|
خاص بطلبة كلية الحقوق ( هام ياريت الدخول )
المحكمة الالكترونية دى فكرة بتطبق فى جامعة عين شمس وهى عبارة عن محكة كاملة يعنى هيكون فى قضية من الى بنتعرض ليها فى الكلية مثلا او لو اى حد عندة قضية ممكن يقولها وهيكون فى محاكم بمختلف الدرجات يعنى اول درجة واستئناف والنقض ياريت اعرف اية رئيكم فى الفكرة واى حد عندة اضافة يا ريت يقولها هنا gamal saber |
كدة كويس ممكن نعمل اول قضية
وهى كلاتى استيقظ خليفة على صوت ارتطام زجاج احدى النوافذ بمنزلة فنظر فاذا بلص يجرى خارجا من المنزل ويحمل مسروقات وكان قد ابتعد عن المنزل اسرع خليفة ولحق بة وقام بمحاولة الامساك بة فدفعة اللص فسقط على الارض وارتطمت راسة بالرصيف ومات قبض على اللص وبمواجهتة اقر بتلك الافعال المطلوب واحد ممثل للنيابة العامة يرفع القضية الى المحكمة مدعومة بالتكييف القانونى السليم وواحد يقوم بدور المحامى عن المتهم وواحد يقوم بدور القاضى الى شايف فى نفسة القدرة على اداء اى دور من دول يتقدم للااخذة والاحقية لمن يقبل الدور اولا مع ملاحظة ان كل دور من الاداوار دى قادر على قلب القضية تماما لو واحد فى الاتنين التانيين اخطى فى شيى gamal saber |
بجد يا جمال انت عبقرى والله فكرتك جميله جدا وانا شلت الردرود القديمه ونبدا بقى من الاول وانا هاقوم بدور ممثل النيابه العامه هيا الحكاية صعبه شويه عشان احنا فى اولى بس اهو نبدا مع بعض وانت تحاول تساعدنا اوك:p أسندت النيابة العامة للمتهم الجناية رقم لسنه 2008 لأنه في يوم 17/12/2008 *** المجنى عليه خليفه عليه . الوقائع :- حسبما يستبين من أوراق المحضر يتضح الأتى 1- دخول غير مشروع الى منزل المجنى عليه لمحاولة سرقة المنزل وسرقة مشغولات ذهبيه ومبلغ من المال قدره ثلاثة الاف جنيه 2- وعند محاولة هرب الجانى من منزل المجنى عليه قام بكسر النافذه حتى يتمكن من الهروب 3- فاستقيظ المجنى عليه خليفه على صوت ارتطام النافذه 4- فلحق به المجنى عليه وحاول الامساك به فدفعه الجانى على الارض وارتطمت راسه بالرصيف ومات . وقامت مباحث ... بظبط المتهم والقبض عليه وبحوزته المشغولات الذهبيه التى سرقها من منزل خليفه المجنى عليه . وقمنا بعمل اللازم من رفع البصمات من منزل المجنى عليه واتضح انها تطابق بصمات المتهم وبعد مواجهة المتهم بهذه الادله قام بالاعتراف على جريمته . لذا فنطالب من عدالة المحكمة ان توقع العقوبة على المتهم الماثل امامكم .. بس يجمال العقوبة مش هتبقى *** مع سبق الاصرار او الترصد صح ؟ لانه *** مش عمد ولا ايه والجريمه الاول كانت هتبقى جنحه بس عشان ررماه عالرصيف بقت جنايه بص انا حاسس انى لخبطت كتير فى الكلام الى فوق شوفه كدا وقولى رايك ايه :redface: ومستنين الدفاع والقاضى |
جميل اوى الموضوع ده
انا ممكن اشترك معاكم وهمثل هيئة الدفاع اولا مكنش فيه شهود شهده عملية دفع الجانى للمجنى عليه من السيارة كل اللى حدث ان المجنى عليه حاول انه يمسك فى السيارة وهى مصرعة اختل توازنه وسقط على الارض وارتطمت رأسه بالرصيف وبما ان مفيش شهود لحظة ارتكاب الواقعة يبئا الرواية السليمة هى اللى انا بتحدث عنها التصور العام للوقعة بيقول ان الجانى كان ممسك بعجلة القيادة منين جتله القوة انه يفضل محافظ على توازن السيارة وهى مسرعة وفى نفس الوقت تجيله القوة على دفع المجنى عليه منها بدون اختلال عجلة القيادة ؟ لذلك طبقا للتصور الخاص اعتقد ان الجانى لم يقم بدفع المجنى عليه ابدا وانما اختل توازن المجنى عليه حينما ارد الامساك بالسارق وان الاعتراف الذى اخذ من موكلى تم تحت الاكراه من جانب راجل الشرطة وهنا التمس رفض دعوة ال*** الخطا وتحويل المحكمة من محكمة الجنايات الى محكمة الجنح وشكرا :) |
اقتباس:
اقتباس:
بجد والله منور الموضوع واهلا بيك كممثل للدفاع بس هو اية الحكاية الى انت كتبها دى لو قرات القضية كويس وقرات كلام محمد فى النيابة هتعرف ان فى بصمات والمتهم ضبط وبحوزتة المسروقات واعترف برتكابة لكل الافعال وبعدين محدش جاب سيرة عربية لاكن انا هعتبرك فعلا ممثل للدفاع وهرد عليك بشكل رسمى وقانونى لاانى نصبت نفسى قاضيا فى هذة القضية لاكن بعد شوية عشان بحل حبة مسائل ميراث دلوقتى واهلا بيك يا حضرة المحامى |
اقتباس:
دة تعديل بسيط على محضر النيابة عشان ياخد الطابع القانونى وهو لايحمل اى تعديل لما قررة ممثل النيابة الاعامة وانما مجرد اصباغ بالطابع القانونى |
كدة هيبقى عندنا دعوتين منفصلتين تقضى فيهم محكمتين منفصلتين
هما محكمة الجنايات لنظر الدعوى الجنائية وهى السرقة المشددة ومحكمة الجنح للنظر فى جنحة ال*** الخطا وانا هقوم بدور القاضى بالتصدى لقضيتين لسبب ان القضية المنظورة فى الجنح عمرها مع الجنح قصير جدا مش مستهلة يكون فى قاضيين |
اقتباس:
لاكن هقلك اولا قضية ال*** الخطا منظورة امام محكمة الجنح مش الجنايات ثانيا انت فى مرافعتك اتكلمت عن تهمة ال*** الخطا وجبتش سيرة السرقة المشددة ثالثا ان دوقتى قدام قضيتين منفصلتين موجهين من النيابة العامة ضد موكلك تهمة السرقة المشددة ودى بتنظر فى محكمة الجنايات وتهمة ال*** الخطا وتنظر فى محكمة الجنح عاوزك بئة تجهز دفاع فى كل قضية على حدة بس يكون بعيد عن العربية لان مفيش عربية دة فى جثة وزجاج مكسور ومسروقات مضبوطة بحوزة المتهم وبصمات المتهم فى البيت واعتراف فى النيابة العامة بعد ما الشرطة حولت القضية للنيابة يعنى هنا اتهامك للشرطة بالاكراة ملهوش اى لزمة كمان نصيحة بلاش تلعب على حتة الشهود دى بس انا بيتهيقلى انت خريج تجارة على ما اعتقد عموما حاول تقوم بدور الدفاع وانا ممكن اغششك على الخاص يلا يا مان جهز اسلحة الدفاع ومستنى مذكرتين دفاع كل واحدة لواحدها وهعتبر كلامك الى كتبتة دة كان لم يكن ومتحولش تدفعلى رشوة عشان القضاء بتاعنا نزية جدا انما لو هدية النبى علية الصلاة والسلام قبل الهدية |
الباب مفتوح للجميع للاشتراك فى فريق الدفاع عن المتهم
يعنى مكن يبقى فى اكتر من محامى بس الى ييجى بعد كدة ينسق مع استاذ اسلام ممكن يدخل فى اى مرحلة من مراحل الدعوى يعنى مش شرط من الاول وعلى فكرة القضية دى سهلة الى جاى بعد كدة هيبقى اصعب |
ان شاء الله
هجهز دفاع لقضية قضية وغدا هنزل مرفعتى |
منتظرين الدفاع فى جلسة الغد
|
وندعو السيد وكيل النائب العام لحضور الجلسة فى الدعوى الجنائية
|
موجود يا فندم:d
|
انا كمان موجود بس النت زبالة
|
انا كمان موجود بس النت فعلا تقيل
|
| جميع الأوقات بتوقيت GMT +2. الساعة الآن 06:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.