الأدوات اللي مفروض نجيبها معانا في اعدادي
 

يا جماعة حد يعرف الادوات اللي الواحد هيجبها معاه في اعدادي

انا سمعت انهم كالتالي


مسطرة حرف ال t

80سم أو 100 سم

(عن نفسي معايا 80 سم)

مجموعة مثلثات (ثلاثيني - ستيني - 45)

مجموعة براجل

قلم رصاص 0.5 ملليمتر

سنون h -- سنون hb

دا طبعا غير البوردا




نسيت اهم حاجة الالة الحاسبة



يلا كفاية كدا سلام

ويا ريت اللي يعرف حاجة كمان يقول عليها

عشان مبقاش كداب عليك
الآلة مكنتش بستعملها غير في الامتحانات بس
مكنتش باخد معايا الآلة خالص اصلاً الكلية

ده لو انت من النوع اللى بتعرف تحسب يعني :d
لكن لو عايز تحسب 20 و 30 كام يبقى جيب الآلة أحسنلك :d

عموماً كل حاجة حتلاقي اتكلمنا عنها في الموضوع ده
إستفسارات هامة جداً عن أدوات الرسم الهندسي ومعمل الكيمياء والورش
بس اوعى تفكر تبص عالموضوع :d
بص على الردود بس :d

انا بقى لسة مجبتش اي حاجة ومش في دماغي
لسة هنجيب ايه الملل ده
وبعدين لو جبنا الحجات دي مين هيشيلها

انت موش هتاخدي حاجة معاكي في الكلية

يعني البوردا مثلا هتسيبيها في البيت

أما المساطر والبراجل والمنقلة والاستيكة والآلة والبالطو والنضارة وانابيب الاختبار بس هما دول اللي هتاخديهم معاكي

النضارة؟؟؟؟!!!!!!!! :d

معلش حد يفسرلى نضارة ايه ؟؟شمس ولا نظر؟ :d
لا بجد نضارة ايه ؟ :d :D

مطلبوش مني آله حاسبه
طلبوا انبوبه اختبار:022yb4:

نضارة المعمل يا فالح اول ما تيجي تاخد كيمياء

في ايه يا عم
انتو مكنتوش بتلبسو نضارات ولا ايه :d
احنا اي نعم مكناش بنلبسها ونحطها على راسنا بس اول ماحد يعدي
بس مكناش نقدر ندخل من غيرها هي والبالطو اصلاً :d

ولا حتى سمعت عنها
ايه جدعان النضارة دى :d
انتوا ناس غامضة جدا :d

وايه ياعم سيلفر ده انت معايا فى الكلية خليك محضر خير :d

باين على كليتكو تقليدية ولا تحوي الوسائل التقنية الحديثة في المعامل :d
وعمالين يقولو عين شمس بيب بيب وتاخد شهادة وتيت تيت

احنا اللى غامضين برده
شكلك مكنتش معانا في موضوع ادوات الرسم الهندسي
فاتك اكبر موضوع احباطي في القسم :d

بجد احنا بنلبس بلطو زي الدكاترة
الله

ياعم دى نضارة
هنستخدمها فى ايه يعنى؟؟
احنا اساسا البالطو كان بيلبسه الناس اللى عايزه تحافظ على هدومها مش اكتر
غير كده لو مش عايز خلاص :d
ال نضارة ال :d
المهندس مش بس بنضارته المهندس برعايته لبيته واسرته :d
اه وكمان بتقعدى تمسحى فيه بعد اما بتحطى الحاجه فى التيست تيوب
يعنى هيبقى شبه الفوطة الصفرا بعد يومين :d

هو احنا لازم نجيب اله حاسبه مخصوص متنفعش بتاعه ثانوي يا جماعه؟
ومعلش سؤال تاني الراجل بتاع الرسم والاسقاط الهندسي طلب مننا نرسم حاجات من الكتاب ونجيبهاله الاسبوع الجاي في المحاضره وانا طبعا لسه مجبتش ولا كتب ولا ادوات فايه النظام بيفوت اول اسبوع ولا عملو معاكو ايه الدكاتره؟

احنا السنة اللى قبلينا كان في واحدة - مهملة - مش جايبة النضارة ومعرفش كانت بتعمل ايه
المهم المحلول او ايا كان اللى ماسكاه طار وجه على عينيها وعينها طارت - الاعور :d-
طبعاً ده مسؤولية كبيرة عليهم ومن ساعتها وهما قارفينا بموضوع النضارة عشان العين وكده
منهم لله اللى بيلعبو بالنار واحنا اللى نتقرف وراهم :d

ده اعلان عن منتج مهندسين جديد ولا ايه :d

الآلة الحاسبة حتلاقيها عليها عشرميت موضوع بيتكلم على نوع الالة في اعدادي بس تجيبها ايه :d

بالنسبة للرسم انت وحظك مع الدكتور :d
بس يفضل متأخرش رسماية لمصلحتك آخر السنة

انا الترم التاني نفضت اول سكشن عشان كان اول يوم في الترم وكسلت اجيب الادوات
ونفضت تاني سكشن كنت نايم ومصحتش :d
كده رسمتين سكشن ورسمتين واجب يعني 4لوح عليا
لحد آخر الترم تنازل ورا تنازل وبحضر كل السكاشن
كان متراكم عليا اكتر من 15 لوحة :d
طبعاً بالكاد خلصت الحد الادنى المطلوب مني وكان عليا مش عارف 5 لوح آخر السنة

فلو مخلصتش لوحك اول باول انت حر
وخصوصا الترم التاني :d