|
الـذّي غيـر تفكـير الـبشريـة " الـراب "
السـّلـام عليـكم أحبتي ،، تحيـة معبـقة بـ أريج الرّيـاحين يغمركم .. , ْ{ الـرّاب } المـدخـل الذّي سـنبدأ منهـ : الراب هو نوع من الغناء، الذّي يـتم بهـ لفظ الكلمات دون الالتزام بأي لحن معين أو إيقاع . بدأ الراب لـأولّ مرّة في مدينة كينغستون بجاميكا بـ نهاية الستينات كنوع من الموسيقى الجديدة متفرعة عن الدانسهول (dancehall). انتشرت في الولايات المتحدة الأمريكية في بداية السبعينات في حي برونكس، بـ ولاية نيويورك على أيدي الأمريكيين الأفارقة أو الزنوج، كما انتشر عالمياً منذ التسعينات. الصـلب الذيّ سنتـاولهـ : هـذا النـّوع من الموسيقى نـال اقـبالاً واضحـاً من قبـل الـشّباب ، فـ بهـ يتم نـقد كلّ مـا قد يتعـرض إليهـ الفرد سـواء اقتصاديـاً أم سيـاسياً أم تربويـاً . و بـ الراب يتحدث المؤدون عادة عن أنفسهم، يستخدمون النوع الموسيقي أحياناً للتعبير عن استيائهم وغضبهم من عدم توفير الخدمات أو فرص العمل، وغيـره من مواضيع . بـعد أن كـان منـتشر بـ دول عـديدة أمثـلة : اليابان وفرنسـا . فـ أخـذت الدولّ العربية أو جزءاً منهـا نصيـبها كذلـك وقـدّمـت كلّ جديدهـا أكـان بــ اللغة العربية أم الفرنسيـة أم الانجليزية . مـا أريده منـك : عـزيزي بـعد أن وصـلت بـك إلى المُراد ، الآن أفصـح عن أفكـارك وآرائك بهـذا المـوضوع ، لـن أعطيـك أسئلة تحدد نطـاق تفكيرك فــ أسلوبك . المـخرج الذيّ سنـودعك بهـ : موسيقى الـّراب ليسـت بشيء غيـر حضاري أو سيء إنمـّا تنـاقش شيئـاً يعاني منهـ الفرد البشـريّ . ومع ذلـك قد تعتبـر أحيـاناً تـجـاوزاً للـحدود . والآن أترككم لتغوصوا بافكاركم في اعماق هذا الموضوع dr.aaa |
انا مش معاك انا بسمع راب انجلش وعربي بس مش هو اللي غير تفكير العالمـ الراب حاز على الاعجاب وساعد في تغيير نظرة البيض للسود في اميركا بس مش هو :confused: كود PHP:
وانا شايف ان الراب ييطلع حد ينقذه يهينهار تماما تقبل مشاركتي :frown: |
أنا شايفه الراب نوع جديد بيستخدمه بعض الشباب للتعبير عن أرائهم بيسر وسهوله
وكنت أصلاً منتقداه أو مش عاجبني إنما بعد ما سمعته من عدة فرق مصرية أصبح الموضوع يروق لي فالراب نوع جديد من التعبير عن الرأي بأسلوب يجذب المستمع و يجعل صدره متسع لسماع كل ما نريد توصيله له وشكراً يا dr.aaa على الموضوع الجميل ده. |
اقتباس:
دلوقتي وعلى فكرة الموضوع لسة مفتوح للنقاش واتمنى ان كل الاعضاء يشاركوا معانا لاني شايف ان الموضوع ده مهم جدا |
اقتباس:
وعلى فكرة انا معاكي جدا في الكلام اللي حضرتك قلتيه وهو ده رايي الفعلي في فن الراب وعلى فكرة انا كتبت الموضوع ده بناءا عن عشقي الشديد لفن الراب وانا مش بس مستمع انا مؤلف كلمات اغاني وغنيت منها كتير وهنزلكوا بعضها تسمعوها قريب وبشكرك جدا على الراي الايجابي |
الموسيقى حرام
|
هوا بيتهيألي ماتقدرش تقول انه غير تفكير البشرية .. لإن مش حاجة زي كدا هيا اللي تغير طبعا !
بس اللي عايز اقوله ان فيع راب عربي وراب اجنبي الراب الأجنبي انا شايف ان بيبقي معظمه بيبقي فيه قلة ادب مباشرة .. واللي بيسمع اغاني اجنبي وليه فيها اكيد عارف دا كويس كدا .. امثال ايمينيم وفيفتي سينت وايكون والناس دي انما لو جيت للراب العربي هاتتلاقي انه محترم جدا .. ودائما ما بيعالج مشاكل في المجتمع يعني عندك مثلا اغاني احمد مكي بتاعة جدعان طيبين وكل زمان وشكرا ياماما .. اغاني جميلة جدا وهادفة وليها مدلول بس فيه ناس غاوية تنتقد بالاونطة وتقعد تكسر من جباير الناس .. وهما اصلا مش حاجة عشان كدا احمد مكي علق على الحكاية دي في اغنية (كل زمان) وقال: حاجة اخيرة انا عايز اقولها للي شتموا اظن لذيذة .. كل واحد فينا له استايله واي واحد فينا له ميزة فيه اللي بيعجب واللي مايعجب واللي ماعنده ياخد (فيزا) !!! |
باحب اوى اغانى MTM يا ريت حد ييجى يقولى .. واحنا مالنا ؟! :d |
كل شىء له فأده وله ضرر الراب موسيقى روشه من ناس روشه اوى بس بتعطى فكر جديد للغناء اما الجانب الوحش انا لسه مش عارفوه
|
انا مش عارف انتوا مع الراب ولا ضده
على فكرة الراب العربي عالج قضايا كتير أوي خدوا عندكوا مثلا اغنية دمر نفسه بايده ودي لفريق مصري اسمه ايجي راب سكول الاغنية دي بتعالج قضية الادمان والمخدرات المقطوعة الرئيسية فيها بتقول " دمر نفسه بايده مفيش حاجة هتفيده هيوصل للنهاية وهيبقى ايه ده الشيطان زميله مخدرات طريقه واللي عامل صديقه هيضحك عليه " ده مثال من الاغاني الكتيرة اللي عارضت مشاكل كتيرة اوي وعلى فكرة ده دليل قوي جدا ان الراب العربي عموما بيحوال يغير الحياه وبيواجه المشاكل اللي بتواجه الشباب ومش بس كده دول دخلوا في السياسة يطريقة جميل جدا والامثلة كتير زي اغنية سكتنا كتير لفريق جنود الاسماعيلية وكمان اغنية انجلش بيغنيها الشباب المصري اسمها بس كفاية **** israel طبعا ده دليل قاطع على اخر حاجة هكتبها وهقف بعدها ( ان الراب فن التعبير عن روح الشباب وعن مشاكلهم اللي مقفله قدامهم كل باب ) في النهاية الراب مش عليه اي قيود كل واحد من حقه يتكلم بحرية وشكرا جدا جدا لكل اللي شارك في الموضوع ولسة الحوار شغال |
اقتباس:
عشان كدا سقطوا من نظري بجد ونفس النظام برده معا بتوع فريق اسماعلية سلودجرز .. اللي بحبه جدا هوا mtm و احمد مكي |
عندك حق ايجى راب سكوول وحش اوى بس مش كل صوابعك زى بعضها زى فريق x crew جميل اوى زى اغنيه شوارع مصر اغنيه بتتكلم عن مصر بجد بردوه مش كله وحش
|
والله العظيم انا عارف ان ايجي راب سكوول عملوا اغنية كلها شتايم
واسمها الهلاك بسي لو يسطولها من منظور تاني هتلاقوها بتشتم امريكا واسرائيل ودي مش تعتبر غلطة اما mtm فدول شوية شباب بيدوروا على الشهرة والدليل على كده قلة اغانيهم مكي بقة ده وجه جديد ومش عارفين اذا كان ناوي يكمل ولا هيخلع زي الفيشاوي والموضوع لسة شغال وعايزين مشاركة في لان راي الواحد امانة |
اقتباس:
اما بالنسبة لاغنية الهلاك عندك حق فيها .. وهيا كويسة فعلا وهيا عبارة انهم بيشتموا اسرائيل من خلال الاغاني بدليل انها في اولها بتقول .. لو كان لكل انسان سلاح يبقي هوا المايك اما احمد مكي صراحة انا شايف انه لغاية دلوقتي عمل اغنيتين 3 اغاني هادفة جدا > جدعان طيبيين .. ودي بيناقش فيها احوال الناس في مصر دلوقتي وان الطيابة اتشالت من قلوب الناس > كل زمان .. ودي بيرد فيها على الناس اللي شتموه اما سمعوا اغنية جدعان طيبين > شكرا يا ماما .. ودي اغنية عن الأم وصراحة احساسه فيها كان جميل جدا فانا شايف ان الراب دا مش حاجة وحشه دا بالعكس حاجة كويسة اذا تم توظيفه في شئ مفيد |
اقتباس:
وان شاء الله الموضوع لسة مفتوح للعايز يتناقش عن الراب |
| جميع الأوقات بتوقيت GMT +2. الساعة الآن 03:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.