهم عايزين يتعينوا بس بيقولوالهم لما تيجى درجات ماليه بس هم يد واحده وان شاء الله هيتعينوا لانهم مش هيسكتوا غير لما يتعينوا
المشكله فينا احنا تيجى تكلم زمايلك فى الشغل وتقلهم لازم نعمل حاجه تشوف تراخى وسلبيه غريبه كل واحد مستنى لما غيره يعتصم ويتظاهر ويبعت شكاوى أما هو لأ مشفتش جبن بالشكل ده نقولهم نبعت فاكسات يرفضوا قال ايه خايفين ألا يلغولهم العقد
وعلى فكره ياجماعه البلد دى (قبل او بعدالثوره) مفيش حقوق تيجى فيها بالطريقه الطبيعيه لازم شوية اعتصامات على اضرابات والازهر مستنى الدرجات الماليه اللى هتبعتها وزارة الماليه طيب لو وزارة المالية قالت مفيش درجات هيكون ايه الحل

والله احنا طول ما احنا قاعدين وحطين ايدينا على خدنا مش هنوصل لحاجه سكوتنا ده راحه ليهم طالما مفيش مشاكل مش هيتحركوا ويثبتونا فيه ناس كتير مش قادره تعيش حياتها وكتير فى حياتهم حاجات متوقفه على هذا التعيين ومدش حاسس بيهم

لو يوم واحد بس قدام المشيخه حتى لو الف متعاقد من ال70 الف هيحسوا بوجودنا ويتحركوا ياريت نتحرك قبل ما نندم وقبل فوات الاوان

احنا صبرنا صبر الجمل لحد ما طلعلنا اتب
مجاتش يعنى عاليومين دول لحد الدنيا ماتهدى شوية

متعاقدى الازهر للاسف اثبتوا انهم لايستحقوا التعين لانهم مش عارفين يطالبوا حقهم خليكوا سلبين كده على فكره مفيش حد هيتثبت فى الازهر بدون وقفه حراااااام عليكم فوقوا بقى منتظرين ايه ؟؟؟؟؟؟؟؟؟؟؟

عاوزين 500مدرس يروح المشيخة مين اللى عندة استعداد
1- احمد رسلان منطقة طنطا وبعد التاكد من جدية الزملاء كل واحد يضع تليفونة
2-500
500-1000
بالله عليكم لازم وقفة احنا خلصنا دراسة يعنى اللى حيقول وذنب الطلبة ايه؟ خلاص التربية والتعليم عددهم 4 اضعاف عددنا وكلة اتثبت وحسبوا السنين اللى اشتغلوها بالعقد شفت الرجالة
لازم نفوق من الغيبوبة خلاص

ارجو من المنتدى تثبيت الموضوع لفترة بالله عليكم

هنعمل اعتصام امتى ؟ فى الاجازة !!!!!!!!!!!

يا جماعة نحدد يوم وينزل رقم تلفون ولو كل محافظة 100 يبقا العدد 3000 دى كفاية نضغط بيهم وتكون حملتنا عوزين 100 من كل محافظة رتكون فى ارقام تلفونات علشان نضبط معاهم ارجو الضغط

والله حتى لو كان فيه اى اعتصام برضة مفيش حد هيثبت فى الازهر
الكلام ده يا اختى عايز رجالة واللى حصل من غالبية المتعاقدين بالازهر يدل على العكس تماما وده كلام عن خبرة مسبقة ومتعددة اكثر من مرة وهم لا يستحقوا ان الانسان يتعب علشانهم وهم نايمين بيتفرجوا علينا وعلى اللى هيحصل

لازم نكون احنا احسن من اللى حيناموا فى البيوت لاننا سوف يكون لنادور ايجابى فى التثبيت واللى عايز ينام ملش دعوة بالموضوع ولا يعلق

يئة البريد تصدر قراراً تثبيت ٥٧٣٧ موظفاً مؤقتاً
الاثنين، 16 مايو 2011 - 15:53
المهندس طارق السعدنى الرئيس التنفيذي للهيئة القومية للبريد
كتبت هبة السيد

صرح الدكتور طارق السعدنى، رئيس مجلس إدارة البريد في مؤتمر صحفي اليوم بمقر الهيئة بالقرية الذكية، أنه وقع قراراً بتثبيت ٥٧٣٧ موظفا مؤقتا يعملون بالهيئة من اجمالى العمالة المؤقتة، منهم ٢٥٧١ من حاملي المؤهل العالي و٢٠٤٧ من حاملي المؤهل المتوسط و٤٦٢ من الأقل من المتوسط، فضلا عن موافقة وزارة المالية أمس على تثبيت ١١١٣ من خريجي كلية التجارة شعبة بريد وما قبلها.
جريدة اليوم السابع 16/5/2011
كل العاملين أخذت حقوقها إلا معلمين الأزهر السبب في ذلك انتم



حتى بتوع البريد اتثبتوا امس ويقللنى ورقكم لسة فى التنظيم والادارة كفاية نوم