اتخانقت مع مدير اللجان
 

يا جماعة انا امبارح اتخانقت مع المراقبين ومدير الدور وملاحظ اللجان وخربت فى اللجنة عندى عارفين ده كله ليه انا كنت بحل فى التاريخ تمام وانا بحل كتبت كلمتين غلط رحت شطبت عليهم شافنى الملاحظ قالى ايه اللى انتا عاملة ده قولتلو غلطت فيهم وشطبتهم فيه حاجة راح ندهلى مدير الدور ومدير الدور قالى همضيك محضر شطب وجاب رئيس اللجان حت قولتلهم محدش ليه دعوة دى ورقتى وانا اعمل اللى عاوزة اشطب اقطعها ملكمش دعوة وحصلت مشكلة كبيرة ايه قرف التعليم ده على كلمتين عاوزين يمضونى محضر شطب ايه الجنان ده

المحضر لو كنت شطبت سؤال كامل لو جزئيه كبيره
بس لو كلمتين مش فيها مشكله

شكرا على الردود

انت ليك حق تعمل كلى اللى عايزه فى ورقة اجابتك
ولو حد من المراقبين او مدير اللجنة اعترض اديله على دماغة على طول

صراااحة ده غباء بس خلى بالك مش كل حاجة فى الورقة انت حر فيها زى مثلا مينفعش تقطع ورقة الاجابة وتمشى كده عادى او تكتب فى اماكن غير مصرح بالكتابة فيها

انا عملولى محضر ف الانجلش بردو
حاجه متخلفه بغباء يعنى
يعنى كلمه غيرت فيها حرف لا ازاى ميصحش متطبيش
يعنى اكتب الغلط واسيبوا يا ناس
احنا عندنا كل شويه بيلفوا يشوفوا كرارييس الاجابه علشان يطمنوا ان محدش شطب
لغايه ما اتخنقت
يلا هانت كلها يوم

ماشي ده شطب وعارفينه احنا عندنا واحد عاوز ينزل الحمام عملوله محضر و الولا ضرب الاتنين المراقبين و نزل من غير محاضر و الله ماشية بالدراع مش اكتر بس تعرف انت لو كنت مديت ايدك كانوا احترموك اكتر

انا بشطب كتير ومفيش حد بيقولى حاجه
الشطب مش ممنوع

انا حصلي الموقف الغبي ده السنة اللى فاتت فى الاحياء علشان كلمتين برضو واتخانقت معاهم بس فى الاخر مضيت برضو

عندينا واد بعد ما حل الامتحان شطب الامتحان كله خالص وبعدين سلم ورقه الاجابة وجرى وهما هيتجننو علشان يعرفوا بيتو والله انا فرحت فيهم فرحه

ايه دا انا شطبت كتييير ومحدش قال لى حاجه .......... يعنى فيها ايه لو شطبت فى الورقه بالله عليكوا فهمونى