|
شحاته يستبعد ميدو .. ويستقر على 23 لاعباً فى قائمة المنتخب لأمم أنجولا
أستقر المدير الفنى للمنتخب الوطنى حسن شحاته وجهازه المعاون على قائمة المنتخب التى ستخوض بطولة كأس الأمم الافريقية "أنجولا 2010" فى الفترة من 10 يناير إلى 31 من نفس الشهر .
وقلص حسن شحاته قائمة الـ32 لاعب المختارة مسبقاً إلى 23 لاعب هم قائمة المنتخب التى ستخوض البطولة الافريقية دفاعاً عن اللقب . وقام حسن شحاته بإستبعاد 8 لاعبين جاء على رأسهم أحمد حسام ميدو نجم المنتخب ونادى الزمالك فى مفاجأة لم يتوقعها الكثيرون . وأستبعد شحاته 7 لاعبين أخرين غير ميدو وهم أحمد عادل عبد المنعم , و شريف عبد الفضيل , وحازم امام , ومحمد شعبان , ومصطفى شبيطة , ووليد سليمان , واحمد سمير فرج , هذا بالأضافة إلى سابق إستبعاد محمد أبو تريكة للأصابة قبل مباراة مالاوى . وسيخوض منتخب مصر فترة معسكر مغلق فى الأمارات يخوض خلالها مباراة ودية أمام منتخب مالى إستعداداً للمنتخب النيجيرى والذى سيلاقيه فى إفتتاح مباريات المجموعة الثالثة يوم 12 يناير . وإليكم القائمة التى أعلنها الجهاز الفنى للمنتخب الوطنى ... حراسة المرمى : عصام الحضرى و عبد الواحد السيد ومحمود أبو السعود . دفاع : وائل جمعة وهانى سعيد ومحمود فتح الله و المعتصم سالم وعبد الظاهر السقا . خط وسط : أحمد المحمدي وأحمد فتحى وحسنى عبد ربه وعبد العزيز توفيق وأحمد حسن وحسام غالي ومحمد ناجى "جدو" وأحمد عبد الملك ومحمود عبد الرازق "شيكابالا" وسيد معوض ومحمد عبد الشافي . هجوم: عماد متعب ومحمد زيدان وأحمد رؤوف والسيد حمدى . |
اقتباس:
اذكر انجازات الكابتن ميدو مع منتخب مصر ؟ |
اقتباس:
جدو مع منتخب مصر أذكر انجازات محمد عبد الشافي مع منتخب مصر أذكر تاريخ وصفات احمد عبد الرؤوف كراس حربه من الاساس هو دا مقياس يعني ايه تاريخ فلان ولا فلان هو ميدو محتاج حد يقول تاريخه ايه ما هو لاعيبه زي كانوتيه لاعب منتخب مالي يكاد يكون مجبش ولا بطوله بس استحاله يستبعد ولا هو ولا ديروجبا انت بتتكلم عن ميدو دا ثروه قوميه بره بيعاملوا لاعب الكره الموهوب كثروه قوميه شوف تاريخ الاحترافي صراحه انا كنت هقول لاتعليق بس متعودتش ابقي زي اسمهم ايه |
اقتباس:
كانوتيه ماذا تعرف عن كانوتيه اقولك انا من ميدو ؟ دي دى ديروجبا من كان رفيق ميدو فى مارسيليا ؟ وأين هو الان ؟ أقل لك انا اين ميدو الان ؟ وللحديث بقية |
حراااااااااااااااااااااااااااااااااااااااااااااااا اااااااااااااااااااااااااااااااام.
يعني دلوقتي احنا في اشد الحاجة للاعب عنده خبرة في ظل غياب تريكة و زكي و شوقي. طيب يا كابتن شحاته .. خد ميدو و خليه احتياطي متلعبهوش اساسي...افرض متعب حصله اي مصيبة. مين اللي هيصنع لمصر الفارق لو لا قدر الله كنا مغلوبين في ماتش؟ طب ناخده احتياطي يا جدعان. |
اقتباس:
مالوش بس أكيد أحسن من جدو و رؤوف |
انتو بتعملوا مقارنه بين ميدو و جدو :o
مفيش وجه مقرانه خالص ده انا ايدى مش مطوعانى احط الاتنين ف سطر واحد جنب بعض ميدو معدى لاعيبه مصر بكام سنه ضؤيه ضفر ميدو برقبتهم نيجى بقى لانجازات ميدو مع المنتخب ياعنى انا عايزة افهم ميدو هيعمل انجازات مع المنتخب ازاى وهو مش معاه اصلا مانشوف ميدو لعب كام ماتش دولى وجاب كام جون http://mido-zone.com/images/site/honour.jpg http://mido-zone.com/images/site/sta.jpg |
بجد ياعنى حركه زباله اوى م حسن شحاته
ياعنى مش عايز ميدو مايخدوش م الاول انما هو قاصد يذله نزل م نظرى اوى ماكنتش اعرف انه قلبه اسود اوى كده ودماغه صغيره للدرجه دى لما سألوه ماخترتش حمص ليه قال علشان لاعيب كتير ووحشه ف حقه لو خادته واستبعده وده هيأثر عليه ويعمل كده ف ميدو حركه قرعه اوى ياعنى عامه ربنا مابيرضاش بالظلم وميدو هيفضل كبير غصبن عنه برده |
من رأيي اختيارات عجيبه فعلا ....
لكن رغم كل ده الواحد برده لسه عنده امل وعلي راي مصطفي ((( شحاته بيطجن بس احنا وراه ))) ... معبره جدا الجمله دي ... وربنا يستر |
اقتباس:
بعيدا ً عن كل دا ميدو مش ف مستواه القديم إللي كان فيه مكسر الدنيا بس ميدو دلوقتي للأسف مش زي بتاع زمان لو كان حسام حسن مسك الزمالك بدري كان ميدو يرجع لكتير م اللي فات بس طبعا ً ما فيش إختلاف إن شحاته بيستغبي لما ركن ميدو لأنه مش ناقص غيابات كفاية زكي و تريكه و مش معني إن ميدو سجل أهداف قليله ف الدوري أقل من جدو مثلا ً ( علي ما أعتقد ) إن جدو أحسن خبرة ميدو ف الملعب و مهاجم تقيل ليه وزنه ربنا يستر شكلنا هانتشقلط |
حرررررررررررررررااااااااام عليك يا شحاتة ربنا يعدى البطوله دى على خير
|
اقتباس:
شوف شغل ميدو اخر كام ماتش مع الزمالك الاهلى والمصرى وبترول أسيوط اخر ماتشين ميدو واخد احسن لاعب ف الماتش والكل اشاد بيه دى تحليلات م ماتش المصرى http://i45.tinypic.com/iqhtu9.jpg http://i46.tinypic.com/oib313.jpg شوف ميدو قطع كام كيلو ومعدل تمريراته ع فكرة ميدو ف الماتش ده لعب 70 دقيقه بس ده الماتش اللى لاقيت النحليل بتاعه دلوقتى ... سيبك م الهبل و الاحصائيات اللى فوق ده حسن شحاته ادرى برده وهو ادرى باللى هو عايزة واللى شايفه هيأدى الدور الى عايزه يتنفذ مكانش عايز ياخد ميدو ومش مقتنع بيه مايخدوش م الاول ومحدش هيقوله حاجه او حتى يقول م الاول انا مش مسامحه ع اللى حصل ف 2006 ومش هاخده علشان كده والله الكل كان هيحترمه بس الحركه اللى اتعملت دى حركه زباله والاكتر م كده هى مقصوده ومترتب لها اقتباس:
اهو الواحد يعرف يركز ف الامتحانات يمكن ربنا يكرمه وينجح:006et4: |
اقتباس:
فكرتيني ليه بس ربنا يستر |
العضو د نغم
حضرتك من قال اني قارنت ميدو بجدو مين عمل كدا كل ما في الموضوع انه بيقلي تاريخ ميدو ايه مع المنتخب علشان حسن شحاته يضمه ف كان ليا رد ساخرا عليه قلتله يعني تاريخ جدو ايه لكن مستحيل دا يتقارن بدااااااااا انا مش مجنون وردك ضايقني جدا |
و ايه اللى يزعل ف ردى بس؟؟؟
مش كنت قصدك خالص ع فكرة بجد انا كنت بتكلم عامه |
| جميع الأوقات بتوقيت GMT +2. الساعة الآن 11:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.