أفضل كلبات الطب في مصر
 

السلام عليكم ورحمة الله وبركاته

في الأول جايز تفكروا إن التوبيك مكرر لكن أنا ملقيتش غرضي ف التوبيك اللى شبه التوبيك اللى عملته ده .

أنا الحمد لله خلصت شهادة معادلة والنتيجة طلعت امبارح وجاتلى طب الإسماعيليه وأنا ف الحقيقه كتبت

المنصوره أول رغبه.

عندي لو سمحتوا استفسارات كده بعد إذنكوا لو تردوا عليها .

الأول : 1- هيل ينفع أحول طب المنصورة من سنة أولى ؟

2- هل طب الإسماعيليه كويس من ناحية : المواد ، الداكتره ، التقدير ، الشهادات الحاصل عليها

3- هل فعلا فيه صعوبات في طب المنصورة ولو فيه ايه هيا ؟

وشكرا :)

انا خايف اقوللك حاجة مش متأكد منها

انا سمعت والله اعلم ان طب اسماعيلية مستحيل تحول منها مهما كانت الظروف

اللي قاللي كدة واحد دكتور كبير لما كنت برتب رغباتي

قاللي خلي طب اسماعيلية اااخر طب

والحمد لله جالي كايرو


وتقريبا كلامه صح لان الاسماعيلية الكلية الوحيدة اللي بتدرس بالاميريكان سيستم

وفي موضوع عنه في القسم الطبي


والف مبروك وربنا يوفقك

ف الأول الله يوفقك يا دكتور وربنا يكرمك يارب وشكراُ على الرد ..
بس دي معناها انها مشكلة كبيرة كده ؟!
طب هل الأمريكان سيستم ده أحسنلى ولا مش أحسنلى ؟
يعني أحسن من النظام المصري ؟
وبعد إذنك انا ملاقيتش الموضوع اللى حضرتك بتتكلم عليه اللى موجود في القسم الطبي ؟
اسمه ايه الموضوع معلش ؟
شكرا جدا وكل عام وانت بخير :)

ما هو الامريكان سيتم .....ده اسم الموضوع
انا رايح تانيه طب اسماعيليه وشرحت كل حاجه عن طب اسماعيليه وهتلاقي فيديو كمان

شكرا على المعلومات

بصي يادكتور ياريت ماتفكرش في طب المنصورة لو بتتكلم على المناهج والكتب والامتحانات والنظام العام
لانها ببساطة اصعب كلية في مصر واسال مجرب
أما لو قصدك الدكاترة فدكاترة طب المنصورة ربنا يخليهم لنا مفيش اطيب ولا اظرف منهم ولحد الوقت محصلش انه دكتور زعل طالب او اهانه
لو عاوز تحول يبقى طب عين شمس لانه سهل والامتحانات سهلة وكتير جدا بيجيبو امتياز

طب عين شمس سهل
هههههههههههه أضحكتني يا فتى
ده من أصعب كليات الطب في مصر ان لم يكن أصعبها
على فكر المنصورة أنا أعرف ناس متبر فيها بيجيبوا امتياز قلي بس كام واحد عندكوا جايب امتياز
ينفع تحول من طب الاسماعيلية بعد سنة تالتة بس

شكرا على المعلومات وأنا عندي رأيي الخاص

كل كلية هتواجه صعوبة خاصة بها مفيش حاجة سهلة ، وكمان ف نفس الوقت مفيش حاجة مستحيلة وصعبة :) شكرا ع الردود

أفضل كلية ... سواء كانت طب او غير طب هي الكلية الي نقدر نثبت نفسنا فيها و نقدر نتفوق على نفسنا فيها ... ونحقق الي بنحلم بيه فيها