مكافأة لاغضاء الكنترول لسنوات النقل
 

اي مكافأة معظم من يدخل الكنترول يدخل للهروب من المراقبه والتصحيح يا صديقي العمل كله واحد والكل يكمل الاخر

مش بس كده بيهربوا من التصحيح وكمان احنا الملاحظين والمصححين شيخة المعهد بتجبرنا ان نساعدهم فى رصد الدرجات للاعلان عن النتيجه



وان كان عجبك!!!!!!!!!!!!!!!!!!!!!!!!!!!!!!

الكل يعمل و يجتهد .... و من يطلب منه أي عمل في وظيفته عليه القيام به... و نرجو من شيخ الأزهر رفع مستوى المعيشة للمعلمين و زيادة رواتبهم و حوافزهم من خزينة الأزهر ... حتى يتسنى ارتفاع شأن الأزهر .... و الإسراع بعملية الإصلاح الشامل

حرااام
 

حرام عليكم يا جماعة :o

أنا رئيس كنترول من 10 سنوات

ومخنوووق :(

وأتمنى الهروب من الكنترول الى الملاحظة والتصحيح !


العمل فى الكنترول مسئولية جسيمة يعاقب بشدة من يخطئ ولا يثاب المجتهد المخلص

وهو مثل الانتاج فى المصنع لا يمكن تأخير أعماله أو تأجيلها

فهل يمكن مثلا تأخير ارسال أوراق الاجابة الى مركز التصحيح لليوم التالى !


ان من يلاحظ على اللجان يلاحظ مرة ويستريح مرة

ومن يذهب الى التصحيح يذهب يوم ولا يذهب عدة أيام

أما عضو الكنترول فيعيش فى حالة طوارئ وعلى أعصابه كل يوم

عينيه فى وسط رأسه يتابع كل شئ وأى شئ

سير الامتحانات - الرصد - الأرقام السرية - انتقادات الموجه الزائر

انها دوامة ! :wacko:


وبخصوص كتابة النتيجة فيجب أن يتعاون فيها جميع المدرسين

لأن عدد الطلاب كبير جدا ويستغرق وقتا كبيرا جدا اذا اقتصر العمل على أعضاء الكنترول


وبخصوص مكافأة من يعمل فى الكنترول فهذا أمر يجب أن يحدث

وعندما كنت فى الدورة التدريبية فى ميامى فى الاسكندرية

ألتقينا بمدير عام الامتحانات بالأزهر فى احدى المحاضرات

وطلبت منه صرف مكافأة جنيه واحد لأعضاء الكنترول

فضحك وقال الكل يعمل فقلت له معظم المدرسين يتهربون من أعمال الكنترول

فقال سوف يتم تكريمهم بأن نجعل أعضاء كنترول الشهادة من بينهم


وأنا أدعو من يقول ان العمل فى الكنترول هروب من الملاحظة والتصحيح

أدعوه أن يهرب بدلا منا

يا عزيزىالكنترول عندنا عبارة عن محسوبية اللى يدخله الحبايب وبس الناس اللى دمهم تقيل زى حلاتى كده ما يدخلوهوشى ولا هيدخلوه طول ما العميدة دى موجودة والله العظيم فيه ناس عندنا كسا الشيب رءوسهم وما يعرفوش ايه هى اعمال الكنترول وده اللى بيخللينى ساكتة يعنى انا احسن من مدرساتى الكنترول عبارة عن بوفيه على عربية اطفال نظرا لان فيه زميل وزميلة متجوزين وهم وعيالهم اساس الكنترول--------------ده غير ورق الاسئلة اللى ييجى متبدل وورق الاجابة اللى ييجى مرة بالزيادة ومرة بالنقص هنقول ايه كان الله فى العون

لمن يقول أن من يدخل الكنترول هربا من المراقبة والتصحيح وتصور له نفسه ان الكنترول راحة سؤال واحد
لماذا لا يشارك هو فى هذه الراحة على حد قوله ؟
دائما ما سمعت هذه الكلمات من بعض المدرسين بالمعهد وعند عرض هذا القتراح عليهم يتعللون بشتى العلل حتى لا يدخلوا الكنترول
هل يعمل المدرس الذى لا يدخل الكنترول من الساعة 8 صباحا حتى بعد ذهاب جميع المدرسين لوحسبنا عدد اللجان التى يدخلها كل مدرس فى الدور الواحد لا يتعدى الواحد منهم 20 لجنة يعمى حسابيا حوالى 30ساعة خلال الامتحانات كلها ثم ما هو المجهود الجبار الذى يبذله الأخوة المراقبين فى اللجان
وانا لا أقصد اى تقليل من عمل أحد ولكن ليعلم كل شخص مسؤلية الآخر ويقارن بين ما يفعله وبين مايعترض عليه وفى النهايه أرجوا اغلاق هذا الموضوع الذى ليس له صلة أصلا بتطوير العملية التعليمية

يا عنى احنا بدل منتحد مع بعض ريحين ننتف فى ريش بعض (رئيس كنترول)

بصراحه يا جماعه شغل الكنترول فى الازهر خصوصا محتاج مكافات كتير اوى

وزى ما قال الاستاذ عوض
فهو بجانب الارهاق والتعب فهو حمل نفسى وعصبى رهيب ويا ريته اسبوع وننفض

دا 3 اسابيع وانت غرقان فى مش بيخلص اللى بعد اعتماد النتيجه من المنطقه

وفعلا فى ناس كتير من مدرسى المعاهد بيهربوا من شغل الكنترول

وبالنسبه لفكرة صاحب الموضوع انا اعتقد لو فى مكافاه الناس هتموت بعضها علشان تدخل الكنترول

وشكرا

والله ياريت الناس تدخل الكنترول وتجرب الراحة اللى فيه ويخرجونا نتعب فى اللجان والتصحيح
الناس قاعدة فى بيوتها أو تيجى المعهد تشرب شاى وتقول كلام واحنا بقالنا اسبوعين مطحونين تجهيز للامتحانات ولسه ...............

خالص الشكر لجميع الزملاء الافاضل الذين شاركوا بالردود سواء منهم من اتفق معى فى الرأى او اخنلف
واعترف بأن المعلم لو لم يفعل شيئا غير اخلاصه فى توصيل المعلومه اثناء الحصه فهو يستحق حياة كريمة ومنزلة عاليه والتمس العذر للاخوة الذين لابقدرون مدى الجهد والعناء والمسؤلية التى يتحملها اعضاء الكنترول بالمعهد ورئسه وذلك لانهم لم يشار كوا باعمال الكنترول بالمعهد من قبل وكل من شارك فى اعمال الكنترول باخلاص وحرص وامانه يقدر ويعرف مدى هذا الجهد
ولدى عتاب رقيق على بعض الزملاء الذين يسفهون او يقللون او ينكرون جهد بعضهم البعض فكلنا فى العمل سواء وللنظر الى اى عمل يسند الينا بانه تكليف لاتشريف
وجزاكم الله خيرا