الدرس الرابع : الدرس الأول في التصميم للمبتدئين
 

كلامنا النهارده من ناس خبرة مش اقصد نفسي بس اقصد ناس قريتلهم و ناس اتعلمت منهم التصميم و نبدأها بالتنويه علي الاخطاء اللي بيقع فيها المبتدئ عند التصميم طبعا مش هنقدر نقولها كلها عشان هيا كتير بس متقلقش يعني هيا هتيجي معاك واحده واحده بالممارسه و التصميم و النقد و الحاجات دي

في الأول طبعا كلنا أول ما فتحنا الفوتوشوب عملنا ايه

فتحنا عمل كبير و رحنا كاتبين اسامينا بخط كبير و طبقنا عليه استايل ضخم بشكل غير طبيعي !! مش مشكلة خالص فدي لازم في الأول عشان تقدر بعد كدا تتعامل مع الليرات و الطبقات و نظام التحكم

لما بتفتح الفوتوشوب و انت مش عارف إمكانياته و تيجي تلاقي تصميم علي النت و صاحبه بيقول انه عامله علي الفوتوشوب تيجي تقول في نفسك ايه ؟ يا خبر ابيض الفوتوشوب فيه الإمكانيات دي يا لهوي طيب ده انا مش عارف اي حاجة في اي حاجة ؟!!
لا ومش كدا و بس ده زي ما قولنا في الأول كل آداه بتشمل كذا اداه و بعدين الفوتوشوب مش مجرد الكام اداه اللي قدامك دول ده الأداه كوكب و لكل كوكب اقمار و كل دول ينتموا لمجره و حوارات كتيرة .. طيب هقولك الفوتوشوب شبه ايه تاني ؟

الفوتوشوب عامل زي باليتت الوان ميه مش انت عندك ست الوان او ثمن الوان في العلبه بس تقدر تعمل منهم الوان لا حصر لها بالدمج و ابداعك انت الشخصي

اهوه الفوتوشوب كدا بالظبط

بس عايز اقول حاجة يا جماعه مهمه جدا جدا
""اتعلم معايا للآخر بس بعد ما نخلص بإذن الله لو حسيت في نفسك انك مش قادر تبدع سيب المجال ده و متعطلش نفسك عشان هتتعطل و خلاص""
وفيه حاجة كمان لو قابلت مصمم و شوفت حاجة في تصميمه .. مفيهاش حاجة لو طلعت ورقه و قلم و كتبت الفكره .. انت مش بتشوف الفنانين بيمشوا بدفتر وكل ما يجي علي بالهم فكرة بيرسملها رسم مبدأي وبعدين يبقي ينفذها بعدين .
اهوه انت اعمل كدا برده مش هتخسر حاجة ده انت هتستفيد استفاده كبيره جدا

س : ازاي ابدأ التصميم ؟
ج : الأول و زي ما قولتلك قبل كدا عليك تعرف آليه العمل او نظام الشغل في الفوتوشوب ازاي
يعني زي ما احنا قولنا الطبقات هيا اساس كل حاجة .. لان لو كل حاجة علي بعضها مش هتعرف تعمل حاجة

يعني مثلا مجموعه من الناس عندهم مشاكل مختلفه و انت عليك تحلها هتيجي تطبق حل عليهم هينفع لناس و مش هينفع للناس التانين و هكذا طيب و ليه ياعم ما انا اخد كل واحد لواحده و اشوف ايه مشاكله و احاول احلهاله
او الفوتوشوب برده كدا
بياخد كل طبقه لوحدها و يتعامل معاها معامله خاصه يعني طبقات النصوص غير طبقات الاشكال غير طبقات القناع الدمجي غير طبقات الباث و كدا يعني

س :طيب انا بعرف ارسم علي الحقيقه ياتري الحكايه دي ممكن تفيدني ؟
ج : كدا تمام اوي علي فكرة انك تكون فنان علي الحقيقه ده شئ هيساعدك جامد جدا
بس الأول عايزك تتحكم في الماوس وبعدين نبدأ نتعلم تقنيه الباث اللي هتنفعك في المجال ده وفيه برنامج اسمه Pen Mouse دور عليه و اتدرب عليه هيمكنك انك تستخدم الفرش استخدام كويس و تبقي فنان في الفوتوشوب .

يا حلولى يا حلولى ايه الحلاوه دى ايه الطعامه دى ايه اللى بيحصل ده ايه اللى انا شايفه ده

رااااااااااااااااااااااااااااااااااااااااااااااااا اااااااااااااااااااااااااااااااااااااااااااائع يا احمد

بجد مش ممكن الاقى دروس زى دى فى اى منتدى تانى كفايه انها بالعميه وتحشر المعلومات فى الذاكره الذهبيه بقى

دخلنا فى الجد ومستنين بقى باقى الدروس ومتتأخرش علينا

يا ميدو يا جامد;)
ايه يا كوتش الدروس الجامدة دى
درس خصوصى لحد الكمبيوتر بتاعى:D
وكمان المستر هو اللى بيسال ويجاوب:)

بجد اسلوبك روعة يا ميدو
يلا كمل بقى عايزين نعرف نعمل اى حاجة بدل ما انت حاطط التوقيع بتاعك ده عشان تغيظنا بيه :(:(
بكرة ميدو هيعلمنى ازاى اعمل زيه وهغيظك:p:p

بارك الله فيك

هههههه حلولي ايه يا ايمان و انا فانوس ههههههه ربنا يسامحك
من عنيا ان شاء الله انا بجهز الدرس اللي بعديه عشان قربنا علي شغل التطبيق

يا خبر ابيض و منقط بألوان فوشيك و بنفسجي
مين اللي هنا ده الدكتور نور حسني
منورة يا قمر
تحت امرك يا نونا من عنيا الاتنين

شرف كبير اوي ليا ان استاذ فاضل يرد علي موضوعي و يعجبه

ربنا يخليك يا استاذ محمد

بجد نورت الموضوع

انا اسف علي التأخير يا جماعه بس عندي مشكلة في الفوتوشوب
هيتم وضع الدرس التالي في خلال يوم او يومين بالكتير

لا ولا يهمك يا احمد وربنا يقوم الفوتو شوب عندك بالسلامه

هههههههههههه اتريقي علي فوتوشوبي كتير
يابنتي كتر خيره
فيه حد يشتغل بادوب فلاش
و ادوب السترايتور
و ادوب ايمج ريدي
و بعض البرامج المساعده
بالاضافه اللي الفيجول بيسك
ههههههههه من حقه ينتحر
مش هوا بس
الجهاز كله
منورة يا ايمي و يارب تكون الدروس بتفيدك

أحمد رضا
 

مشكور يا ابو حميد علي المجهود

مشكـــور جدا جدا جدا جدا

و مستنيين الدرس الخـامس على احر من الجمر

تقبل مرورى

بصراحة المصمم لازم يختار ألوانه الأول قبل ما يعمل أي حاجة
واختيار الألوان يجعل للوحة الفنية شكلاً جميلاً ومذاقاً خاصاً