مساله ميكانيكا بخصوص قوانين نيوتن وكمية الحركه مش فاهمها يا ريت الحل ببساطه
 

بسم الله الرحمن الرحيم
السلام عليكم ورحمه الله وبركاته

مدفع كتلته 3 طن يطلق قذائفه ثم يرتد على مستوى افقى بسرعه 3.5 متر / ث أوجد بثقل الطن مقدار القوة الثابتة التى أذا استخدمت ضد اتجاه حركة ارتداد المدفع لأوقفته بعد ان يرتد مسافة متر واحد




الحل 15/8 ثفل طن

لازم نفهم حاجة الاول

كلمة اطلق او قذف او اطلق او دفع كلها تعنى ان القوة المحركة للجسم = صفر ......( ق = صفر )
حيث ان تأثيرها ينتهى بمجرد حدوث الدفع للجسم
لو عايز تفهمها صح
هات قلمك وحطه امامك واضربه بصباعك زى البلية ...هنا انت دفعته تبقى ال ق = صفر
لكن لو انت فضلت تزق فيه كأنك بتزقه ف ال ق لا تساوى صفر
وضحت

شوف الحركة الافقية فيها

ك جـ = ق ــ م.......(1)
ق=صفر
ك= 3 طن = 3000 كجم
ع الايتدائية = 3.5 م/ث
ع النهائية = 0 .. حيث انه سيتوقف
ف = 1 متر

هات جـ من معدلات الحركة وعوض فى (1)
لايجاد المقاومة التى توقف حركة المدفع


يعنى المقصود من المسألة ان المدفع كان كل ما يضرب قذيفة فيرد لورا احنا عايزين المقاومة اللى تخليه لا يرد للخلف

تمام يا استاذنا القذيفة ملهاش قوة محرك

عوداً حميداً يا أستاذى الفاضل محمد سرور
الرياضيات من غيرك ليس لها أى طعم