|
هلّ خلافك يا رمضان!!!!
السلام عليكم ورحمة الله وبركاته
كل عام وأنتم بخير رمضان ذلك الضيف الكريم على الأبواب ولكن فى كل مره يأتى فيها هذا الضيف العزيز على قلوب كل المسلمين نجد أزمة رؤية الهلال تسبقه الازمه ليست فى قلة المراصد فى العالم الإسلامى وليست فى قلة علماء الفلك أو علماء الدين الأزمه فى الحقيقه هى فقدان المسلمين لكلمه مهمه جدا من قاموسهم الوحده الوحده التى تلاشت منذ سقوط دولة الخلافه فى عشرينيات القرن الماضى وأخذت تتلاشى شيئا فشيئا حتى سقطت تماما من كل مجالات حياتنا حتى فى رؤية الهلال!!! مهازل تحدث كل عام ... وأحاديث أن دولة كذا أخطأت فى حساباتها وأنها قدمت رمضان يوما ... وأحاديث مضاده عن أن الدوله المذكوره على صواب فى رؤيتها وان اللى يقول غير كده هو اللى مابيشوفش كويس !!! بالله عليكم هل هذا يرضى الله ؟؟؟؟؟!!!! أمة تشترك معظم دولها فى جزء من الليل لا تستطيع أن تتوحد فى كلمه بسيطه ... شوفنا الهلال ولا ماشوفناش !!! أمة لا يستطيع المسؤلون فيها الوفاء بوعد قطعوه على أنفسهم بإطلاق قمر صناعى لإستطلاع الهلال وحل أزمة كل عام !!! أمة سبقتها الأمم فى رؤية مجرات أخرى تبعد عنا آلاف السنوات الضوئيه واحنا مش عارفين نشوف الهلال اللى فوقينا يدوب بكام ألف كيلومتر!!! المضحك المبكى أن السعوديه قررت هذا العام أن تستطلع هلال رمضان غدا الاثنين الموافق 28 من شعبان!!! والخبر مش جايبه من عمود صدق أو لاتصدق فى جريدة الأهرام لا ده نشر فى العديد من الصحف اليوميه الصادره اليوم تقدر تشوف الخبر هنا http://www.alarabiya.net/articles/2007/09/08/38857.html مع ان كل الحسابات الفلكيه بتؤكد إن شهر رجب فعلا كان 30 يوم واننا كده ماشين صح !!! لكن ازاى نعدى موسم الأزمات (اللى هو من المفترض انه موسم الرحمات) لازم نفتكس حاجه جديده السنه دى الجديد بقى السنه دى ان شعبان ممكن يكون 28 يوم فى المملكه العربيه السعوديه ومن يقتنع بكلامها من بقية الدول !!! تفتكروا ايه المخرج للحاله المزريه اللى احنا فيها دى ؟؟؟ وايه السبب المقنع من وجهة نظركم ان الدول العربيه على الأقل ( لانها بتشترك كلها فى جزء من الليل) ماتتوحدش فى رؤية الهلال ؟؟؟ منتظر آرائكم وكل سنه وانتم طيبين |
أنا بقول إن المشكلة إن أنا حاسس إنك إنت مش خالد
مش كده برضه :confused: |
انا نفسى افهم هو احنا محتاجين المراصد الفلكيه والحاجات دى كلها ليه زمان أيام سيدنا محمد عليه أفضل الصلاه والسلام كانو بيعرفو منين هتقولى الوحى طب بعد ما توفى كانو بيعرفو منين يا عم المسأله إن معدش حد مدى إهتمام وكل دوله ماشيه بمذجها |
وحى ايه يا عم سادات ارحمنى يرحمك الله
الرسول بيقول" صوموا لرؤيته وافطروا لرؤيته" ايه علاقة الوحى بالمسالة... ============================== صلاح حديد قلبى زى ما بتوق لبالظبط انا مش خالد انا واحد شبهه من بعيد:) |
يعنى هى الحاجة دى اللى مش هيختلفوا فيها كل الدول العربية مختلفة مع بعض فى القوانين وفى التشريعات والاحكام يعنى كل دولة بتقول انا ومن بعدى الطوفان وربنا يستر علينا وشكرا للموضوع |
الحل الوحيد ان تكون رؤية الهلال موحدة يعني يجتمع علماء الفلك في يوم الرؤيا واذا ر\اوها صامت كل الدول على ذلك
شكرا ليك ياخالد لطرح تلك القضية |
اقتباس:
منتش فاهم قصدى أنتا قصدى غن كلها حجج يعنى إحنا دلوقتى وإحنا فى قمه التطور وتايهين أمال زمان كانو بيعملو ايه |
فعلا يا اساداات
ماشين بمزاجهم ما علينا شكرا للخبر خالد |
والله يا اخي احنا هنا في مصر بنمشي تبع الفلكي
و حتى لو في مصر هنا حاولوا يشوفوا الرؤيه مش هيعرفوا يشوفوا حاجه من التلوث و السحابه السودا و البلاوي دي اللي انت عارفها فاعذرهم يعني و عارف السنه اللي فاتت حصلت حاجات غريبه رمضان و شعبان و شوال 30 يوم ازاااااااااي يعني ذو الحجه المفروض يبقى 28 يوم بقى و ذو الحجه 27 والله الناس دي غريبه اوي شكراً للموضوع |
| جميع الأوقات بتوقيت GMT +2. الساعة الآن 05:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.