|
ارجوكم حد يساعدنى فى هذه المشكلة البسيطة..
السلام عليكم ورحمة الله وبركاته طبعا من غير مقدمات .ابدا على طول المشكلة ال انا هقولها الوقتى اعتقد دى ال مضيعانى على طول انى اعد اذاكر وقت طويييييل جدا وفى الاخر أجى احل الاقى نفسى تاايه مش عارف انا ذاكرت الحتة دى فين ..المفهوم مثلا ده فين السؤال ده فين ..... وفى الاخر يا فرحة ماتمت اقوم اقفل الكتاب وما احلش بعد مثلا ما اكون مذاكر فى الدرس 5 او 6 ساعات اجى احل الاقى نفسى تايه يجيلى احباط اكتر من الاول ومعتش اذاكر خالص مثال مثلا النهاردة زاكرت الكحولات فى الكيميا بدات فيها من بعد المغرب لغاية س 12 بالليل وبعدين جيت امسك كتاب الامتحان واحل فيه ألاقى نفسى تايه خالص انا زاكرت الفقرة دى فين ..وافكر واعتقد ال انا كده فى كل المواد وفى الاخر اجى ادخل امتحان شهر او امتحان نصف سنة او اخر سنة اجيب درجة وحشة .. ارجوكم ساعدونى اصلح المشكلة دى اذاى ..مع انى بعد وقت كتيير جدا فى المذاكرة ..يمكن اليوم كامل بفواص مثلا الدروس وشوية حجات بسيطة . لان المشكلة دى مضيعانى ولو ما عرفتش اقاومها مش هجيب مجموع السنة دى |
اقتباس:
ودى بتواجه طلبه كتير وانا واحد منهم :p وبترجع لاسباب كتير أولها قلة التركيز والتشتت إنك يأما بتاخد فترات كتيره مش مركز يأما بتاخد فتره كتيره مركز فدماغك بتقفل وبترهق تانيا : راجع طرق المذاكره الصحيحه وهى ماليه القسم هنا وشروط المذاكره بالنسبه للمكان والتهيئه النفسيه والجسديه والذهنيه ثالثا حدد أهدافك و خلى عندك دافع قوى يخليك تشد حيلك أكتر ومتملش ومتيأسش رابعا :يا رب أكون أفدتك وربنا يعينك ويوفقك |
اكيد طبعا استفدت شكرا ..وجزاك الله خيرا
|
الحل انت ذكرته فى المشكلة
بس انت بدأت بالعكس ازاااى ؟؟ انت اما تيجي تذاكر -واحنا فى وقت مراجعة دلووقتى- متذاكرش الدروس تذاكر الاسئلة ومنها تلم الدروس ازاى برده ؟؟ يعتى انت تدخل على طول على الامتحان حليت فيه شوية صح وفى كتير معرفتهوش روح دور على الى انت معرفتهوش بقا وذاكره هو بس كويس جدا لحد اما يخلص الامتحان امتحان ورا امتحان ورا امتحان تلائي نفسك لميت منهج وعرفت الامتحانات بتيجى منين وانهى اسئلة... اتعودت يعنى وكمان اخدت راحه نفسية وشيلت رهبة الامتحان من جواك بعد ما تخلص كل امتحانات الثانوية السابقة انت هتعرف نقط ضعفك فين بقا وهتبدأ تقويها وتستنتج لو حب يلعب هيلعب فى ايه وكده بقا وان شاء الله بالتوفيق :) |
اقتباس:
لاكن الباقى محلتش خالص ..لان انا عارف انى مش هعرف احل ولو جربت اكيد مش هعرف فا هيجيلى احباط وياس ...اكتر ما عندى شوفتو لما حد يقول على حد تانى ..خده على قد عقله .. انا بقى مع نفسى كده عشان انا لو ضغطت على نفسى ممكن المرة دى يحصلى حاجة عزا ..لان انا كل محاولاتى فاشلة |
اقتباس:
عاوزك تسأل نفسك الاسئلة دى وترد عليها لحد امتى مش هتحل امتحانات انت عارف لو ذاكرت اسئلة الامتحانات بس ومذاكرتش اى حاجة تانية فى المنهج انا اضمنلك 45 فى كل مادة بتقولى انت مش عارف تحل حاجة ما هو ده المطلوب من الامتحان انك مش عارف اسؤال ترجع تدور عليه وتذاكره كويس لحد ما يتحفظ وانت اول ما تنهى الامتحانات هتعرف ايه الى بييجى ومش هتذاكر غيره وهتنجح وبتفوق كمان ركز كويس وراجع نفسك وابدأ بس وربنا هيفتحها عليك ان شاء الله |
| جميع الأوقات بتوقيت GMT +2. الساعة الآن 06:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.