بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية الإعلام (https://www.thanwya.com/vb/forumdisplay.php?f=1018)
-   -   هــــــــــام جـدا لكل اللى عاوز يدخل اعلام (https://www.thanwya.com/vb/showthread.php?t=444916)

star 1 25-07-2012 05:57 PM

بالنسبة بقى لاتحاد الطلبة فى شرط للاشتراك ولا انتخابات عادى وكنت عاوزة اعرف الانتخابات دى اول لما السنة تبدأ لاايه ؟
وسؤال فضولى حضرتك قسم اية ؟

Noha Reda 25-07-2012 08:08 PM

لو سمحت أنا جبت 90% أدبى
و كده مش هلحق اعلام
بفكر فى اعلام تعليم مفتوح .. بس مش عارفة هى فعلا زى اعلام العادى من حيث قوة الشهادة و التعليم و فرص العمل ولا لأ؟ و نظامها ايه بالظبط؟ و هل ممكن لو جبت تقدير فى سنة 1 أحول اعلام عادى؟؟

و عندى سؤال تانى .. اعلام خاص فرصه فى العمل بتبقى زى اعلام عادى ولا لأ؟؟ و ايه أحسن جامعة خاصة فى الاعلام؟

و شكرا مقدما :)

فداء فلسطين 26-07-2012 05:17 AM

أول حاجة بالنسبة للمغتربين انا جايبة 95.7 وجايو من السعودية هل ممكن ألحق اعلام ؟؟
وبالنسبة للمواد اللي بدرسها ايه هيا ؟؟؟؟

askar elnegm 26-07-2012 05:45 AM

اقتباس:

المشاركة الأصلية كتبت بواسطة ali yusuf (المشاركة 4679259)
ألف ألف شكر أستاذ أحمد..جزاك الله خيرا..
أسعدت قلوبنا بتعاونك..
ربنا يتقبل منك وكل سنة وحضرتك طيب


الشكر لله :) .. بس انا اسمى محمد مش احمد :d

askar elnegm 26-07-2012 05:49 AM

اقتباس:

المشاركة الأصلية كتبت بواسطة star 1 (المشاركة 4679636)
السلام عليكم ورحمة الله وبركاتة
انا الحمدلله جبت 99.27% اناعاوزة أسأل انا محتارة بين اعلام وسياسة واقتصاد اية الافضل ؟
انا كتبت اعلام فى الاول وبعدين سياسة واقتصاد بس انا قلقانة من اعلام اوووووووى لانى عرفت ان بيبقى فى interviewفى سنة تانية وانا اصلا ثقافة مفيش مش متابعة حتى الاحداث الجارية انا قلقانة اوووووووى انى مدخلش قسم صحافة وخايفة انى اندم انى دخلت اعلام ....
شكرا جزيلا

اولا الف مبروووك مجموعك حلو اوى ماشاء الله :) ... شوفى الاختيار دة يرجعلك انتى حسب انتى مرتاحة لانهى كلية بس اعلام اسهل ومجالها احسن اعتقد كدة :) .. اه بيبقى فى انترفيو فى اجازة سنة اولى علشان تخصص تانية بس ماتقلقيش طالما عاوزة صحافة لان الانترفيو بتاعها بيبقى سهل واسئلته خفيفة لكن انترفيو الاذاعة هو اللى صعب .. يعنى احنا السنة دى كل اللى كاتب رغبة اولى صحافة نجحوا حتى اللى ماعرفوش يجابوا :) .. فماتقلقيش ادخلى وخليها على الله واحنا معاكى فى حاجة تحتاجيها واى استفسار تحت امرك وباذن الله تدخلى صحافة وعلى فكرة حتى لو انتى اى قسم تانى غير صحافة ممكن تشتغلى فى مجال الصحافة عادى جدا المهم انك فى اعلام بس ان شاء الله تدخلى صحافة بسهولة ماتقلقيش :)

askar elnegm 26-07-2012 05:53 AM

اقتباس:

المشاركة الأصلية كتبت بواسطة star 1 (المشاركة 4679649)
بالنسبة بقى لاتحاد الطلبة فى شرط للاشتراك ولا انتخابات عادى وكنت عاوزة اعرف الانتخابات دى اول لما السنة تبدأ لاايه ؟
وسؤال فضولى حضرتك قسم اية ؟

ههههههههه انتى داخلة سخنة كدة ليه على اتحاد الطلاب :d .. بصى هو بيبقى انتخابات بتقدمى فيها وطبعا علشان تنجحى لازم تبقى مشهورة فى الكلية بين زمايلك اللى فى الفرقة بتاعتك وتكونى محبوبة بين الناس علشان تاخدى اصواتهم والمفروض انه يبقى فى اول السنة او اواخر الترم الاول مش عارف ميعاده السنة دى امتى لما يبقى يخلص الاتحاد بتاعنا احنا ونلحق نساعدكوا فى التقديم وفى اى حاجة انتو عاوزينها ولو عاوزينا نمشى من دلوقتى تحت امركوا :d

انا قسم علاقات عامة واعلان اخترت القسم دة لانى حابه وحاسس ان مستقبله كويس مع انى كان ممكن ادخل صحافة وبسهولة لو كنت كاتبها رغبة اولى بس انا مش عاوزها وليا اصحاب كتير فى اذاعة و صحافة :)

askar elnegm 26-07-2012 05:58 AM

اقتباس:

المشاركة الأصلية كتبت بواسطة فداء فلسطين (المشاركة 4682717)
أول حاجة بالنسبة للمغتربين انا جايبة 95.7 وجايو من السعودية هل ممكن ألحق اعلام ؟؟
وبالنسبة للمواد اللي بدرسها ايه هيا ؟؟؟؟

باذن الله تلحقى :) .. المواد بتبقى سهلة جدا على فكرة والترم بتاخدى 6 مواد

العربى والانجلش ثابتين للترمين
وترم بتاخدى صحافة واعلان / والترم التانى اذاعة وتليفزيون و علاقات عامة
وفى مادتين بتختاريهم كل تيرم من اصل حوالى 5 مواد كل تيرم زى ( تاريخ مصر الحديث والمعاصر - تاريخ العالم المعاصر - علم النفس الاعلامى - علم الاجتماع الاعلامى - الجغرافيا السياسية - مبادئ علم السياسة - مبادى الاقتصاد - اسس الادارة - القانون الدولى -الاعلام العلمى ) بينزل منهم 5 كل تيرم وبتختارى 2 واحنا هنبقى نتابع معاكوا ونقولكوا على الاسهل منهم لما تدخلوا الكلية ان شاء الله وقبل مايفتح باب التسجيل للمواد علشان الكلية فيها نظام وحش اوى اللى هو باللى يلحق يسجل الاول :d لكن معظمهم ماود سهلة والكلية التقدير الشعبى فيها جيد جدا دة لو مجبتيش امتياز اصلا :)

askar elnegm 26-07-2012 06:04 AM

اقتباس:

المشاركة الأصلية كتبت بواسطة noha reda (المشاركة 4681128)
لو سمحت أنا جبت 90% أدبى
و كده مش هلحق اعلام
بفكر فى اعلام تعليم مفتوح .. بس مش عارفة هى فعلا زى اعلام العادى من حيث قوة الشهادة و التعليم و فرص العمل ولا لأ؟ و نظامها ايه بالظبط؟ و هل ممكن لو جبت تقدير فى سنة 1 أحول اعلام عادى؟؟

و عندى سؤال تانى .. اعلام خاص فرصه فى العمل بتبقى زى اعلام عادى ولا لأ؟؟ و ايه أحسن جامعة خاصة فى الاعلام؟

و شكرا مقدما :)

اكيد طبعا اعلام تعليم مفتوح مش زى العادى هما بيحضروا يومى الجمعة والسبت اللى احنا بنبقى اجازة فيهم وكمان محاضرتهم فى كلية دار العلوم مش كلية الاعلام وكمان مفيهاش تخصص بتفضلى طول ال 4 سنين قسم عام يعنى بتدرسى كله والشهادة برضو اكيد الانتظام فرصته اقوى لكن كل حاجة بتاعت ربنا وحسب الكفاءات برضو حطى دى فى دماغك قوى انه مش شرط الشهادة اوى زى الكفاءة :) ..وماينفعش تحولى من تعليم مفتوح الى انتظام لانه نظام تعليم مفتوح مش انتساب فى فرق وكليتنا مفيهاش نظام الانتساب .. وموضوع الاعلام الخاص معرفش عنه حاجة للاسف وربنا معاكى ويوفقك :)

Noha Reda 26-07-2012 10:11 AM

اقتباس:

المشاركة الأصلية كتبت بواسطة askar elnegm (المشاركة 4682797)
اكيد طبعا اعلام تعليم مفتوح مش زى العادى هما بيحضروا يومى الجمعة والسبت اللى احنا بنبقى اجازة فيهم وكمان محاضرتهم فى كلية دار العلوم مش كلية الاعلام وكمان مفيهاش تخصص بتفضلى طول ال 4 سنين قسم عام يعنى بتدرسى كله والشهادة برضو اكيد الانتظام فرصته اقوى لكن كل حاجة بتاعت ربنا وحسب الكفاءات برضو حطى دى فى دماغك قوى انه مش شرط الشهادة اوى زى الكفاءة :) ..وماينفعش تحولى من تعليم مفتوح الى انتظام لانه نظام تعليم مفتوح مش انتساب فى فرق وكليتنا مفيهاش نظام الانتساب .. وموضوع الاعلام الخاص معرفش عنه حاجة للاسف وربنا معاكى ويوفقك :)

شكرااااااااااااااااااا :)

ali yusuf 26-07-2012 10:56 AM

اقتباس:

المشاركة الأصلية كتبت بواسطة askar elnegm (المشاركة 4682765)
الشكر لله :) .. بس انا اسمى محمد مش احمد :d

اعذرني استاذ محمد انا أحيانا ببعت المشاركات بالنهار وانا صايم:)..وبعدين محمد وأحمد كلها أسماء روعة..دمت بخير:)

askar elnegm 26-07-2012 03:55 PM

اقتباس:

المشاركة الأصلية كتبت بواسطة ali yusuf (المشاركة 4683007)
اعذرني استاذ محمد انا أحيانا ببعت المشاركات بالنهار وانا صايم:)..وبعدين محمد وأحمد كلها أسماء روعة..دمت بخير:)

ههههههههه عادى ولا يهمك :)

Nehal Samir Faraj 29-07-2012 05:35 AM

اقتباس:

المشاركة الأصلية كتبت بواسطة askar elnegm (المشاركة 4674500)
الشكر لله :) .. للاسف انا معرفش حاجة عن المغتربين غير ان مصاريفهم اكتر مننا بتبقى حوالى 3 الاف جنيه :) .. شوفى انتى عاوزة تستفسرى عن ايه بالظبط بالنسبة للمغتربين وانا اسالك زمايلى المغتربين مفيش مشكلة :)

متشكره جدا ..

طيب النسبه الي الكليه بتقبلها ياعني كام في الميه ؟؟

والمصاريف بتفضل كدا وله هيا اول سنه بس زي باقي الكليات ...؟؟

وسوال لحضرتك .. انتا قسم ايه .. وايه رئيك في الكليه .. هشتغل يعني ؟ انا الناس بتحبطني مع اني حبا الكليه جدا وحبا قسم صحافه جدا جدا ...

بس كدا وتسلم متعبينك ..:)

الـشـيـمـ ء ـا 29-07-2012 03:14 PM

انا جايبه 390 و بكدة مش هدخل اعلام على نص درجة و اتقبلت السن عين شمس:(
وفى ناس اتقبلت فى الكلية و مش هيقدموا
كده هيسيبوا مكان
ينفع بقى ابقى بدالهم وازاى؟

mero_pink_flower 29-07-2012 07:23 PM

اقتباس:

المشاركة الأصلية كتبت بواسطة الـشـيـمـ ء ـا (المشاركة 4696579)
انا جايبه 390 و بكدة مش هدخل اعلام على نص درجة و اتقبلت السن عين شمس:(
وفى ناس اتقبلت فى الكلية و مش هيقدموا
كده هيسيبوا مكان
ينفع بقى ابقى بدالهم وازاى؟

قدر الله وما شاء فعل
aked daa el 5eer leky matz3alesh
bs ma3tkdsh enek yenfa3 ta7wly wenty msh ***baa magmo3haa

nourmandy 29-07-2012 08:48 PM

انا علوم و جبت 97.2 و جالى السن عين شمس
بس بفكر احول اعلام القاهره
ممكن تكلمنا عن مميزات الكليه و نظام الدراسه
انا اعرف ان ليها 3 اقسام و قرأت عن المواد بتاعتها بس معرفش حاجه تانيه


جميع الأوقات بتوقيت GMT +2. الساعة الآن 01:20 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.