بوابة الثانوية العامة المصرية

نسى اللى فات من دنيتك.......................واركب حصانك
واوعى الدنيا تركبك خليك كدة.....................سيد قرارك
ارجع لعقلك
وحب قلبك
لكن اوعى فى يوم يا صاحبى..............تعوج لسانك
(((((((((((((((((((((((((((((((((((((((((((((((((( ((((((((((((((
اول طريقك يوم ما صرخت وقلت .....وااااااااء
كانت عينيك ترسم طيورك طايرة بحب ....فى السماء
سنتين تلاتة وجوه حضن الام عايش..... فى احتواء
)))))))))))))))))))))))))))))))))))))))))))))))))) )))))))))))))))))
وسط الطريق تلقى نفسك جوة بيتك
مع زوجتك هنية
مين هنية؟
بنت خالك بنت عمك قريبة امك من بعيد
معدتش فارقة ما هى هى
كل يو م وهنية بتصحيك من النوم
قوم يا راجل يالا شغلك يالا قوم
ويوم اجازتك تللقى ريحة هنية توم
ولما تبقى عايز تعيش لحظة شجن
بعد اسبوع المحن
تلقاها عمالة بتغسل فى الهدوم
مين هنية؟
بنت خالك بنت عمك قريبة امك من بعيد
معدتش فارقة ما هى هى
)))))))))))))))))))))))))))))))))))))))))))))))))
شوية وتلاقى هنية
مالية بيتك بالعيال
والعيال مادين ايديهم
من الفلوس عايزين شوال
الكبير مادد ايه..علشان دروس الاستاذ
والوسط فاتح ايديه..للمدرسة هيجيبوا لشبابيك ازاز
والصغير نفسه فى صورة
ويحطها جوة البرواز
وهما دول ولاد هنية
مين هنية؟
بنت خالك بنت عمك قريبة امك من بعيد
معدتش فارقة ماهى هى
(((((((((((((((((((((((((((((((((((((((((((((((((( (
وفى نهاية طريقك.....ااااااااااااااااااه
صرخة هنية على جوزها اللى مات
هنية تندب عمرها
وبايه يفيد الندب عالعمر اللى فات
وانت سامع جوة كفنك كل شئ
اصل انت برضه نادم
على الطريق
والجنازة فى المقابر
والحياة خلاص تضيق
واخر شئ سمعاه ودانك
صويت هنية
مين هنية؟
بنت خالك بنت عمك قريبة امك من بعيد
معدتش فارقة ماهى هى
)))))))))))))))))))))))))))))))))))))))))))))))
ااااه ....صرخة تطلع لما تصحى بعد حلم
ترمى الغطى تفتح ستاير وللهوا عمال تشم
تخش امك ...ابنى مالك
كابوس اكيد اهوا راح ياغم
اصلى جاية بالبشاير
فى الليلة دية
بشاير ايه؟
احنا قبنالك عروسة من القرايب
اسمها هنية
مين هنية؟
بنت خالى بنت عمى قريبتك يا امه من بعيد
معدتش فارقة
اهى جاية جاية
()))))))))))))))))))))))))))))))))))

محمد عبد الوارث
18/8/2010