|
آدم أشرف السيد ادخله لغات ولا حكومي ولا ازهر (افيدوني)
السلام عليكم
انا محتار آدم عنده 3 سنوات ونصف ومع بداية العام الدراسي الجديد بأذن الله يتم اربعة سنوات وهو سنة الحضانة (كي جي 1) فانا محتار قلت ادخله مدارس لغات خاصة أو مدارس تجريبي لغات او ادخله مدارس لغات عربي او معاهد ازهرية او يعقد في البيت وبلاش تعليم بس بجد انا فعلا محتار لان في ناس بتقولي بلاش لغات علشان مش هيكون كويس في العربي والعربي هيكون عنده وحش وكلامه كله هيكون انجليزي وناس تقولي لا خليه لغات لانه هيتعلم اكثر وناس تقول الازهر احسن وانتم اكيد ليكم اخوات وليكم ابناء خاضوا التجارب فانصحوني وانصحوا كل المقبلين على هذه المرحلة يعملوا ايه وانت كطالب رايك ايه طالب لغات او عربي او ازهري رب يستفيد الجميع من ارائكم |
والله انا هقول رايي لحضرتك مش فارقة بجد في الكليات كله بيستوي
وفي ناس بتقول دخلوه لغات عشان مشكلة الانجليزي في الكلية لو دخل كلية قمة ان شاء الله ربنا يوفقه بس انا رايي دخله عربي احسن بجد مش فارقة كله بستوي بعد كدا في الكلية دا رايي المتواضع :) بس ياريت تدخله مدرسة نضيفة كدا واسلامية خاصة يعني لان صراحة المدارس الحكومي بقت وحشة جداااااااا |
السلام عليكم ورحمة الله
يا عم اشرف يا ابو ادهم اكيد انتا هتنفعنى وتدخله تجريبى لغات!!!!! شوف اخى الكريم تربويا كما تعلمت فى السيكولوجى انه من الخطا ان يتعلم الطفل لغة ثانية قبل ان يتقن اللغة الام (العربى) ولكن للاسف الشديد اصبح الطفل مشتتا بين اك ثر من لغة ربما عربى وانجليزى وربما فرنساوى كمان او حتى ايطالى احيانا انا بجد مش عارف هو احنا ولادنا خلاص الظاهر انهم مولودن عباقرة اليومين دول المهم بالنسبة للمتاح حاليا المدارس التجريبية لغات من افضل المدارس بس بشرط اخى الكريم الاهتمام باللغةالعربية اهتمام خاص وايضا التربية الاسلامية اهتمام خاص حتى عشان ربنا ميحسبناش على التقصير لان احنا كلنا لله فيجب ان يكون التعليم هدفه هو التعرف على الله وانا نفسى ايضا يعلموا دين بالانجلش فى مدارس اللغات زى ما بيحصل بره شفت كدا فى السعودية مثلا واعتقد ان علم الدين من العلوم اللى المفروض الانسان يتعلمها حتى للعبادة وهو دا المقصود من حديث رسول الله صلى الله عليه وسلم(طلب العلم فريضة على كل مسلم ومسلمة)- يعنى مش شرط نكون فى الازهر عشان نتعلم دين فى النهاية دى وجهة نظرى المتواضعة باختصار بارك الله لك فى ادهم واقر به عينك وبارك الله للجميع فى اولادهم وتقبل مرورى وايضا تحياتى |
اتمنى تكون وصلت الفكرة ان شاء الله
|
عليك بالمكان الذي سيتعلم فيه دين ربه و قرانه و سنة نبيه
{ والباقيات الصالحات خير عند ربك ثوابا وخير مردا } تبقا كسبت فيه ثواب جانب هام و اساسي ثم بعد ذلك تفكر في اي علم اخر |
أنا رأي الأول توديه الكتاب (اللي بيحفظ فيه القرآن مالعربي بتشكيل)صدقني كدا هيتأسس صح في اللغة العربية وهيبقي متميز فيه بإذن الله وكمان هيكون حافظ كتاب ربنا وبعد كدا مسألة المدرسة دي مش مشكلة لان لما هتدخله اش شيء هيستفيد منه بس الأزهري احسن وبعدين بيهتموا بالدين وكمان العلوم اللي في المدارس العادية اما المدارس اللغات ممكن الولد يتأثر بالتفكير الاجبني واحنا عايزين حد يدافع عن الاسلام بجد بجد بجد اسمه تحفه ربنا يخليهولك يارب دا رأي ان شاء الله يفيد البلد ودينه |
انا بقى اللى احترت ارد ولا لاء المهم اولا المدارس العربى مشكلتها ان العدد كبير فى الفصول ثانيا المدارس التجريبى ( انا بتكلم عن تجربتى ) عدد الفصول قليل و العربى عندى كويس والله مش ماثرة شوف انت المدارس اللى عندكوا نظامها ايه |
بجد بشكر كل الآراء
ومحتاج المزيد من الآراء تنفعني انا وغير من أولياء الأمور |
اقول لحضرتك
لو فيه مدرسه أزهر لغات عندكوا تبقى حلوة اوى عندنا مدراس كده وبكده بتجمع بين الاتنين لو مفيش بقى يبقى دخله تجريبى وبجد اللغه هتنفعه جامد ده عن تجربة انا وأخى لحد ثانوى كملنا لغات والعربى بتاعنا عادى مش وحش ولا حاجه واللغه بتنفع جامد فى الكليه او فى اى مكان |
انا رايي يعنى حضرتك دخله لغات حتبقى لغته كويسه فعلا و انا حاسه بالفرق ده بس ياريت تبقى المدرسه مسلمه يعنى مش مسيحيه عشان الاهتمام شويه بالجانب الدينى اما لو فيه ازهر لغات حيبقى كويس جداااا :) ده رايي يعنى عن اللى حصلى :romarioxp6: فى رعايه الله |
انارايى يدخل مدرسة خاصة عربى مش لغات
|
عربى خاص ويدرس اللغات كمستوى رفيع ويحبذا لو مدرسه اسلاميه تحفظ القرآن الكريم وبشهادة الجميع فى كليات القمة التى تدرس بالانجليزيه لا يفرق خريجى اللغات من خريجى العربى المواد باللغات بقيت عبئ على الطالب والاسرة مثل العلوم والرياضيات وربنا يخلى لك آدم ده على اسمى ابنى:) |
المدارس الخاصة الاسلامية الاعداد فيها مش كتير ولا حاجة
المدارس التجريبية واللغات وكدا بيكون في انفتاح فيها شوية وموسيقى ومش عارف ايه انا رايي مدرسة خاصة اسلامية عربي :) الاسلامية الخاصة بيهتموا بالدين وبالصلوات وبيعلموا الطفل انك لازم تصلي وفي فسحة اسمها فسحة الصلاة والصبيان بيشددوا عليهم جامد الكلام دا كان في مدرستي وكمان كانوا بشددوا على البنات بس طبعا الصبيان اكتر عشان صلاة الجماعة فرض عليهم ومش في موسقى طبعا ربنا يوفقك للخير يا استاذ اشرف ويوفق ابنك |
تعرفوا بعد كل الاراء دي انا احترت اكثر
ولكننا نريد المزيد من هذه الاراء اللي انا استفدت منها وبكدا هحاول جاهدا البحث عن مدرسة اسلامية لغات ونريد المزيد من الاراء لعلى الله ينفع الجميع بآرائكم وشكرا للجميع بجد على الاراء الطيبة الفعالة |
ممكن تدخله مدرسة تجريبة
وفىى نفس الوقت تحفظ قرران |
| جميع الأوقات بتوقيت GMT +2. الساعة الآن 10:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.