|
هل تعرف جمعية رساله ..؟
إحنا عاملين الموضوع ده عشان اللي مش عارف جمعية رساله يعرفها واللي عارفها يقول معلومات أكتر عنها وجزاكم الله خيراً |
هنبتدي بينا إحنا اول ناس بصراحه إحنا مش كنا نسمع عنها حاجه خالص وأول ما سمعنا عنها سمعنا من أحد ناشئي الجمعية من كلية الهندسه وهي صديقه لينا وابتدينا نتعامل مع رساله عن طريق التبرع بكل حاجه إحنا مش عايزينها ولكن جاءت اللحظه الحاسمه وإننا روحناها ولاول مره السنه دي جمعية رساله للأيتام فرع المهندسين وبصراحه إستمتعنا جدا لما سمعنا إزاي رساله بدأت وإنتشرت كده وكمان الأنشطه بتاعتها روعه أوي معلومه إن 3/4 رساله بنات لكن 1/3 أولاد بس بصراحه الواحد منهم بعشره كفايه الحاجه اللي بياخدوها وينقلوها ربنا يجازيهم كل خير يارب هنحكيلكم كمان شويه عن الأنشطه اللي إحنا شاركنا فيها وشوفنا إيه كمان وإحساسنا كان إيه يالا مستنيكم اللي عارف وشارك فيها يقولنا عمل إيه واللي مش يعرفها يقول إيه رأيه |
تسجيل متابعة
بجد كان نفسى اعرف معلومات عنها فى نس فى المنتدى هنا فى الجمعية دى هنشوفهم هيقول ايه وايه هيا طريقة الاشتراك واللا لازم كارنيه الحزب الوطنى :d |
اقتباس:
اقتباس:
اقتباس:
اقتباس:
لأ مش محتاجه كارنيه ولا حاجه محتاجه مجهودك ونيتك وبس شكراً لمشاركتك معانا وربنا يكرمك :) |
http://www.thanwya.com/vb/showthread.php?t=68213
ده لينك كنت عاملاه عشان اليل عاوز يساعد بخير يبعت للجمعيه دي بجد جمعيه جميله فعلا اولا الاشتراك فيها مش بفلوس وكلام ن ده ده بالنسبه للي في الفيوم لكن عادي بتروحي بتتطوعي انك مثلا تفرزي الادويه تشوف يالمنتهيمن المش منتهي بيبقي ليها صيدليه خاصه بيها هي بتبيع الادويه باسعار رخيصه جدا او بلاش ناس كتيره جدا فقرا بيجوا للجمعيه دي وهما فعلا محتاجين بيبقوا محتاجين لبس اكل شرب بيت اي حاجه من ده كله طبعا فيه شباب دلوقتي في رمضان وشابات بنروح قوافل لقري فقيره محتاجه اكل او شرب ومحتاجه مثلا اسقف سقف للبيت بتاعهم بيحتاجوا ملابس فبنروح ونوديلهم الحاجات دي برضه بنقعد ف يمخزن نفرز ملابس بتيجي تبرعات من ناش ربنا يبارك فيهم سواء ملابس اطفال رجالي حريمي وبنغسل الملابس دي ويودوها المغسله وبنحطها في معرض للبيع ببلاش فيه يوم احب انبهكم ليه كويس قوي هو يوم الكساء يوم 29 بجد بيبقي يوم بحس فيه بفرحه كبيره جدا لانك بتدي ملابس للناس الغلابه والفقرا وبيبقوا محتاجين فعلا لحد يساعدهم ويدخل الفرحه علي قلبهم بجد متتخيلوش طعم الفرحه لما تدي لواحد فقير غلبان ملابس تقيه وتستره وتحميه من برد الشتا اليل بيجي فعلا بجد متتخيلش فرحتك لما تدي لطفل ولا لواجحده غلبانه اكل وفعلا بيبقزووا ناس غلابه مبيلاقوش لقمه ياكلوها غير كل فين وفين طبعا برضه فيه ناس فقرا برضه بيجوا او بيبقوا علي قد حالهم وعندهم امراض معينه فبنتفق مع كاتره بحيث انهم يكشفوا بالمجان عنده وبرضه نجيبلهم ادويه مخفضه فده بيحتاج لحاجه اسمها الدعايه بحيث مثلا ان كل اتنين شخصين بيمسكوامنطقه معينه ويلفوا علي الدكاتره والصيادله مثلا والمحلات اكل شرب بقالات سوبر ماركيت اي حاجه من دول بنبعتلهم ونروحلهم ونعلن عن اننا من جمعيه رساله كفلنا ايتام وراعينامسنين وفقرا ومحتاجين بجد بجد جميله جدا جدا جدا هتستمتعوا بالخير اليل انت بتوزعه عل يالناس ده بجد وبكره ولا بعده هبقي اقولكم برضه عن الجمعيه دي لاني بحبها قوي قوي قوي موضوعك جميل جدا جدا جدا |
جبتلكم لينكات لجمعيه رساله لسه واحده هنا اديتهان النهارده كنت بسال عنها في حاجه
http://resala.org/ http://www.thanwya.com/vb/showthread.php?t=82419 |
اقتباس:
جزاكي الله خيراً على المعلومات دي وفعلاً الإستمتاع وإنت بتعملي حاجه لله إحساس رائع جداً ومش بنحس بتعب خالص فيها شكراً لمشاركتك معانا يا يميم وربنا يكرمك |
اقتباس:
لكي جزيل الشكر إحنا برده كنا هنحط لينك بتاعها جزاكي الله خيراً |
المعلومات كلها انا حصلت عليها من البحث في موقع جوجل واقتباس من بعض المنتديات فرع دمنهور تليفونة 0453374480 العنوان 100 ش سيد قطب بجوار الكوبرى العلوى أعلى مطعم ملوخيه http://www12.0zz0.com/2008/12/28/13/768003552.jpg فرع كوم حمادة تليفون0162895952العنوان 5 ش أحمد شوقى متفرع من ش مدرسة ناصر بجوار مسجد نور الأسلام فرع الاسكندرية 44ش توت عنخ امون بجوار كوبري كليوباترا تليفون:4292900/03 أو 19450 الكلام كله انا مقتبساه من منتدى اخر بس مش هينفع اقول اسمه علشان ممنوع وضع اسماء لمنتديات اخرى واعتقد ان العضو/ه اللي كاتبين المعلومات ديه من مشتركي في جمعية رساله والله اعلم بننظم زيارة كل يوم لدار ايتام او دار مسنين او مستشفى وطبعا الثواب لكل حاجة من دول عظيم الحمدلله كفاية مثلا انك تيجى دار الايتام وتدخل ابتسامة على طفل يتيم وتلعب معاه وتضحكه وان شاء الله يبقى فى ميزان حسناتك وبعدين تمسح على رأس اى يتيم تاخد بكل شعره حسنة وتطبطب عليه وتحسسه ان هو مش لوحده فى الدنيا وان كلنا اهله او اهلها وفى نفس الوقت عشان يكبروا مش معقدين من المجتمع وحاسين بالحقد او اى حاجة لاقدر الله وممكن بكلمة تقولها لطفل تصلح حاله او تخليه يفكر صح وممكن بكلمة تقولها او بكلمة مش هتقولها تهدم حياته ومستقبله وبنحاول نساعد برضه ماديا فى موضوع العلاج والعمليات على اد ما نقدر وربنا يقدرنا دى دار الايتام ♥♥`*•.¸¸.•* (¸.·'´ (¸.·'´*¤* `'·.¸) `'·.¸) `*•.¸¸.•*♥♥ اما دار المسنين فالموضوع فى غنى عن التعريف بكل بساطة الناس اللى تعبت وربت وفى الاخر مرمية فى دار والله اعلم حد بيسأل عليهم ولا لأ والام اللى هربت من ابنها عشان كان بيضربها عشان عايز فلوس والاب اللى مرات ابنه مش عايزاه فى البيت معاهم وغيره وغيره وبرضه الاب والام والجدة اللى ظروف حياة اولادهم مش ينفع فيها انهم يعيشوا معاهم وطبعا بعد كده بقى بنقول الدنيا تلاهى المهم لازم يكون لينا دور لازم نحسسهم ان لسه ليهم اولاد يسألوا عليهم ونتكلم معاهم شوية وطبعا الثواب يعنى باذن الله كبير وبرضه بنشوف الحالات اللى مش بتقدر تجيب ادوية او محتاجة عملية ولا حاجة نحاول نعمل حاجة ♥♥`*•.¸¸.•* (¸.·'´ (¸.·'´*¤* `'·.¸) `'·.¸) `*•.¸¸.•*♥♥ والمستشفيات دى بقى حاجة تانية اولا زيارة مريض ثانيا تخفف آلام الاطفال دى وتحاول تنسيهم اللى هم فيه ومش تعاملهم بشفقة لا تعاملهم انهم عاديين ولا فيهم حاجة وده لانهم عاديين وبرضه بنحاول نلعب معاهم ونفرحهم ونشوف لو محتاجين مساعدة اكل او لبس او ادوية او عمليات او اى مساعدة واللى ربنا بيقدرنا عليه بنعمله ♥♥`*•.¸¸.•* (¸.·'´ (¸.·'´*¤* `'·.¸) `'·.¸) `*•.¸¸.•*♥♥ وفيه كمان زيارات الابن البار بنروح للمسنين اللى عايشين فى بيوتهم وحدهم نشوفهم ونسأل عليهم ولو برضه محتاجين حاجة ونحاول نعمل فى رمضان افطارات معاهم برضه وربنا يسهل هتلاقو الجدول للزيارات لكل شهر هنا باذن الله والله المستعان الموقع: توت عنخ امون كليوباترا بجانب كوبرى كليوباترا سموحه المكتب:جمعيه رساله سموحه الزيارات كل يوم التجمع قدام الجمعية الباص بيودينا ويرجعنا على الجمعية الأهم من كل ده ......... نيجي نعمل خير ومننساش نجــــــدد النيــــة عشان ربنا يتقبل طول عمرنا في العيد بنلبس هدوم جديده لكن محدش فكر قبل كده ان في ناس متقدرش تشتري هدوم حتي في غير ايام العيد؟؟؟!! رساله فكرت ...وعشان كده ظهر موضوع يوم الكساء و ده اليوم اللي حنسعد فيه اكتر من 25000محتاج عن طريق 100 الف قطعة ملابس ان شاء الله و بمجهوداتكم تخيل فرحه ام الايتام و هي بتجيب لاولادها هدوم جديده قبل العيد بعد ماكان بس حلمها انها تقدر توفرهلم وجبه غدا تخيل فرحه الاطفال نفسهم و هما بيختارو هدومهم الجديده و تتخيل ليه...مانتا ممكن تشوف كل ده بنفسك و تشاركهم فرحتهم و تكسب الثواب طب ازاى؟؟؟؟ ممكن تشاركهم فرحتهم بتبرعك بملابسك الجديده او المستعمله يعنى ممكن تيجى وتفرز معانا الملابس احنا شاغلين فرز ملابس يوميا من 11ص حتى12مساء مقر الجمعيه:44ش توت عنخ امون بجوار كوبرى كليوباترا ت:4292900 19450 |
هههههههه و أنا أقول الدنيا منورة ليه أتارى موضوع عن رسالة عندنا مواضيع رسالة كترت أوى .. ما شاء الله بس يا ريت مايكنش كلام و بس .. يكون فعل و عمل بجد أنا متطوعة فى جمعية رسالة فرع المهندسين فى نشاط القوافل و المساعدات و إن شاء الله أقدر أجبلكم كم كبير من المعلومات عن الجمعية فى حديث مشهور أوى فى الجمعية بيقول قال صلى الله عليه وسلم "إن الله وملائكته والنمله فى جحرها والحوت فى بحره يصلون على معلم الناس الخير" صدق رسول الله صلى الله عليه وسلم يميم جابت اللينك بتاع الموضوع اللى كنت عملاه جمعية رسالة للأعمال الخيرية ( مُتعة العطاء ) فى موضوع تانى بحبه جداً يا ريت تشوفوه حبيت أحكيلكم يومى إنهارده .. يا ريت تدخلوا عايزة أقول كلمة أخيرة للجميع مش شرط علشان تعمل الخير تروح رسالة و الأورمان ولا مصر الخير ولا بنك الطعام الواحد ممكن يعمل خير كتير بينه وبين أهله أو جيرانه أو معارفه صلة الرحم خير .. إطعام مسكين خير .. عبادة ربنا خير .. لو زرعت بذرة عملت خير .. لو شربت قطة فى الشارع يبقى عملت خير الخير فى كل مكان يا جماعة و سهل نعمله .. بس اهم من عمل الخير .. حسن النية لازم النوايا بتاعتنا تكون خالقة لجوه الله .. فى ناس كتير بيشتركوا فى جمعيات خيرية وب يروحوا و يجوا و مابياخدوش الثواب .. ليه ؟؟ .. علشان ماعندهمش نية صالحة للخير و جزاكم الله جميعاً كل خير |
انا كنت بصراحة اسمع عنها لكن عمرى معرفت اهدافها شكرا ليكو يا جماعة ان شاء الله الواحد يدرس الموضوع ربنا يستر بس:d |
الصراحة تبقي جمعية رائعة بس عمري ما سمعت عنها بجد جزاكم الله خيراومتابعة معاكم عن اهداف الجمعية |
ما شاء الله موضوع رائع
بإذن اله احاول اشترك |
اقتباس:
شكراً جدا ليكي على المعلومات دي وجزاكي الله خيراً ربنا يكرمك |
اقتباس:
لأ ما انت مش واخده بالك النور ده بوجودك إنت بس طبعاً رساله أولاً احنا مش شوفنا ولا موضوع لرساله هنا خاااالص وبعدين ده مش كلام وبس دي أفعال إحنا روحنا الأسبوع اللي فات اربع ايام وبعدين تعالي هنا بتقولي إنك متطوعه ف فرع المهندسين .. معانا وكمان نشاط القوافل يبقى أكيد نعرفك هنعرفك يعني هنعرفك واحنا منتظرين كل المعلومات اللي تعرفيها عنها وجزاكي الله خيراً على الكلام الجميل ده شكرا جدااااا ليكي لمشاركتك معانا ربنا يكرمك |
| جميع الأوقات بتوقيت GMT +2. الساعة الآن 09:59 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.