ممكن اعرف دكتور الرجيم بيبقى خريج علاج طبيعي ولا لاء ؟؟

للمغتربيييييييين 95.7 يدخل علاج طبييعي ؟؟؟ من السعودية؟؟؟

علاج طبيعى تقريبا والله اعلم

ارجو الرد
 

انا عايزة اعرف هو ال 8 مواد دول في الترم الواحد ولا متقسمين علي الترمين و لو غير كدا يبقي بدرس كام مادة في الترم ؟؟ و ياريت لو حد يعرف التنسيق بتعها في حدود من كاااام لو انا اميريكان دبلومة لاني مش عارفه السكووور المفروض اجيبه علشان احصل علاج طبيعي جامعه القاهرة و بليز المصاريف بتعتها اد اييه وهل في بصات بتوصل لخارج القاهره ؟؟ شكرااا و اسفه علي الاسئله الكتيره:)

بالنسبة لل8 مواد
هما ممتدين طول السنة
يعنى عندك الترم الأولانى 8 مواد و هم نفس مواد الترم التانى :)

أما بالنسبة للتنسيق فى المعادلات معرفش للأسف و المصاريف لو زى اللى داخل من ثانوى عام يبقى بتبقى مبين ال100 و ال200 و فى 100 فى الأول عشان الأنترفيو

أما الباص مش متأكدة أوى لكن على حد علمى مفيش لكن ممكن تسألى

يا جماعة بجد الى دخل الكلية دى لاوم يفرح دى مستقبلها رائع وهتعرفوا القيمة بتاعتها قريب اوى


عاشقة العلاج الطبيعى

ياجماعة لو سمحتوا خريج علاج طبيعي شغله بيكون إزاي بيعمل إيه ؟

بصى يا قمر كتييييييييير اوى اولا انتى تفتحى عيادة وربنا يرزقك وتقفليها وتفتحى مركز وربنا يرزقك تانى وتفتحى مركز تانى يعنى من حقك تفتحى مركزين تمام كدة اما مجالات الشغل لدكتور العلاج الطبيعى فكتير اوى مش هقدر اجمعهم كلهم هقولك الى فى بالى واعملى بحث على جوجل هتلاقى كل حاجة زى شلل الاطفال والشلل الدماغى وكل انواع الشللل الحروق تاهيل بعد العمليات زى القلب المفتوح ليكى دور كبير فى العناية المركزة سلس البول المسنين النسا والتوليد علاج الالم والعمود الفقرى والكسور والا عصاب وكمان التغذية والريجيم وحاجات تانية بس مش مجمعة دلوقتى اى حاجة عايزاها انا فى الخدمة بلتوفيق

بصى ديلوقتى فى جامعة القاهرة أقسام عظام و أعصاب و أطفال و نسا و باطنة و جراحة و حروق و فى جامعة خاصة مش عارفة أنهى فتحت قسم جلدية
هو كلية علاج طبيعى فى واحدة بس حكومة و تلاتة خاص أولا كدا فعدد الخريجين قليل مقارنة بالطلب علينا فكله بيلاقى الشغل اللى عايزة إن شاء الله
نيجى بقى لأنواع الشغل
ديلوقتى إنتى أما تتخرجى إن شاء الله ليكى تكليفى فى مستشفيات وزارة الصحة "ده بالنسبة للحكومة الخاص معرفش فى منهم ملهوش تكليف ولا لأ فمقدرش أقتى :) "
و الخاص أنتى ممكن تشتغلى تدريب فى عيادة أو مركز "و فى ناس بتشتغل من تالتة و رابعة و أمتياز" أو إنك تفتحى حاجة مستقلة بيكى و زى ما دكتورة نور قالت ليكى تفتحى مركزين أو عيادتين
حبيتى بقى تسافرى برا
عندك دولة عربية أو أوروبية أو أمريكا عليكى طلب كبير لأن اولا العلاج الطبيعى فى مصر فى الترتيب العالمى واخد مركز من المراكز العالية و كمان احنا واخدين أعتماد من أمريكا يعنى مبنعملش المعادلة الأمريكية زى باقى الكليات الطبية كلها "و ده مش عشان سفر أمريكا بس دول كتير كمان"

يعنى باختصار كدا
عايزة تشتغلى حكومة أو خاص.تقتحى عيادة او تشتغلى تحت أيد حد.تشتغلى فى مصر او تسافرى برا
كله موجود

بالنسبة لطبيعة شغلنا بقى فده فى توبيكس كتير فى القسم هنا بتشرحه بأستفاضة و ممكن ع الفيس كمان تلاقى أكتر بكتير
لكن أنتى هاتتعاملى مع المريض اطول فترة من أى تخصص تانى و كمان كمستوى علمى انتى المفروض تبقى كمستوى علمى من نواحى كتير عالية أوى فيه لكن ده هاتعرفى فى الكلية أكتر و كدا ^_^

كليات العلاج الطبيعى الخاصة ليها تكليف زيها زى العام

تمام ميرسى يا دكتورة
الحمد لله انك رديتى لأن النقطة ديه أنا مكنتش عارفة صحتها أو غلطها فقلت ماقولش حاجة و خلاص :)

شكرا ليكي يادكتورة
بس سؤال إيه هو طبيعة العمل
يعني لما أتخرج مثلا أعمل تمارين للمرضى وكدا ولا أشخص حالة ولا إيه بالزبط ؟
وآسفة على الإزعاح

اة عادى لتشخصى على اساس التشخيص من الدكتور الى حولك الخالة بعد متشوفى الاشعات والتحاليل علشات نعملى برنامج العلاج صخ وفى تمارين طبية معينة وفى اجهزة للعلاج الطبيعى وفى العلاج المائى وكتير متقلقيش هتتدى ادوية كمان فى ادوية مسموح ليتا نكتبها وادخلى غلى مواد وبنود العلاج الطبيعى وانتى تعرفى كل حاجة بلتوفيق

ديلوقتى فى مصر المريضض بيتحولك من دكتور بشرى فى أى تخصص مبيجيش ع طول
لكن الحمد لله فى خلال وقت قليل هايجيلك المريض من الأول و أنتى اللى تشخصى كل حاجة من الأول خالص زى ما فى باقى الدنيا
طيب ديلوقتى أيه اللى بيحصل
المريض بيتحولك و أنتى بتبصى فى اللى كاتبه الدكتور و برضه بتشخصى أنتى حسب حالة كعلاج طبيعى لأن فى الأغلب الحالة بتبقى مبعوتة بتشخيص عام
و بيبقى مع المريض الأشعات و التحاليل و الروشتة بتاعته و كدا و بعد ما تكشفى عليه بتبصى عليهم و تحددى المشاكل أيه و تحطى برنامج العلاج
موضوع التمارين ده مش كدا خالص
التمارين ديه أنواع كتير و بتبقى بعد مثلا لما المريض يبدأ يتحرك و كدا و بتدريج لكن طرق العلاج الطبيعى كتيرة جدا جدا
انا حاليا رايحة تانية و عندك المفروض أولى و تانية بتدرسى فيهم الأساسيات اللى من ضمنها طرق العلاج الطبيعى المختلفة و بعد كدا فى تالتة و رابعة بتدرسى الطرق ديه بتستخدم أزاى و تتحد أنهى يستخدم فى أيه فى كل قسم و لكل مرض و كدا و بتبقى جزء كبير من الدراسة فى المستشفيات و بعدها سنة الأمتياز ديه بتبقى شغل بس
ده اللايحة القديمة اللى إن شاء الله هاتطبق عليكى أما اللايحة الجديدة اللى ممكن تكونى سمعتى عنها و هى خمس سنين دراسة و سنة أمتياز...ديه لسا مش عليكى أنتى إن شاء الله تطتبق ع الدفعة الجاية بقى بإذن الله

بس هو اكيد موضوع الخمس سنين دة يا دكتورة ندى ولا اية وكمان اعتقد ان كدة الطلبة هيخرجوا بلدى بى تى صحيح