|
!|!..وجوه ع الرصيف..!|!
الجزء الأول *** الدنيا هاصت .... إيه جرى؟؟؟؟ بصيت على الجنب وورا شفت العساكر زى جيش النمل غطوا الأرض قدام عميد... ووراه عقيد... بعديه بخطوه لقيت مقدم طول ف عرض قوم يا جدع شخط الشاويش ف البياعين ع الارصفه داس الشاويش على كل حاجه ف سكته ع الكبايات و الفلايات و الارغفه فوق ع الرصيف واحده عجوزه مكحكحه بتبيع ابر لجل اليتامى يلتقوا اخر النهار رغيفين ولا ذل السؤال دا السؤل عار شتم المقدم ف الوليه بطول لسان وبرجله كب لها الابر الست بصت للسما تشكى لها طبعا بتدعى ف سرها لكن بإيدها تعمل ايه ؟ تركت لربنا أمرها زحفت تجر ف وسطها لمت يادوب نص الابر على قد ما قدر النظر سابها المقدم و اتنقل على واحده تنده ع القلل فارشه على جنب الرصيف وبلهجه مليانه غرور بص و صرخ فزى انهضى أمرك يا بيه ردت بذل و مسكنه لكن أخينا طبعه قاسى مالوش فؤاد تانى صرخ جه عسكرى كسّر ياواد الواد كسر وف قلبه حسره على العباد قومى يا بنت الــ..... قالها بكل فصاحه من طرف اللسان لو والدتك ...... آه من دى لو وآهين على طبع البشر لما يكون منهم صنوف أقسى على الناس م الحجر *** الجزء الثانى *** انت يا واد نده العميد على شاب قرّب ع الرصيف قمت اتلفتّ بصيت لقيته ولد خفيف عمّال ينقّل من هنا ....ينده هناك بشماله شايل ملبوسات بناطيل ولاد... شرابات حريم ...فساتين بنات فين اليمين ؟ وسألت ورجعلى السؤال بصيت يمين ملقتش لدراعه أثر ولاشفت غير كم القميص والواد بينده ع البضاعه بصوت أليف كان فيه زبون عمّال يفاصل ف التمن لما لمح طيف العميد قام اتنفض مد العميد كفه على خد الولد دا مفيش سلام كده ف البلد إحنا سلامنا إيد ف إيد لكن بايّنه سلام عميد بس احنا جهله ف السلام جهله أكيد طاطى الولد....ماقدرش ليه يرد السلام وازّاى يرد أصل السلام محتاج يمين كل اللي عمله مره واحده قزح بعيد وف لحظه عن عينى اختفى غاب الولـــد *** الجزء الثالث *** و ف ركن مزوى بعيد قوى قعدت صبيه وحزن دهر بأكمله على وشها وولد صغيرعمره ييجى يادوب سنه عمال يشد ف شعرها الجوع قرص بطنه صرخ شدت دراعه وحطته على صدرها الواد رقد بيلوك ف بقه جلد ناشف لم وجد شئ يرضعه حط الولد صابعه الصُغير فى الحنك فاكر صوابعه تشبعه نعناع يا بيه؟ مديت يمينى بالشلن ناولتنى باكو وتمتمت مادريتش ايه قالت ولكن مره واحده اتلجمت الواد فزع مدت ايديها وضمته بقوا حته واحده واتلزق خد الولد على خدها نعناعها بالرجل اتهرس ضاعت فلوسها معادش حاجه ف حجرها حاتبات جعانه؟ مش مهم .......مادام ضناها ف حضنها *** م ن ق و ل |
اقتباس:
ربنا يساعدنا ... بجد بتحكى عن حكايات مصرية... بتحصل فى كل زاوية وكل ركن... و اللى شاف بعينه غير اللى سمع....:angry2: شكرا يا اسمك ايه ع اللطشة...:d قلبتى عليا المواجع....:( اه افتكرت اسمك ياسمين صح..؟؟...:d |
|
اقتباس:
هههههههههه طيب يوخيا الموضوع منور بردك ايون ياسمين صوح وعامه الحواديت المصريه مش هتخلص المهم نحاول نساعد بعض بس وربنا هيسهلنا اقتباس:
شكرا ع المرور :d |
ميغسى ياجميله
بجد ذوقك جميل ف اختيار لموضع دا نكدتينى ع الصبح بس نقول الحمد لله |
اقتباس:
بس النكد بئا واقع :d يعنى ممكن قول ان ده صوره مصغره للواقع يلا ماعلينا كويس كويس شكرا ع مرورك :d |
مشكورة علي الموضوع
|
جميلة جداً جداً كأسلوب
ومؤسفة جداً جداً كتعامل مع الفئة المذكورة من شوية حيوانات شكراً على النقل المميز |
اقتباس:
اقتباس:
|
قصيده مؤلمه بجد
الدمعه كانت هتفر من عيني بس مفرتش :d مش مود دموع اصلا منورة ياياسو قصدي شكرا ياحاجة :d |
قصيدة رائعة جزاكي الله خيرا |
اقتباس:
انتو ملكمش الحجات دى اصلا :p هش هش ال هتفر ومفرتش ال اقتباس:
|
سيداتي آنساتي سادتي الكرام
المفروض ان اللي ناقل حاجه يقول اسم صاحب العمل ......و القصيده دي لشاعر انا اعرفه شخصيا .و هو الشاعر عبد الرحمن البطه ....من منيه سندوب .. مركز المنصورة..........هذا للحق |
بجد موضوع كتير جميل ومميز
انا بجد قلبى وجعنى من اللى بيحصل ده والله فعلا مابيجوش غير على الغلابه اللى مش لاقين ربنا يحميهم وربنا برده هياخدلهم حقهم. فى رعاية الله |
| جميع الأوقات بتوقيت GMT +2. الساعة الآن 12:35 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.