استفسارات وتعارف طلبة تجاره(عربى _انجليزى) بنها
 

انا عن نفسى حتى الان غير موجود بالكليه وعايز اعرف هل يمكن احول من تجاره عين شمس لتجاره انجلش بنها ومجموعى جايبها طبعا وياريت لو حد يعرف التفاصيل والحوارات المطلوبه يقوللى بسرعه علشان الحقانا كنت علمى رياضه وجايب 91%و42 انجلش

شوف على حد علمى لو انت من بنها تحول عادى بس لو انت من عين شمس لا يبقى مش حتحول مش ينفع تحويل
انا زميلتى نفس حكايتك كده
هيا من المنورة مجموعها يوديها ت انجلش طنطا راحت تسال فى الكلية انها تحول من تجارة عربى المنصورة لتجارة انجلش طنطا قالولها مينفعش
و ربنا يوفقك

انا فى تجارة انجلش بنها نصيحه منى خليك فى عين شمس
وموضوع التحويل دة اسال فى جامعه بنها وهما هيقولولك
بس لوانت ساكن قريب من بنها ادخلها لكن لو قريب من عين شمس
ادخلها وانت مغمض بس هى اصعب شوية

لأ انتوا فهمتونى غلط انا عايز احول من تجاره عربى عين شمس لتجاره انجلش بنها انا من القليوبيه طنان قريب جدا من بنها انا بتكلم فى التحويل دلوقتى هل اقدر ولا الميعاد فات

انا لو كنت تجاره انجلش عين شمس مكنتش هحول بس هو حصل خطا وبحاول الحق اصلحه