ايه رايك في عمل المرأة خارج منزلها ؟
 

السلام عليكم
النهاردة كنت عايزة اناقشكم فى موضوع كدة
يا ترى ايه رايكم فى عمل المراة يعنى مؤيدين ولا معارضين وايه الاسباب
خصوصا لو كانت طبيبة
وايه رايكم كمان فى دخول البنت كلية الطب
ارجو التفاعل

انا من رائى عمل المرأه عادى جداااااا

وعادى لما تدخل كليه الطب لاننا محتاجين نساء هى اللى تكشف علينا مش رجاله

بس المرأه تخرج بزيها الشرعى وبحترامها

اكيد طبعا بنايد ده كلنا

بدليل ان في فتوى او بمعنى اصح استطلاع بيقول

هل تذهبين الى الطبيب حتى في حالة وجود طبيبة

يعني معنى كده من الافضل الذهاب للطبيبة

صح

يبقى دي حااااجة ضرورية مش بس مباحة لا

دا لازم

شكرا ع الطرح المفييد

جزاكم الله خيرا ع التفاعل والاراء الرررائعة

انا ارفض ان اتزوج طبيبة الا ان كانت تخصص نساء وولادة او علاج طبيعي للانثى فقط

وارفض انها تبيت برة البيت

وغالبا هجوز صيدلانية تفتح صيدلية وتقعد في البيت تربي الولاد

يا اخ وجدان انا مش قصدى من الموضوع العضو موافق يجوز طبيبة ولا صيدلانية
انا قصدى راى العضو فى عمل المراة بوجه عااام وخصوصا لو طبيبة
جزاكم الله خيرا

انا فاهم حضرتك

وانا بينت دة

انا رأيي اني ارفض شغلها برة الا ان تكون طبيبة نساء وولادة فقط لا غير

اكيد طبعا اؤيد
لان حتى ايام الرسول عليه الصلاه و الرسلام كانول بيأخذوا النساء الى الغزوات لتطبيب الجرحى
و اكيد مجتمعنا الاسلامي بيرجح وجود طبيبه عشان برضو النساء المسلمات ميكشفوش عند كتور اجنبي الا للحاجه القصوى
و على فكره يا دكتور
مفيش دكتوره بتبات بره البيت و حضرتك اكيد هتتخرج في يوم من الايام و هتشوف بنفسك
انا مش بقول كده تدخل فقط انا بقول كده لان عيلتي رجاله و ستات دكاتره
و فيه منهم رؤساء اقسام في مستشفيات و بحضر كتيير وضع جداول للقسم و بلاقيهم شايلين البنات (( النائبه ))
في الاوقات المتاخره و بيحطوا بدالهم الدكاتره الرجاله
كما ان الطبيب المقيم هو الي بيكون مقيم في المستشفى احيانا و برضو البنات بيتشالوا منها

انا بس بقول رايي و الي انا شايفاه في حياتي ... و يا ريت تتقبلوه بصدر رحب

بيتهيقلك والله يا دكنورة

دي حصلت مشكلة عويصة في بلدنا بسبب ان كان في طبيبات ترفض البيات وكلمهم اتفصلو بقرار من السيد المحافظ وكانت مشكلة كبيييييرة جدا

و الله يمكن كل دكتور و ضميره
طب هنروح بعيد ليه اقرب مثال امي ربنا يحفظها دكتوره و بتحط جداول القسم زي ما قلت لحضراتكم
و دايما بتحاول تشيل البنات و بيبقى فيه تعاون من الجميع بصراحه
حتى الدكتور الي بيدرس اختي في الجامعه بيقول للدكاتره الرجاله لما تتخرجوا
تستحملوا و تنزلوا نبطشيات بليل عشان البنات
بس معرفش يمكن زي ما قلت الضمير بقى بيختلف

مااااشى يا طالبة بس بعد صلاة التراويح باذن الله

يلا يا جماعة قوموا علشان تصلوا
السلام عليكم