|
حرام اللى بيحصل ده
ياجماعة ياريت لو اى حد من السادة المشرفين او المدرسين اللى يقدروا يوصلوا للمستشارة او قريبين من الوزارة يحاولوا حتى يشوفوا اول باب مش شرط المنهج كله على الاقل نجهز باب ونبدأ بيه ومش علشان خاطر الدروس والله علشان عيب لما المدرس يبقى داخل الفصل ويحضر زيه زى الطالب ارجوا من الاستاذ تامر صفوت اللى انا شخصيا بعتز بيه جدا انه يحاول واى حد يوصل لاى معلومة يضعها على الفور او حتى ميعاد نزول الكتاب انا حاسس انها اصبحت قضية امن قومى ممنوع الاقتراب او التصوير والله حرام عليهم وياريت لو حد عارف التعديلات اللى هاتبقى فى علم النفس يقول عليها اى حاجة طيب نبقى فاهمين اية النظام واحنا هنا كلنا اخوة وبنساعد بعض وياريت نتمنى الخير لبعض كمدرسين ومحدش يخبى حاجة على حد :friendsxs3:
|
شكلنا بجد موش كويس
|
اعتقد انه حان الوقت للذهاب الى ( ؟ ) وفتح الكتاب لمعرفة المخبى والمستور.........
........هههههههههههههههههه |
الفصل الاول فلسفة
1 مرفق
بنسبه كبيرة جدا هو دة الفصل الاول
|
احنا مش عاوزين بنسبه كبيره ونسبه قليله
يا ريت يبقى الكلام اكيد مش يوم ينزل الباب الاول ويوم تاني يتحذف ويوم يرجع اللهم ثبتنا |
اسرار ما بتظهر الا اخر مادة ان ظهرت
|
محدش يتحايل عليهم كدا كدا اجلا ام عاجلا هيتعرف
سبوهم مفكرين انو كنز انا متأكد ان فى ناس معاها المنهج وهما من المشرفين على البوابة وشغالين بيه فى سناترهم |
والله كلامك صح 100% وانا مستاء من المشرفين انهم بيشتغلوا دروس بالمنهج والباقى ياكل نفسه
|
محدش هيموت من الجوع لوانت كمشرف عارف المنهج وبتنكره عن الزملاء لان ده مش شطارة دي خيبة امل راكبة جمل علي اللي احنا فيه كمعلمين وعاوزين حال التعليم يتصلح اذاي وهناك نفوس ضعيفة من الكبير الي الصغير الرازق هو الله محدش بياخد رزق حد معزرة للاطالة بس بعبر عن المهزلة بتاعة المواد الفلسفية مش عارف لومفيدة كان حصل اكتر من كده ايه تقولشي فيزياء جديدة
|
حسن حسين القمة
كلها ساعات أوأيام والكتاب يبقى مع الكل .....واللى مخبى الكتاب دلوقتى هيحس بجرم ما فعله....
|
استاذى الفاضل نحن كمشرفين ليس لنا حق اصدار اى ملازم او اجزاء عن المنهج الا بعدالتأكد من صدور الكتاب رسميا وذلك للمصداقية
ثانيا والله العظيم يا استاذنا الفاضل احنا ما اشتغلنا فلسفة نهائيا فى اى سنتر او درس وبعدين فى نفس الوقت نحن مش هنمنع اى ملازم تنزل من اى زميل عن المنهج الجديد وهناك بالفعل بعض الزملاء قاموا برفع الوحدة الاولى فلسفة وهذا للتوضيح وجزاكم الله خير تحياتى الاسطورة فكرى الزيدى |
والله العظيم انا كل اللى اقصده اننا نفيد بعض احنا هنا كل واحد من منطقة شكل يعنى استحالة حد من القليوبية هايروح ياخد درس فى سنتر فى القاهرة واللى فى القاهرة عمره ما هيروح حلوان والطلبة ماشية واحنا المدرسين اللى باقيين لبعض بجد نفسى يبقى قلبنا على بعض كمدرسين ونتمنى الخير للجميع انا مش قصدى المسئول عن المنتدى انا كل اللى اقصده المدرسين اللى فعلا توصلو للمنهج ومخبينه لانه فى اكيد ناس وصلت ليهم احنا بنبقى فى مدرسة واحدة وبنفيد بعض وبنبلغ بعض مش من محافظات مختلفة
انا احترامى الكامل لادارة المنتدى والمشرففين ولكل الناس ومش قصدى اقل من حد والله كلنا اخوات وياريت ما تفهمنى غلط ياستاذ فكرى هاشم الزيدى |
| جميع الأوقات بتوقيت GMT +2. الساعة الآن 06:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.