ملفات وقضايا عربيه
 

بسم الله الرحمن الرحيم
الصومال دوله اسلاميه عربيه بها مجاعه لم تشهدها من قبل الا تستحق منا ولو جزء قليل من وقتنا بدل الكلام الفاضى اللى بنلف فيه ( وعاملين فيها خبراء سياسيين وفقهاء فى الدستور ) نشوف حاجه نعرف نعملها وطريقه قانونيه نوصل ونجمع بيها تبرعات للشعب الصومالى
افيدونى افادكم الله
ولا سورى مش فاضيين غير لمواضيع معينه؟؟؟؟

دي نقطة من بحر
عرفت إن لينا في السياسة والدستور وفي مجاعة الصومال ولنا بفضل الله تعالي أيدي في كافة أمور الخير والبر العلم

المساجد لدينا بدات منذ اسبوع فى تجهيز القوافل

نسال الله تعالى ان يوفق الجميع

لكن المهم والأولى كما سمعت من المتخصصين هو ادخال كمية وفيرة من المحاليل الطبية وعيادات صغيرة متنقلة

حيث علمت ان اول الخطوات الطبية لعلاج مضاعفات المجاعة هى اعطاء المحاليل حيث لا يفيد الطعام فى الاسابيع الاولى لمن وصلت عنده المجاعة الحد الذى لا تستطيع المعدة عنده هضم الطعام بسبب تحلل الكالسيوم وضمور العضلات

اللهم فك كرب اخواننا بالصومال

ربنا يجعله فى ميزان حسانتكم 000
ويجنب اعمالنا واعمالكم الرياء ما ظهر منها ومابطن 0000000

تقبل الله منكم صالح الدعوات وجنبنا شرها

ربنا يكرمك كده زى ما بتحب الخير لاخواتك فى الحياة و فى الدين ..

انا بدأت حملة عندنا انى فهمت 4 جوامع و 2 كنيسة انهم يدعوا للموضوع ده و لسه هنلف توعية فى الشوارع بكده ..

امممممممممممم برضه اتتقلب سلف ودعوه سلفيه
مالكمش حل حسبى الله ونعم الوكيل
فعلا اللهم اكفنا شر الشرك الاصغر ( الرياء )
سؤال بس انا مليش دعوه لا بالدعوه السلفيه ولا الاخوانيه اوصل واقدر اساعد ازاى ممكن اجابه شافيه ؟؟؟

لجنة الإغاثة الإنسانية بنقابة أطباء مصر التبرع على حساب رقم 261363 بنك فيصل الإسلامي فرع القاهرة أو 20737/3/1 بنك قناة السويس - فرع الدقي لصالح الصومال، ومرفق به أن التبرع لصالح صندوق الصومال، للتبرع المباشر 42 ش القصر العيني - دار الحكمة - القاهرة , لإرسال مندوب لجنة الإغاثة الى بيتك اتصل ب- 0020177395657- 0190147007 - 0119831657 -01527826831
من طريق التبرع (تبع لجنة الاغاثة بنقابة الاطباء):
أ - (داخل المقر بالقاهره ) التبرع للجنة الاغاثة بنقابة الاطباء يمكنكم التوجة إلى المقر والتبرع
العنوان: (42 ش القصر العيني - دار الحكمة - قسم الاغاثة الانسانية)

ب- التبرع للجنة الاغاثة بنقابة الاطباء عن طريق بنك فيصل
خطوات التبرع داخل فرع بنك فيصل بالتفصيل:
1- اذهبوا لاقرب فرع بنك فيصل الاسلامى المصري ( لمعرفة الفروع هنا )

2- عند دخول البنك يوجد موظف استقبال بيعطي رقم في ورقة بدوركم فى التعامل مع الشبابيك ، تذكروا له انكم
تريدوا عمل ايداع ، سيقوم بسؤالكم هل الايداع في نفس الفرع ام لا ، لاحظوا ان رقم الحساب التابع للجنة الاغاثة نقابة الاطباء تابع لفرع القاهره فاذا كنتم فى بنك فيصل فرع القاهره سيكون الايداع في نفس الفرع ، اما اذا كنتم في فرع اخر سيكون الايداع فى فرع الاخر ، وستأخذوا ورقة مكتوب فيها رقم دوركم فى عملية الايداع وتنظروا حتى ياتى تسمعوا رقمكم عن طريق السماعات متبوعاً برقم الشباك الذى ستتعاموا معه ( سواء شباك الايداع من نفس الفرع أو شباك الايداع فى الفروع الاخرى حسب العملية التى ستقوموا بها ولاتقلقوا سيذكر لكم رقم الشباك الموظف الذى سيعطي لكم الورقة الىت بها رقمكم )

3- بمجرد سماع رقمك تتواجهوا الى الشباك ومعكم البيانات الخاصة بلجنة الاغاثة نقابة الاطباء وهي ( اسم البنك :بنك فيصل الاسلامي المصري ، الفرع: فرع القاهرة ، رقم الحساب: 261363 ) ستقوموا بذكر المبلغ ومن ثم الدفع وسيتم طلب اظهار بطاقة الرقم القومي للموظف وستقوموا بالامضاء على الايصال ، وستأخذوا نسخة من الايصال كدليل على عملية الايداع ،وسيكون مكتوب على الايصال ( لجنة الاغاثة الانساية بنقابة الاطباء ) وهذا دليل على ان رقم الحساب صحيح
هام جداً : رجاء مراعاة اوقات العمل في البنك غالبا فى رمضان من 9.30 إلى 1.30 فقط وفي غير رمضان تقريبا من 10 الى 2

ج- التبرع من خارج مصر عن طريق رقم حساب بنك فيصل باستخدام السويفت كود التابع للفرع وهو : سويفت كود :fiegegcxcai

اسم البنك :بنك فيصل الاسلامي المصري
الفرع: فرع القاهرة
رقم الحساب: 261363

سويفت كود :fiegegcxcai

شكرا جزيلا ( من القلب ) اجابه شافيه كافيه عافية ، وده اللى بيحصل بس احنا بنجمع مبلغ كبير ونوديه نقابه الاطباء وهما حيتصرفوا

هو أنت مش بتعرف أنت بتكتب أيه وبترمي علي مين؟
اقرأ أول مشاركه ليك
ياتري تقصد ناس في منتدي تاني ولا تقصد مين؟

وبعدين أحنا مش لقين حاجه للعلمانين والليبرالين لمساعدة الصومال عشان نحطهالك

ما تخليكوا حلوين كده واتكلموا بادب سورى يعنى
وايه حكايه ليبرالى وعلمانى دى هو يا اما ابقى من بتوع الشيخ حسان يا اما ابقى علمانى وليبرالى اوكى احسبها براحتك انت حر مالم تضر

الدعوة السلفية بالإسكندرية
حملة أمة وحدة

يعنى انا بحب الصومال وبحاول اساعد فى حمله دعم الصومال ابقى سلفى لا لا لا لا لا لا لا لا لا لا لا لا لا لا لا لا لا لا لا لا لا

أنت شخصية لذيذة:)
ملكش حل بصراحة

:d

ولكني مستمتع بأسلوبك في المناقشة

GO ahead