|
ظاظا رئيسا للجمهورية
السلام عليكم امبارح كنا قاعدين انا ووالدى ومحمد اخويا قدام التلفزيون وانا بقلب لقيت اخر جزء من فيلم ظاظا رئيس للجمهورية اللى هو كان بيتخذ فيه قرارات لما بقا الريس وهاقلكم عليها عزل كل الوزراء ومعاقبتهم على الفساد والغاء كل المعاهدات الدولية مع اسرائيل وكمان شرا نووى وبقا عندنا نووى احنا عندنا نووى الله حلم جميل هو اصدر قرارات تانية بس دول اهم ما فيهم بس يا خسارة هو اتقتل فى الاخر دا طبعا طبيعى المهم دا مش موضوعنا بعد اما خلص الفيلم سألت سؤال هل ممكن دا يحصل فعلا؟ رد والدى وقال مستحيل بدون تعليق ومحمد اخويا رد وقال ممكن بس لما مصر يبقى فيها راجل بس راجل مصر عاوزة راجل فى الحقيقة انا من رأى والدى لان ما اعتقدش ان الراجل ده موجود هل ده ممكن يتحقق فعلا ولا مستحيل؟ انا قولت رأيي ومستنية ارأئكم فى رعاية الله واتمنى تفاعلكم |
سنة 2050 .. حتمال تكون فيه امرأة ولدت رجلاً .. ام لذلك الوقت فالنساء و الرجال واحد
|
انا كمان شفت شويه فى الفيلم وقلت لازم اكمله للاخر مع ان مش عندى وقت
بس استفزنى شخصيه الريس فى الفيلم الشخصيه مش متراكبه مع بعضها اولا جاى انسان سطحى منعدم الثقافه (فى اجزاء كتيره من الفيلم ) وبعدين اخد قرارت جديه فى اخر الفيلم بالرغم من عدم التوافق فى شخصيه ظاظا الا ان فعلا القرارات اللى اخدها فى الاخر احنا فى امس الحاجه ليها واغتياله فى الاخر كان متوقع !! |
ممكن يحصل وقريب كمان
لو احنا قررنا نتغير بجد مش كلام شعارات وخلاص مصر كلها رجالة لكن شغل الارهاب والاعتقال اللى بيحصل هو اللى بيخلي الناس تخاف شكرا ع التوبيك موضوع فعلا جميل |
شكرا ليكو جدا على المرور الاكثر من رائع
انا عارفة ايه الخطة اللى ما شية فى البلد جوع الناس علشان ما تقدرش تتكلم الا عن اللقمة الناس هنا مابيدوروش الا عن لقمة عيشهم يخافو يتكلمو فى حاجة تانى يروحو ورا الشمس وساعتها محدش هاينفعهم هى دى الخطة بالزمة مش خطة استراتيجية رهيبة دا امريكا وصل بيها الحل انها ترمى القمح فى البحر وماتصدرهوش لينا علشان ما نقدرش نفتح بقنا الله معنا |
اقتباس:
انا مش بتكلم عن الشخصية نفسها تناقض بقا مش تناقض دى حاجات فنية انا بتكلم عن القرارات اللى اخدها وبتخيل لو اتحققت فعلا |
اقتباس:
السلام عليكم سيداتى سيداتى لان لحد دلوقت ما ظهرش رجالة مرسى لمرورك |
اقتباس:
بس انا خلاص فقدت الامل والله العظيم خيفة اموت ومصر لسة على حالها واكيد ده هايحصل لان مبارك وجمال واحد وشكرا لمرورك نورت التوبيك |
لمل يبقى اكلنا من ايدنا يبقى نملك قرارنا ومحدش ليه عندنا حاجه
|
بس امتى ده هايحصل
مشكورة على المرور |
انا كنت متوقعة انى اشوف اراء كتير
بس للاسف محدش عارف يجاوب على السؤال هوصعب للدرجة دى؟ |
مش عايز أرد عشان ما يجلكيش انهيار أو احباط بسبب كلامي.
لكن فيه تساؤل موضوعك ده ورأيك فيه - موضوع علمتني أمريكا ورأيك فيه |
اقتباس:
وبعدين خلاص انا احدت على الكلام ده وبالنسبة لموضوعى ده انا بتكلم فيه على الحكام مش الشعب انما هناك بنتكلم عن الشعب واللى هو مصر وانا قولت رأيى هنا بصراحة لان الحكام لايمثلو مصر ابدا بالنسبة ليا وشرفت الموضوع بمرورك العطر وفى انتظار رأى حضرتك وبدون مجاملة |
والحكام دول مش مصريين؟!!
الوزراء وكبار المسؤلين مش مصريين؟!! رجال الأعمال اللي واكلين البلد مش مصريين؟!! الموظفون المرتشون في كل مكان في البلد مش مصريين؟!! طلاب الجامعات اللي كل همهم اصطياد البنات أو اصطياد الشباب مش مصريين؟!! طلاب المدارس اللي تعليمهم وسلكوهم خطأ مش مصريين؟!! لاعبين الكرة اللي بياخدوا ملايين عشان يلعبوا مش مصريين؟!! الفنانين والفنانات اللي الواحد مبقاش عارف اساميهم من كترهم مش مصريين؟!! المطربين والمطربات والراقصات وهوس غالبية الشباب عليهم مش مصريين؟!! الأطباء , المهندسين , المدرسين , المحامين , ....... معدومي الضمير وما أكثرهم مش مصريين؟!! الأباء والأمهات اللي اتخلوا عن دورهم في التربية السليمة مش مصريين؟!! مرتادي الكباريهات والأماكن المشبوهة وما أكثرهم مش مصريين؟!! التجار وأصحاب المحلات اللي بيزودوا الأسعار كيفما يحلو لهم مش مصريين؟!! وغيرهم كتير اوي .... يبقي باقي مين من الشعب المصري؟!! مجرد أقلية لا تستطيع أن تغير من أمرها شيء !! يبقي احنا منتظرين اللي يحكمنا يبقي كويس ازاي؟!!! نقطة أخيرة قرأت رأيك في موضوع " ايه أكتر مشكلة يواجهها الشباب في مصر ؟" وكان ردك هو " انه مش لاقي نفسه في بلده " وانا موافق , بس تفتكري هو ليه مش لاقي نفسه ؟؟ يعني العيب فيه ولا في حاجة تانية وحاجة تانية دي انتي فاهمة أنا أقصد ايه بيها . دا بس عشان خاطرك محبتش اجيب سيرة " ماما "!! |
اقتباس:
ومرسى لمرورك وتقبل رأيى |
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.