الايدز aids
 

هنتكلم عن مرض الايدز ولو عجبكو نكمل كلام عن المرض دة واحدة واحدة

الاول الايدز للي بيسببه فيرس اسمه human immune defiviency viruse
اي فيرس نقص المناعه المكتسبه
ثانيا بينتقل من شخص اي شخص عن طريق الدم او عن طريق اي سائل اخر بين شخصيين
ثالثا ازاى بيحصل المرض

الفيرس مكون من غلاف بروتينى protein coat و بداخله المادة الوراثيه genatic material

الفيرس بيهاجم نوع معين من الخلايا تسمى باسم t lymphocytes
ودى نوع من انواع الخلايا المناعيه

المهم نكمل الفيرس يبدا يهاجم هذة الخليه ويسيب الغلاف البروتينى protein coat
بره ع سطح الخليه ويدخل المادة الوراثيه genatic a matterial جوة الخليه

عندما يدخل الفيرس الي داخل الخليه يبدا بافراز انزيم reverse tarans criptase enzyme

الانزيم دة بيعمل علي تحويل المادة الوراثيه genatic material للي هى RNA للي هو ببيقي شريط واحد من الجينات
اليDNA للي هو بيبقي شريطين من الجينات
بعد مدة بيدخل الDNA للي هو بتاع الفيرس الي داخل نواه خليه t-lymphocyte
بتاعه الانسان

فاصل
ولو عجبكو الموضوع انشاء الله نكمله

good job man

انشاء الله هكمل دلوقتى جزء مهم جدا ويا ريت للي مش فاهم يسالنى

لما بيدخلالDNA بتاع الفيرس جوة نواه خليه t-lymphocytes
هيلاقي DNA بتاع الانسان للي جوة الخليه
فيهحصل تشابك بين DNA الفيروسي وبينDNA بتاع الانسان
ويكون DNA جديد يحمل خصائص الفيرس وخصائص الانسان ولكن للي متحكم فيه اكتر هو الجزء بتاع الفيرس
وبالتالي هذا DNA يعمل علي انتاج RNA فيروسي ودى خطوة رقم واحد اركنها شويه

بعد كدة يحصل ما يمى بتخليق البروتين synthesis of protein
اكيد اخدتو الحته دى في الثانوي
المهم هيحصل تخليق البروتين
من DNA اللي به خصائص الفيروسيه وخصائص الانسان
طيب ازاى هيحصل
DNA للي بيه الخصائص دة هينسخ ما يسمى ب mRNA الذى به نفس خصائص الDNA دة
وبعد كدة هيطلع mRNA
برة النواه وهيروح للريبوسوم
وهيرتكز فوق الريبوسوم الصغير ويجى فوقه الريبسوم الكبير
لان الريبوسوم قطعتين واحد كبير والتانى صغير
فال mRNA هيبقي محطوط في قلب ساندوتتش من الرايبوسوم
بعد كدة ياتى tRNa
للي هو بيعمل ايه دة
عامل زى الختامه كدة
يجى علي جزء جزء في mRNA ويترجمه لاحماض امينيه للي هى بعد كدة بتكون البروتين يعنى ايه
طيب ازاى دة بيحصل
'طبعا عارفين ان ال mRNa به قواعد نيتروجينيه للي هى U A CG
فمثلا يجى علي جزء من mRNA علي جزء UAC ويحوله لحمض امينى
ويجى علي الجزء للي بعدة مثلا ACG ويحوله لحمض امينى تانى
وهكذا
وبعد كدة ترتبط الاحماض الامينيه دى ببعضها لبعض لتكوين البروتين
فكل 500 حمض امينى يكون بروتين
البروتين دة طبعا بيه خصائص الفيرس لان هو جاي من mRNa للي جاي من DNA للي بيه الخصائص المشتركه لكن زى ماقلت خاضع للفيرس وبتالي هيبقي خواصه تخضع لخواض الفيرس
اذن وصلنا لنقطة انتاج بروتين بيه خواص الفيرس دى خطوة رقم اتنين

فاصل ونواصل

كمل يا زيزو موضوع شيق

موضوع رائع ربنا يباركلك
مستنين بقية الموضوع

نكمل ان شاء الله وبردو بقول للي مش فاهم حاجة يقول

انا قلت في المرة السابقه
في الخطوة واحد للي قلتلكو اركنوها شويه وهى انتاج ال RNA الفيروسي
وقلتلكو في خطوة اتنين في اخر المرة للي فاتت بينتج protein

عندنا ال RNA و الprotein وودول اصلا للي بيكون الفيرس
فيتجمع ال RNA الفيروسي و ال PROTEIN لتكوين فيرس ايدز جديد
قادر علي الخروج من خليه ال t-lymphocytes و اصابه خليه t-lymphocyte اخري
وبكدة يستمر فيرس الايدزعلي نفس المنوال واصابه العديد من الخلايا
........................................
رابعا اعرض مرض الايدز
-بعد دخول الفيرس ع طول بيتصيب الانسان الاعراض دى
1- الصداع 2- سخونة 3- الم في العضلات

بعد حدوث الاعراض البسيطة دى هتختفي و في خلال فترة زمنيه ممكن توصل لعشر سنين بيتم تدمير الجهاز المناعى بتاع الشخص دة

ولو ماتعالجش هتحص المضاعفات
طيب ايه المضاعفات
1- فقدان الوزن 2- اورام في المخ الخ 3- فقدان الشهيه

فاصل ونواصل

التشخيص
بيتم ازاى بقي بصو ا يا جماعه انا طبعا هقلهالكم بصورة مبسطة جدا عشان الكل يفهم

اي حاجة غريبه داخله الجسم بتتسمى ب antigen
وكل antigen الجسم بيفرز ليه جسم مضاد للي هو antibody
وكل ميكروب ليه انتى بادى خاص بيه
احنا بقي بناخد الدم وندور علي antibody دة للي خاص بفيرس الايدز
ولو لقيناه يبقي فيه ايدز
...........
العلاج طبعا احنا عارفين اي فيرس مالوش علاج لكن ليه ادويه بتقلل منه بس

المريض بياخد three different antiviral agent
تلات مضادات للفيروسات
وتلاته عشان يقلل كميه الفيرس وعشان يعمل علي رفع عدد خلايا الt-lymphocytes
للي الفيرس دمرها

لو حد مش فاهم حاجة يا ريت يقول

الحتة دى تقريبا كانت فى الاحياء مستوى رفيع


عموما ماشى مفهوم
خلايا الt-lymphocytes فى الجهاز المناعى

اها خلايا t-lymphocyte
من ضمن الخلايا المناعيه للي بتدافع عن الجسم من اي امراض

بسم الله ماشاء الله عليك يا زيزو
انت فعلا رائع
وياريت تعمل مواضيع تانى على نفس المنوال

العفو
وان شاء الله هعمل مواضيع تانيه انشاءالله عشان الكل يستفاد منها